拍拖11年女友突提分手 港男直言「好似攞咗我條命一樣」

相信不少人亦曾面對過分手的傷痛。有港男在網上發文指，拍拖11年的女友最近以價值觀不同為由提出分手，令他感到意外，並直言「佢根本係我命根，依家同拎我條命係無分別」。

他直言，「佢根本係我命根，依家同拎我條命係無分別」。《愛回家之開心速遞》劇照

該名港男在連登討論區以「同個一齊左十一年嘅女朋友分咗手」為題發文，提到在上月的聖誕節，與他拍拖11年的女友以價值觀不同為由提出分手。他指，對方堅持分手，「佢覺得咁樣對大家係最好選擇，無論我講乜做乜，佢都係堅決要離開，都確定咗係唔關任何第3者事」。他續指，兩人在學生時期認識，「一直拍拖去到中學/大學，到依家大家出嚟做嘢都係長期熱戀期」，並指他們並非「攬頭攬頸錫錫嘅情侶」，在外出時亦甚少拖手，「只係平排一齊行，但係大家係會feel到好愛對方」。他指，自己是「果類圍住女朋友轉，無乜朋友無乜同事嘅人，日日見佢日日同佢出去玩食嘢做運動跑步」，而對方的性格喜好則與他相反，「佢係喜歡出去玩嘅女仔，鍾意自由鍾意識朋友圈子」，但雙方一直互相遷就及包容。

相關帖文隨即引起網民討論。網頁截圖

他又提到，雖然女方會嫌他「煩、長氣」 ，「又唔會成日好似個女仔咁關心我、氹我」，但是「佢又唔算係太港女，唔特別追名牌，唔會管住我，情人節生日唔會要求要咩名貴嘢，食啲咩高級餐廳，同佢食餐佢鍾意食嘅嘢佢就會好開心」。他指，雙方會互相取笑，「好似朋友咁嘅情侶」，並指「我同佢嘅生活就係簡單而又開心咁過咗11年」。他又指，一直視對方為結婚對象，因此女方突然提出分手令他感到意外。他直言，「佢根本係我命根，依家同拎我條命係無分別，我所有精神時間心血都擺晒喺佢度」，並指自己既會協助對方洗衫摺衫等，亦會協助解決生活上的問題，又會駕車接送她上班下班，「一諗到曾經嘅習慣，咁普通嘅舉動，依家都變咗奢侈，我想做都無得我做，就眼淚不停流」。

不少人留言安慰樓主。網頁截圖

他指，「一齊咗咁耐，根本已經成為我個人嘅一部分，佢改變咗我好多，教咗我好多嘢」，並指由於曾與對方去過不少地方，「依家去邊都係佢嘅身影」，並指「曾幾何時成日想發達，住大屋買貴錶貴車，去到依家呢一日，我竟然無晒呢啲慾望，直程係覺得你送畀我，我都唔會開心」。他續指，現時只能盡量放低，但間中亦會重回曾一同到訪的地點並懷緬一下過去，「有時我仲會揸車兜入去佢個屋苑度，兜個圈出返閘咁，好似之前送佢出入咁，我知好傻，但都叫做個心舒服咗小小」。

不少人留言安慰樓主。網頁截圖

相關帖文隨即引起網民討論，並有不少安慰樓主，又指「唔知講咩好，係好痛，樓主頂住呀」、「so下位更好，拍得咁耐都唔值得」、「其實都係嗰啲藉口，加油move on」等。有人則關注「即係咩價值觀有唔同？」、「話分手就分手，真係一啲預兆都無嗎？定係你一直無留意？」、「生活工作上有冇咩大轉變?」、「唔好意思，咁係發生咗咩事變到咁？」等。有人則提醒樓主要先學會愛自己，並指「唔好將愛自己呢個責任交晒畀第二個，自己要愛自己。就算天下無人愛你，都仲有自己愛自己，將啲時間同金錢使返晒喺自己身上，緣份到嘅時間自然會有人愛」、「愛多啲自己先會好過啲，我諗你都忘記咗點愛自己了」等。

有人則直言「你想佢返轉頭先做好自己」。網頁截圖

有人則關注「話分手就分手，真係一啲預兆都無嗎？定係你一直無留意？」。網頁截圖

有人則直言「老套講句，你想佢返轉頭先做好自己，等佢後悔到時你再選擇要唔要返佢，而唔係好似依家咁怨婦」、「唔會係突然間㗎喎，除非你哋有好明顯分歧，但夾唔到都唔會一齊咁耐啦，女仔分得手好多時都係出現咗第二個」等。另有人則指出樓主與女友的感情可能一早已出現問題，並指「淨係講你一味有幾好，定係一直有問題你自己唔知？」、「出街手都唔拖已經勁大問題，仲話大家熱戀期好愛好愛」、「樓主覺得大家仲係相愛，但其實女方應該一早已經淡咗唔愛，只不過無講出嚟。去到佢做好晒心理準備就會走，所以表現到好絕情，好快放低，只不過女方提前move on咗咁解」、「其實咩都係假，只係已經唔再愛。一齊咗咁耐激情一早冇晒，有嘅只係細水長流。將愛收喺日常，但一齊好耐突然發覺已經唔愛，咪分手」等。

帖文來源：連登討論區

有人則提醒樓主要先學會愛自己。網頁截圖

示意圖。設計圖片

興趣班並非小朋友專利！滿大街琳瑯滿目的興趣班，可能總有一班係為你而留！近日有網友就仔細研究工聯會的興趣班目錄，爆笑稱「睇完成個課程目錄，好似去咗趟奇幻之旅咁！」

網上圖片

有網友近日瀏覽工聯會課程目錄，發現竟然有「第七感研習班」，課程簡介聲稱技術由蘇聯耗資過億元研發，目的是「運用結構和意志力在任何想要知的資訊區域自由游走」，更指「身在蘇聯境內也可以遙視美國軍機的內部情況」。

網上圖片

這個索價530元、共五課的超能力班很快掀起網民熱議：「真心想知有咩人會讀？」、「人係香港，學完仲要特登去蘇聯試吓work唔work」、「要唔要着套黄金聖衣上堂？」。還有疑似舊生現身說法，分享十年前上過類似課程嘅奇幻經歷。

示意圖片

該位網民憶述當年導師「男人大叔衣著都寒酸」，課堂上教「用精神力估牌」，又指去賭場「只能用幾次要走」。

網上圖片

隨住第七感班爆紅，網民又挖出工聯會更多經典奇班，其中「懷才不遇自救法」索價150元，3小時的課程，聲稱教「如何去發展自己的才能、如何去 創造機會」以及「找到被人賞識的方法」。網民戲稱報讀「自救」課程「先收個150」，「工聯會真係可以 話係濟世為懷」。

以上除了兩大奇班，網民指工聯會過往還開辦過「六合彩致富」和「氣質形體儀態班」，不少網友直言工聯會課程種類廣泛到 「真係好多奇怪怪嘅班」、「睇完成個課程目錄好似去咗趟奇幻之旅咁！