俄羅斯人素有「戰鬥民族」之稱，霸氣強盛連北極熊都唔敢攻擊，幾十年前已經有圖有真相。不過咁，佢哋雖然民風強悍，內裏依然愛心爆棚，見到熊媽媽同寶寶身處寒風，就送上美味煉奶希望幫幫忙。
《Rare Historical Photos》月初發布一輯1950年蘇聯軍人到楚科奇半島演練冬天行軍照片。當年半島上北極熊隨處可見，真係唔知熊多定人多。據說相片拍攝時氣溫低至零下40度，四周一片荒蕪。一班軍人見到熊媽媽一家，擔心北極熊BB捱餓，於是分出少少煉奶，場面都幾溫馨。有軍人仲同熊BB錫錫！
罐裝煉奶是以前蘇聯小朋友冬天主要甜品，保質期長又易儲存，所以每個軍人都會隨身帶幾罐。有專家認為，相中北極熊住處可能仲有存糧，一家大細唔太肚餓，加上人類本來就唔係北極熊主要食糧，所以先可以同軍人相處融洽。
奇趣錄
** 博客文章文責自負,不代表本公司立場 **
