博客文章
全國人大和政協兩會結束，之前的地方省市政協會議都開完，Ariel 聽到不少故事。
富豪自己做完政協，都熱衷搵仔女接班，但現在莫講係全國政協，即使地方省市政協，都唔係話接班就俾你接班，而且接咗班都唔一定係好事。
話說有個太子女，今屆做咗某直轄市政協。而家呢啲位都唔容易搵，不過太子女就唔太珍惜，開會都唔係幾想去。
太子女開會無到，市政協官員就打電話搵佢，點知只係回咗一句話：「你搵我秘書啦」，市政協官員俾佢吹脹。
呢個故仔喺呢個市政協內，傳到開晒巷。大家都認為，太子女雖然年青，但如果繼續係咁嘅風格，下屆市政協都唔會搵佢做。
有富豪私下感嘆，佢哋呢一代到自己做咗全國政協或省市政協，自己退休之後，都好想仔女接班做政協。千辛萬苦推咗仔女上去，但佢哋可能完全冇興趣，老竇叫到就勉強去做，結果唔去開會有之、唔去考察有之、唔去學習有之，成為負面人版，真係唔知點算。
Ariel
** 博客文章文責自負,不代表本公司立場 **
特首超哥以「深耕發展、共築璀璨之城」為題發表2026年新年賀詞。
行政長官李家超發表新年賀詞。
超哥在影片中表示，2025年是充滿挑戰但體現堅毅的一年，「我們一同經歷經濟復蘇的強勁動力，也共同承受大埔宏福苑火災帶來的悲痛。」特區政府與市民同心協力，將「改革和動力」融入「發展經濟」「改善民生」，不斷見到來之不易的成果。
超哥提到新一年政府工作的重點，將聚焦增進民生福祉和強化創科驅動兩大目標。
在創科方面，超哥稱2026年將強化創科驅動，主動對接國家「十五五」規劃，加快發展北部都會區，深化河套合作區「一區兩園」聯動，加速科技、低空經濟等核心領域的發展和應用，以AI賦能各行業發展，並辦好APEC財政部長會議等國際會議，提升香港的國際影響力。
在民生方面，超哥話要加快公營房屋建設，實施「簡樸房」登記制度有序取締劣質「劏房」；優化醫療、教育資源，擴大長者醫療券覆蓋範圍，並為青年提供更多就業創業機會。
高人話，香港今年的經濟發展和民生改善成就，得來非常不易，要倍加珍惜。外圍環境風高浪急，香港人要團結一致，才能克服困難挑戰。
