匡勝天挑釁躁狂鏗少執行復仇大計 《隱形戰隊》「雙劉」再陷險境生命清白同告急

由文偉鴻（Jazz）監製、林麗媚、梁恩東編審的《隱形戰隊》，逢周一至五晚八點半翡翠台播映。一連三十集的《隱形戰隊》來到尾聲，萬民期待的大奸角匡勝天（陳展鵬飾）於第二十五集無罪釋放，結局周將火力全開展開驚天復仇大計，屆時除了令網民絞盡腦汁的內鬼身份將曝光，匡勝天的復仇兵團亦會比之前更為強大。

心理操控專家匡勝天，在廿五集無罪釋放。

根據無綫在4月9日在官方社交網釋放的結局周搶先睇預告片，之前在「活人狩獵」個案中威力驚人、曾令邢風（劉穎鏇Tiffany飾）及Shadow（劉佩玥飾）危在旦夕的鏗少（阮浩棕飾），將成為匡勝天復仇大計的重要棋子之一。「搶先睇」所見，擅長操控人心的匡勝天，胸有成竹向鏗少謂：「你知唔知邊一個害到你咁？」成功重燃鏗少對邢風及Shadow仇恨，令出名躁狂的鏗少進入暴走狀態；之後鏡頭一轉，明顯被齊齊綁架的邢風及Shadow果真身陷險境、生死未卜。更驚人的是，逃獄後的鏗少將變本加厲，動殺機之餘更對「警隊雙嬌」起了色心，預告中鏗少邊解開褲頭邊咬牙切齒說狠話，邢風及Shadow性命及清白岌岌可危。

鏗少畀匡勝天挑起仇恨

Shadow邢風慘成目標

鏗少仲會辣手摧花，到底佢最後會唔會得逞？

據知匡勝天復仇計劃「唔止咁簡單」，魔爪將伸延至POTT及CTRU以外角色，就連無辜市民亦會受牽連，結局周除了再有重大犯罪事件，傷亡亦相當慘重，死亡角色人數更是五隻手指數唔晒，坊間更盛傳連主線角色亦難逃一死！結局周劇情除了緊張刺激、洋蔥處處，亦有不少浪漫感人位，但到底是「先苦後甜」還是「先甜後苦」卻不得而知。「搶先睇」中，邢風與Cool Sir（陳山聰飾）、及Shadow與女女（林子善飾）雙雙修成正果有情人終成眷屬，到底片段中四人的結局是如預告片中呈現的次序一樣求婚後才遇上危機；還是逃過一劫後方才修成正果？

女女向Shadow求婚

Cool Sir向邢風求婚

劇組4月10日還會公開「警隊雙嬌」結局周被綁架的現場拍攝花絮，除可看到Tiffany及Moon為了造型爭拗不休，更可見證兩位女主角如何做運動抵禦寒風、及面對重大場口時的不同反應，經驗豐富的阿Moon全程勁興奮，相反Tiffany則全程面青青，更對Moon亢奮表現大表不明所以，到底拍攝現場情況如何？

到底咩場口，令到兩位小花嘅反應有咁大分歧？

鏡頭面前所有嘢都好緊張，但其實拍攝現場兩位小花唔使埋位時都有講有笑好輕鬆，仲齊齊做運動力抗寒風添。不過佢哋對於兩人造型上嘅差異，似乎有啲意見。

TVB一眾藝人近日積極備戰，為今日（5月1日）的《明星籃球精英隊表演賽．廣州站》密密加操，對戰由前中國男籃國手的孟鐸，以及有「路人王42冠王」陳澤文組成的球星隊。籃球女神劉穎鏇作為明星隊隊長，率領譚俊彥、張振朗、何廣沛、許家傑、戴祖儀、孔德賢、周志康、潘靜文、劉頌鵬、劉詠彤等人密密練波。

籃球女神劉穎鏇率領明星隊為《明星籃球精英隊表演賽．廣州站》密密加操。

藝人們平時工作繁忙，可以就到時間齊人練波已經非常難得，大家為了積極備戰，每星期最少都練一次，可以的話甚至一個星期練三課，非常努力。當中隊長劉穎鏇與許家傑被眾人寄予厚望，視為「神隊友」。

身為隊長兼籃球女神，劉穎鏇表示以往未試過在內地比賽，知道今次會在天河體育中心體育館作賽，心情有點緊張。雖然她近期比較少練波，但為了今次有更好表現，每星期最少都練習一次，大家都很團結去練習，非常期待。她又笑言：「反而我覺得同男仔打波會好啲，因為佢哋會錫住我哋。」她又大讚隊友會互相補位，而且已經培養好默契，希望到時每人都可以得分。

劉穎鏇

劉穎鏇、戴祖儀

劉穎鏇

在旁的張振朗則表示今次比賽是要「搵初戀」，他笑言：「今次參加比賽我想搵返初戀，自從13歲夏天同籃球結緣之後，我好耐都冇打過喇。而且我13開始就有個籃球夢，所以我今次唔係嚟比賽，我係嚟尋夢！」有張振朗在場搞氣氛，令大家在一片笑聲中練習。

張振朗

氣氛擔當又點止張振朗，戴祖儀笑言：「我已經買咗兩個啦啦球，準備做啦啦隊同大家打氣，我唔會落場㗎！」然後她即場射籃豈料射失，她自嘲：「我角度係有㗎，係冇力之嘛，我有埋力鋪鋪做神射手都唔知你哋點算。」

戴祖儀

雖然練習時有講有笑，但何廣沛表示對於今次比賽心情緊張，因為未知對手實力如何，以前在橫店拍劇時也曾與當地的學生打籃球，他說：「當地啲學生好勁，個個都好高大，手長腳長。」雖然會因為比賽感到緊張，但有許家傑（Jack）做隊友令他很放心，他說：「Jack有自己球隊，係HERO嘅老大哥，好有經驗，有佢帶住個心都定啲。」他又說：「相信只要傳到空位俾Jack，都有8、9成機會入波。另一位猛將Tiffany都好勁，期待佢到時可以做到得分王！」他又笑言：「籃板王我應該攞硬，我好有信心，呢幾次練波都有一個2米高嘅對手訓練我彈跳力，依家我跳到兩個膝頭傷晒，就快變『雙失』㗎喇。」

何廣沛

許家傑表示雖然未試過在內地打籃球賽，但有留意開國家隊表現，特別是女籃每一位運動員都很高，高自己成個頭；又試過跟內地朋友打籃球，覺得對方不論是技術與體魄都很強。Jack又表示自己從小就打籃球，雖然近年轉跑馬拉松、pickleball，不過自己有球隊所以沒有生疏。戴祖儀亦讚他很專業，會教大家跑姿、射姿。而Jack覺得Joey很捱得：「上次佢練到塊面都青晒斷氣咁滯都仲好堅持，可能公司藝人都比較捱得。」

許家傑

同場的孔德賢以前有在內地踢過足球賽，但籃球賽就第一次，他表示期待與大灣區、廣東省嘅朋友交流。而劉頌鵬就表示現時可以做的就是積極備戰，這幾個星期是他人生最接近做運動員的一次，基本上一個星期練三課。他們覺得，如果之後有機會原班陣容組隊定期練波，再將它拍成節目，或者參加業餘比賽也不錯，相信各位男神、女神一起拍節目會很好玩。

孔德賢

大合照