9月立法會選舉臨近,各方爭住出位,港島區直選戰情競爭,港視主席王維基日前打住「踢走689」的旗號宣佈參選,但佢踢唔踢得特首走就唔知,肯定好有機會搶走新民黨葉劉淑儀、 公民黨陳淑莊同民主黨的票。
公民黨陳淑莊今日正式宣佈參選,鬧的不是建制派,而是不點名向王維基發炮,佢問台下支持者,「 一個同意訂立廿三條、支持葉劉做特首、認為踢走689便足夠、更支持袋住先政改方案的候選人,係咪我哋民主派嘅人?」
陳淑莊呼籲選民要看清楚一個人的政綱、過去和品性,不要讓人混淆視聽。佢又指難以定奪王維基屬於建制還是泛民,相信選民不會滿足於只是換走梁振英,而是希望建立民主制度。
政壇高人話,選舉就係如此殘酷,泛民和建制派各有基本捧場客,打風都唔走。所以選舉時泛民同泛民爭,建制同建制爭。好似魔童王維基打住「反對689」的旗號,有少少似泛民, 背景又唔基層,都可能搶走公民黨的客,無怪乎陳淑莊打魔童落力過打建制派了。.
Ariel
** 博客文章文責自負,不代表本公司立場 **