焗住OT心態去公司annual dinner 打工仔呻不如折現畀員工仲好

2022年12月14日 20:17 最後更新：12月17日 00:12

不少公司亦會舉辦周年晚宴等，讓員工可以趁機聚首一堂。有打工仔則在網上發文，大呻被佔用部分放假時間，因此大部分同事亦不喜歡出席，直言「到底邊個發明 annual dinner？」又建議將預算款項向員工折現。

該名打工仔在香港討論區以「到底邊個發明 annual dinner㗎！」為題發文，指臨近年尾，不少公司亦會舉辦周年晚宴，「有得食有得抽獎，睇落好似幾好咁」，但指自己遇過的大部分同事亦不喜歡出席。樓主解釋指，「尤其係啲annual dinner 多數都係星期五晚、星期六甚至星期日搞，佔用咗我哋部分放假時間」，因此不少同事亦不太願意參與，「但唔去又好似好唔畀面，所以先至抱住開OT嘅心態焗住去。」

點擊看圖輯

設計圖片

更多相片

設計圖片

樓主直言，「其實邊個叫發明annual dinner㗎，不如拎annual dinner嘅錢折現畀員工仲好啦」，又指「如果同事之間係friend 嘅咪拎住啲錢食火鍋、食酒店buffet囉！唔鐘意同同事食飯嘅咪拎啲錢買自己鍾意嘅嘢，大家都開心」。樓主又指，「我又要諗計睇吓點樣體面地唔去 annual dinner啦，慘！」並詢問網民有否「好計」可以拒絕出席公司的周年晚宴。

有網民則指，「我哋返工時間食，食完放半日假」、「有得食好過冇得食」、「如果同啲同事fd又玩得埋嘅都無所謂嘅，如果無乜交流就真係幾慘」、「都唔一定唔好嘅，如果你同一team人或同事夾，又飲又食有獎抽（如果自己唔使出獎品），其實都ok㗎，反正一年得一次，一年幾十個weekend，阻得幾多啊」等。

往下看更多文章

網友垃圾桶「執到寶」大量過期海味臘味照食惹熱議

日前有網民在社交平台分享自己「執垃圾」奇遇記，事主在大廈垃圾桶內，發現大量遭丟棄的海味及臘味，包括名貴罐頭鮑魚、乾瑤柱、臘腸膶腸等。事主未有猶豫，甚至懶理不少食品已過期，直接撿走並開袋食用，更直言：「正常人係睇限期，我就係睇食物質素！」

事主在Facebook群組「Oh Yes!有野執(報料群組)」撰文，指自己意外在垃圾桶發現一袋海味，內有6罐鮑魚及1罐海螺片，事主隨後又在垃圾桶旁再發現另一批海味臘味，包括盒裝及袋裝的鮑魚、鮑魚汁、鮑魚麵、乾瑤柱及臘腸膶腸。其中一袋鮑魚包裝上標示的「此日期前最佳」日期為2024年11月24日，意味著已過期超過一年，不過事主似乎毫不介意，直接開關開袋享用。

帖文曝光掀起網民熱烈討論，不少網友指事主「今次發達了」，並紛紛猜測「可能兩公婆鬧交，我掉咗都唔畀你個衰佬食」，不過大多數網民則關注食品安全，指照片中乾瑤柱表面有白色粉末，懷疑是否發霉，而有網民就解釋：「唔係發霉啊！係擺得耐，嗰啲係鹽嚟㗎！」，亦有網民提醒「臘腸若存放過久可能產生油膉味，罐頭食品若變壞則會膨脹」