長和被屈走稅 查實95%屬海外業務

長和主席李超人早前話，香港正處在20年來最艱難的時期， 建議提高目前為16.5%的利得稅率，以收窄貧富差距。 有週刊馬上抽其後腿，話長和過去五年的平均實質稅率為4.0%， 比16.5%的標準稅率低12.5個百分點， 質疑他用財技高手走稅咁話。  

有知情人士話，呢啲評論睇年報兩眼就講，對李超人並不公平。 以長和EBIT總額(未計利息和稅項收益)來計算， 香港地區業務只佔5%，95%的EBIT都是從香港以外之業務產 生。以其中一個核心業務屈臣氏作例子，屈臣氏在全球開設約13, 000家零售店，當中只有約700家設於香港，即香港只佔5. 4%。

知情人士話，如果你係做生意就識睇，長和唔係一間純本地公司，佢業務非常國際化，遍及全球超過50個國家，香港業務在長江和記的整體地域分佈中只佔極少部份，因此香港衍生的稅款順理成章地在整個賬目中只佔較少比例， 它在外國的業務要交當地稅款，外界因長和交香港稅少而抨擊它運用財技，在香港繳稅比率少， 並不公平。

另外佢又提到，長和雖然大部份業務在香港以外地方，但一直把從外地賺取利潤派予股東，當中很多是香港股東，包括20 14年出售屈臣氏25% 業務時向股東派發特別股息，所以香港人股東就可以因長和賺外國錢而受惠。

佢話有啲評論根本不明情況，想到就講，就有屈人之嫌了。

Sebastian

** 博客文章文責自負,不代表本公司立場 **

歷史攸久的民生書院90周年，民生的風雲校友實在太多，歌唱界都唔少，今次就由陳秋霞作曲，並由她自己、林志美和彭羚主唱，歌名叫《光與生命》。

呢三位名歌星，可以話係三代女神，當年粉絲無數，由佢地嚟演譯呢隻抒情歌曲，別有一番味道。

民生仔女多不勝數，好似中電企業發展總裁莊偉茵（Quince），佢同老公都係民生同學仔。Quince上星期在觀塘工廈的3000幾呎私竇，招呼傳媒好友，介紹民生書院呢隻90週年靚歌。

中電企業發展總裁莊偉茵（後排右一）和港視主席王維基（前排左一），同為民生書院校友

唔講唔知，原來港視主席王維基，都係民生校友，大家見到佢，都追問參選情況，佢話要狙擊葉劉咁話。