為新歌MV首執導演筒 溫碧霞唱出少女情懷

Irene表示自己好喜歡這首歌。

溫碧霞（Irene）於5月16日推出全新歌曲《光影之旅》，歌曲亦是由Irene擔任監製、將於六月上映的電影《我們的十八歲》主題曲。

觀看相關影片按連結：https://youtu.be/n90wCHo_13k

相隔兩年，Irene再次推出歌曲，她更出任MV導演，絕對是一次新嘗試。首次執導，Irene表示其實一直想當試做導演的感受，從取景、拍攝手法及故事大綱，幾乎由Irene一手包辦，不過由於是初試啼聲，這次她便邀得電影《墮落花》攝影師協助，「呢首歌我自己好喜歡，歌曲內容好能夠表達我嘅『少女心事』。」

Irene相隔兩年再次推出歌曲。

MV從取景、拍攝手法及故事大綱幾乎由Irene一手包辦，但由於是首次執導，Irene邀得電影《墮落花》攝影師協助。

所謂「少女心事」Irene解說：「MV入面我想用寫日記嘅故事形式去表達我回憶緊我嘅少女時代，色調用咗黑白風，希望帶出一種懷舊、回憶嘅情緒。」MV中的多個場景如海邊、咖啡廳都是Irene小時候喜歡去的地方，「因為細個時爸爸管得好嚴，所以特別鍾意去海邊，感覺好無拘無束；喺咖啡廳睇書寫嘢，我會將自己嘅心事寫喺本簿。」

MV色調用黑白風，是希望帶出一種懷舊、回憶的情緒。

MV中多個場景都是Irene小時候喜歡去的地方。

將於下月上映的電影《我們的十八歲》是Irene第三次擔任監製的電影，是歷時五年半自傳式的電影，「《我們的18歲》係講述關於兩個少女嘅成長故事，當中紀錄咗自己少女時代嘅反叛，到入娛樂圈嘅種種，我諗所有人最深刻嘅就係成長過程，小時候嘅回憶都係難忘。徐浩寫呢首歌真係好有電影感，聽住音樂已經想像到電影裏嘅畫面。」

下月上映的《我們的十八歲》是Irene第三次擔任監製的電影，是歷時五年半自傳式的電影。

《光影之旅》是電影《我們的十八歲》的主題曲。

為慶祝「英皇娛樂25+ HAPPY BIRTHDAY慶典」，英皇歌手輪住出動造勢，今次便聯乘「BEAT FRIDAY」舉行《英皇盛世之夜 Canton Disco Vibes》，由英皇的經典金曲到新派作品，一首接一首，氣氛由頭熱到落尾。

英皇娛樂為慶祝25+周年，昨晚（27日）聯乘「BEAT FRIDAY」舉行《英皇盛世之夜 Canton Disco Vibes》，周國賢（Endy）、曾傲棐、女團VIVA、黃明德及黎展峯輪流獻唱英皇經典金曲與新作，由《活著VIVA》到《櫻花樹下》，全場樂迷由頭唱到尾。

昨晚（3月27日）周國賢（Endy）、曾傲棐（Arvin）、女團VIVA、黃明德（Dark）及黎展峯（Andy）齊齊現身party，何佩瑜（Jeana）驚喜客串擔任客席DJ打碟，溫碧霞（Irene）及楊天宇（Angus）亦有到場感受氣氛。全晚歌單充滿集體回憶，由《活著VIVA》、《隆重登場》、《明愛暗戀補習社》、《爆了》、《櫻花樹下》、《彌敦道》，到新派嘅《FOMO》、《FM520》、《免費升級》、《框框》，每首都有不同年代的樂迷跟着唱。

女團VIVA

溫碧霞（Irene）亦有到場感受氣氛。

經過一輪熱身之後，Arvin、Andy、Dark及VIVA先後上台跟樂迷一齊跳唱，Endy壓軸登場，音樂一響起，全場即刻瘋狂尖叫，將成晚氣氛推至最高點。原來Endy、Arvin、VIVA、Andy同Dark全部都係第一次參加Canton Pop Party，難怪個個都玩得特別投入。Endy更投入到連外套都脫掉，「成晚都係自己公司嘅歌，感覺好得意，由舊歌到新歌，成個flow好順，見到台下啲人由頭唱到尾，自己都忍唔住跟住跳，同埋跳到除埋件外套，真係玩得好開心。」

VIVA全晚玩到超興奮，「原來係咁好玩，全部都係我哋自己公司嘅歌，好神奇。公司好多歌都係九十、二十年代嘅經典金曲，中間啲轉換超正，轉得好順。」成員Ada更分享一段小插曲，「啱啲同啲DJ們指教咗一下，佢哋話播到第一個Chorus嘅時候就可以㩒細聲啲個音樂俾觀眾唱，點知我個Timing一㩒嘅時候就靜咗，哈哈，跟住DJ安慰我：『唔係你問題，係佢哋唔Get啫嗰下。』原來咁樣tune音樂係可以咁樣玩，要捉觀眾嘅Timing，玩吓Party嘅vibe，今晚係好enjoy。」

何佩瑜（Jeana）

Arvin坦言覺得新鮮，「好似去咗食Omakase咁，同埋公司真係有好多好歌，又可以重溫經典，又可以同一班歌迷近距離接觸一齊玩，good㗎。」Andy則大讚全晚氣氛，「今晚好正，尤其是係全晚都係我哋英皇嘅歌，同埋都係大家耳熟能詳嘅歌，佢最正嘅就係播小小前奏出嚟，大家就會跟住一齊唱，我覺得呢種感覺好有feel。」Dark就話：「可以同我最愛嘅artist朋友、同事一齊跳舞，聽英皇嘅歌，但係又有少少Remix，今日真係好開心。」

周國賢（Endy）壓軸登場。

全場瘋狂high爆！

整個Canton Pop Party，由頭到尾都播放英皇歌曲，歌手們跟樂迷玩到零距離，為「英皇娛樂25+ HAPPY BIRTHDAY慶典」再添一個難忘的夜晚。