政府要求立法會參選人簽署「確認書」,接受「 香港是中國不可分離的部分」,泛民不願簽確認書, 傳聞法律界候選人、公民黨郭榮鏗簽了自製的確認書, 但至執筆時未找到他求證。
不過自製確認書呢個話題,7日前郭榮鏗見選舉管理委員會主席馮驊時亦提過。
郭榮鏗形容確認書「添煩添亂」,「多此一舉」, 他引述和馮驊的對話,「我有問他, 我們可不可以自己寫自己形式的確認書,他說可以, 可以自己寫一個確認書,因為我跟他說, 你的確認書只提了三個基本法的條款,對我來說基本法有160條, 每一條都很重要,為何你只說這三條, 所以我們可能有自己的確認書,他也不排除這個可能性。」
若然郭榮鏗真係簽咗自製確認書,相信就係確認接受基本法160條條文。不過呢個做法都好有律師為拗而拗的色彩,接受160條, 當然亦都包括確認書要求的3條了,你另外確認多157條, 政府有乜理由反對?但咁做亦否定唔到政府的做法。
不過無論郭榮鏗是簽了自製確認書,抑或無簽確認書,由於他並非支持港獨人士,相信都唔影響他的參選資格。
郭榮鏗形容確認書「添煩添亂」,又錯唔晒,因為對本土派參選人而言,確認書加上選舉主任追問是否支持港亂,真係令佢地好煩好亂,用佢地自己的講法,係「答又死唔答又死」。 所以確認書就唔係如郭榮鏗所講的「多此一舉」,對本土派而言, 呢一招打到佢地死穴上,逼他們表態。
Ariel
** 博客文章文責自負,不代表本公司立場 **