陳欣妍慘遭酸民嘲整容 沈震軒霸氣以「雞鴨論」護未婚妻

39歲沈震軒（Sammy)今年內迎娶細10年，憑著三點式主持節目《美女郊遊遊》彈起的陳欣妍(Shirley)，喜慶事惹來酸民玩考古，再翻炒Shirley的「五官進化史」，仲Mean爆留言難以想像兩人的「結晶品」會唔會走晒樣？對於此類網上攻擊，入行18年的Sammy霸氣地以「雞鴨論」回應：「入行聽得最多係『娛樂圈嘅男做鴨；女就做雞』你覺得係咪係囉。」

Sammy明白圈中遊戲規則，做人唔好咁Care。

Shirley今年將披嫁衣，𠵱家等緊Sammy驚喜求婚。

兩人好鬼sweet。

沈震軒和陳欣妍首次以情侶檔姿態拍廣告，兩人為配合內衣品牌豁出去，奉旨影火辣辣親熱相，準夫妻又經常做直播，跟網民互動講吓兩性關係，Sammy坦言想同女友合體搵錢。他強調自己並非大家想像中咁有錢，只屬比上不足比下有餘，之前出Po炫富晒400萬辣跑、晒健身器材又嘆紅酒，全港網媒炒晒車，其實係廣告嚟嘅。

沈震軒跟未婚妻合體拍內衣品牌廣告，大晒健碩身材。

Sammy揸辣跑拍片，解釋只係工作需要。

兩人不時孖住做直播。

Sammy仍然熱愛唱歌。

Sammy屋企收藏唔少模型「玩具」。

買到一屋都模型。

由未婚妻供應零用

Sammy認為大把圈中人較他富有，開健身室是跟朋友合資，「如果網民認為我晒健身器材係炫富，咁個個喺網上show食物都係炫㗎！同一樣嘢啫，經營社交網就係咁，可能大家見我買嘅嘢，香港人較少有，喺佢哋角度覺得我富咪富囉。」

有報導指陳豪送超過200萬名牌包包畀陳茵媺，Sammy好贊成，因為女友都支持他花唔少錢買「玩具」：「所以我有幾多錢就畀幾多錢Shirley買包包，多有多買少有少買，如果買唔起就同佢講『等我賺多啲先！』因為我都想佢喺適當場合襯吓衫，靚靚哋行出嚟。尤其喺娛樂圈，女藝人擁有10個8個名牌包包好正常。」他更堅持男人要錫老婆或女友，要令身邊女人開心有運行，happy wife happy life！否則會蝦死你，有乜要求都唔得。問到可會擔心好快冇晒錢？他表示唔怕：「我哋都相信吸引力法則！而且我𠵱家乜都有，冇乜消費意慾，每個月只係同佢攞返少少零用錢，其他都畀晒佢消費。」

Sammy大晒屋企專業健身器材，被網民指炫富。

陳茵媺不時換名牌包包，過住闊太生活。

對於Shirley被指五官係宇宙大進化，更有網民刻薄留言「唔知仔女會點嘅樣！」Sammy沒好氣說：「其實冇所謂，直接啲講我都係香港人，聽得最多係『娛樂圈嘅男做鴨；女就係做雞；嗰個有錢唔知撈乜，一定係俾人包。』你覺得係咪係囉，唔使解釋。其實大家喺網上只係吹吓水，所以做人要放開啲，以前我做人比較嚴肅，但俾屬雙子座嘅Shirley感化，因為佢個人好chill，反而會安慰返我話『冇所謂喎，又唔會少咗忽肉，最重要我哋知發生乜事咪得，演員一定會俾人標籤，全部都care咪死？』」

Shirley身材豐滿兼樣貌甜美，好多巴打好冧佢。

2020年，陳欣妍在ViuTV節目《美女郊遊遊》中著三點式行山引死唔少連登仔。

Shirley做人比較輕鬆自在，唔介意素顏出鏡做直播。

有網民翻出Shirley舊照，發現Shirley五官大改造。

網民大讚Shirley是最成功整容女藝人。

40歲要做返個男人

拍拖5年，Sammy從Shirley身上學會Take it easy：「佢令我個人放鬆咗，改變晒人生態度，以前TVB嗰套文化好聽叫pro，唔好聽叫假，有好多嘢要遵守，唔聽話要照肺，𠵱家簽咗英皇娛樂唔需要咁，快40歲仲扮乜嘢呀？不如做返男人要做嘅嘢。」他重申，跟女友互相支持最重要，仲提大家謹記：happy wife happy life！

沈震軒從未婚妻身上學會凡事唔好睇得太認真，認真便輸了。

沈震軒比以前開心咗好多。

Sammy唔介意晒肌，堅持近40歲人要做返自己。

《超能使者》是Sammy在TVB的最後一套劇集。

沈震軒搣甩TVB文化做人唔再扮嘢，陳欣妍被翻炒「進化史」霸氣維護。

ViuTV節目《不一樣的愛情》逢星期一至五晚上10時30分播放，由鄧小巧（小巧）、黃正宜（阿正）、何居倬（Adams）和黃凱逸（Zelos）擔任主持，與觀眾一同走進各式各樣看似不相襯的親密關係之中，仍能在彼此世界裡，找到屬於他們的默契和愛。

明晚（12日）《不一樣的愛情》播出的最後一集，請來沈震軒與陳欣妍（Shirley）擔任嘉賓。

明晚（12月12日）播出的節目最後一集，請來沈震軒與陳欣妍（Shirley）擔任嘉賓，分享兩人相差十年的相處之道。二人同為演員，Shirley 憶述初次相識是在一次拍攝現場，當日日曬雨淋，加上正值生理期首日，身體十分疲憊。然後沈震軒主動讓出座位，並從背包中取出朱古力給她補充體力，其細心體貼的一面，令Shirley對他留下深刻印象。

沈震軒與Shirley談到同居生活，形容是「一凹一凸」的組合。

Shirley形容沈震軒與自己過往認識的男士十分不同，「原來搣咗層紗布先知佢咁穩定，好似執到寶咁」，她直言過去遇到的對象多屬「Playboy」或不夠穩重，而沈震軒卻性格自律、專一，生活作息固定，就連健身時聽的歌曲清單七年來都未曾改變。

沈震軒亦分享，真正令他對Shirley產生好感的一刻，是某次送對方回家時，對方即使比自己年輕十年，仍能對自己創作的歌詞產生共鳴，令他深受感動。相處過後，Shirley的處世態度亦讓他學會放鬆心情，他坦言：「尤其我哋八十後男士，成日覺得唔可以放假，要做到隻牛咁，最好係身邊嘅人可以令我放鬆，而佢就係嗰個人。」Shirley亦補充指，沈震軒即使只是駕駛時行錯路，都會責怪自己。

沈震軒稱「男人聽女人話會發達」。

談到同居生活，兩人形容自己是「一凹一凸」的組合。沈震軒喜歡整齊但不算潔淨，Shirley則剛好相反，喜歡潔淨卻較不善整理。磨擦自然難免，沈震軒笑言：「雖然我好鍾意佢，但佢有好多嘢都令我唔順眼，尤其係佢嗰種『Chill』、『慢』，真係會令人炆憎。」至於解決方法，沈震軒表示二人吵架「唔會隔夜」，一定要當日解決。Shirley聽後忍不住偷笑，直言對方清楚自己最大問題是只有短時間的專注力：「你最好Chur盡嗰十分鐘，之後我就無㗎喇。」她亦形容沈震軒是「道理王」，由平復情緒、整理思緒到講道理，整個過程需時六小時，但又必須在睡前解決，令她哭笑不得。

被問到情侶一同經營生意會否帶來壓力，兩人坦言反而更享受一起承擔。沈震軒亦透露，生活中大大小小的事情都會顧及對方感受，給Shirley帶來十足安全感。他更笑言，有時會將最後決定權交給另一半，因為相信「男人聽女人話會發達」。二人因同居關係，工作早已融入生活之中，就連閒話家常亦離不開工作，但彼此均未感到困擾。

節目中Shirley亦爆料，沈震軒每日在健身室待足四小時。沈震軒澄清，真正訓練時間只有兩小時，其餘時間多數用作招呼客人、聊天及整理器材。不過Shirley則反指，即使在家中私人健身房，對方同樣待足四小時。沈震軒隨即解釋，純粹因為太愛健身器材，總希望將擺放位置調整至最完美狀態。

Shirley大讚沈震軒專一。