「政府打擊衞生黑點計劃」自8月14日開展以來，工作快速有效推進。計劃涉及多個部門，其中屋宇署負責拆除危險及棄置的高空招牌。署方在多人多車的區域，進行定期巡視，對區內的危險及棄置招牌採取執法行動，保障市民安全和提升市容。
屋宇署早前跟進市民舉報，向西洋菜南街一大廈外牆的四個棄置招牌的擁有人發出「拆除危險構築物通知」，要求他們拆除。由於招牌擁有人逾期沒有遵辦有關「拆除通知」，屋宇署今天（15日）早上8時展開清拆行動。期間政務司副司長卓永興由屋宇署署長余寶美陪同到旺角視察清拆招牌行動。
政務司副司長卓永興（左）在屋宇署署長余寶美陪同下視察清拆招牌行動。
卓永興其後在社交媒體以「旺角早晨的火花」為題，發文介紹清拆招牌行動。
唔講唔知，清拆招牌有好多學問。卓永興說，從余寶美署長的講解得知，清拆招牌行動，需要許多部署和警方的配合。切割招牌前，升降台上的人員要先用纜索固定好招牌的主體，防止其在清拆時掉落路面造成危險。人員也要切斷招牌的電源，並計劃好清拆招牌和支架各部分的順序，以免招牌在部分拆除後因失去支撐而在空中吊吊揈，撞向相關建築物內的店鋪或住戶。
此外，卓永興指出拆除行動會盡量安排在早上進行，避免影響途人、店鋪和交通。而警方要預早確保附近沒有車輛停泊，和在清拆進行時做人群管理。
卓永興指出，屋宇署今年已拆除或修葺近1700個危險或棄置的招牌。
Sebastian
** 博客文章文責自負,不代表本公司立場 **
旅發局進一步擴大旅遊義工計劃，準備招募更多對旅遊業有熱情的市民尤其是年輕人，希望佢哋身體力行做好東道主的角色，同旅客分享各種旅遊主題和知識。
Sebastian去聽了這些義工分享的經驗，發覺原來喺旅發局做義工真係唔係「義工」兩個字咁簡單，佢哋的經歷有趣的一面，也有感人之處。
「旅遊義工」Agnes退休前任職跨國公司管理層。
退休前在一家跨國公司做管理層的Agnes，擔任旅遊義工計劃已經有12年的時間，有什麼令佢印象深刻的經歷呢？Agnes分享話，在2018年的時候，遇到一位英國來的老人家，帶住一家大細同一本相簿，想搵返相片中的景色拍照留念。原來呢一位英國老人家係喺香港出生，5歲時跟隨父母返回英國居住。根據呢位老人家的自白，他對香港的記憶全部來自父母影低嘅相。
收到呢個請求之後，Agnes就一心想幫佢完成這個心願，認真幫老人家研究攝影地點喺邊度。結果就發現，除了一個景點外，其餘全部都對得上，Agnes就教老人家如何去現場影返啲相。佢哋影相時甚至擺出了當年老人家父母的甫士。
因為參加義工計劃不是日日返工，每次服務時長僅需大約3個鐘，Agnes隔幾日才會去到尖沙咀旅遊咨詢中心當值。事件過去後，有天返時時，有旅發局同事搵到Agnes，話英國老人家來告別，留底紀念品俾佢。Agnes打開禮物一睇非常感動，原來係老人家的父母當年喺香港影的舊照片。Agnes覺得呢啲係老人家的獨家回憶，不敢收藏，因為承載咗佢對父母的緬懷。後來先知，原來老人家已將舊相數碼化，送俾Agnes嘅係拷貝，現在存放在旅發局。
Agnes話，每當想起這段回憶，自己能夠幫老人家完成心願，好有滿足感。
退休之前喺跨國企業做管理層的Agnes仲笑言話，做義工工作仲有一個好處，就係佢平時返工工作壓力非常之大，做義工反而係佢緊張的工作生涯找到放鬆自己的一種好方法。
由新加坡回流香港發展的Marco，透過參與「旅遊義工」計劃重新認識香港。
Marco做咗6年的義工，佢係土生土長的香港人，但之前去了新加坡定居工作，但仍然覺為香港「做番啲嘢」，於是加入到義工招募計劃，現在從新加坡回流回香港，更希望通過計劃喺香港服務遊客，將香港的旅遊咨詢同旅客分享。
由於曾在新加坡生活，熟番當地人的生活習慣和語這，在做旅遊義工時，可以運用經驗協助遊客，例如，了解新加坡沒有鵝，只有鴨供應，所以明白新加坡遊客到香港品嘗和購買燒鵝是熱門活動，他就一早了解定向遊客介紹。
做旅遊義工，除了要求兩文三語流利，如果識多一種語言，對工作就更有幫助。Marco就笑言，除了三語，他仲識講新加坡式的英文，咁接待新加坡遊客時，佢就有個人優勢，黎到香港玩的新加坡人亦會覺得有親切感。
最新一期的旅遊義工計劃已開始招募，一直去到5月31日截至。今年成功入圍咗呢個計劃的學員，除咗可以學習多項本地旅遊方面的知識，譬如傳統本地文化、購物、綠色旅遊等等，今年仲邀請到星級導師，教大家點樣做好旅遊使者。
各位如果有興趣都可以試下報名參加計劃，為香港旅遊出一分力，亦都係結識世界唔同地區朋友嘅好好機會。
