霸戲哥之日常#334｜ 街頭美食

Netflix原創紀錄片《街邊有食神》（Street Food）好評如潮，繼推出亞洲篇同拉丁美洲篇，近日再有新一輯美國篇上架，探索街頭美食嘅同時，尋找隱世嘅人情味。

街頭美食係社區文化好重要嘅一環，霸戲哥深信，一個尊重街頭美食嘅地方，先能夠保存到當地文化。估唔到向來標榜民主、民族共融嘅美國，原來對待街頭小販都唔係咁友善，警察見你阻街一樣唔留情面地驅趕。而喺洛杉磯，小販合法化原來只不過係幾年前先通過。

其中一集講到一個墨西哥家庭，家族經驗豬肉店，主人翁Juan自細看着父親在廚房幹活的孤獨背影，立志要幫輕父親一把。結果他放棄學業，專注為父親經營小食店，透過社交平台、Youtuber的催谷，逐漸在洛杉磯打響名堂。

一路睇住節目，一路醒起香港曾經hit過一排嘅美食車，唔知依家去晒邊呢？

霸戲哥

** 博客文章文責自負,不代表本公司立場 **

霸戲哥原本睇緊場東亞錦標賽日本對韓國，豬視妹突然話要轉台睇《東張西望》，話今晚有賤男part2睇。

原來呢兩日好多人討論呢位中佬賤男，據「苦主」稱，中佬透過社交平台炫富，再用交友app識女食女，同時間一腳踏幾船，又食又拎之餘仲靜靜雞拍埋淫片添！後來中佬被苦主揭發欺騙感情呃飲呃食，仲要係冇錢兼住公屋嘅，就組成「復仇者聯盟」，夾埋《東張》一齊設局捕佢。成個佈局都幾有張力嘅。

呢啲感情糾紛誰是誰非，霸戲哥真係唔多評論啦，只可以講，依家網上有咁多視頻教你提防畀人「呃蝦條」，淨係Netflix最近已經有部《Tinder詐騙王》，點解仲可以咁天真咁儍畀人有機可乘？

雖然節目將賤男打晒厚格，但全能嘅連登仔，好似已經起咗底，仲有個fb專頁添，大家無聊又想食花生嘅可以留意吓。