海關已開展新一輪海關督察的招募工作,招募期由5月16日至6月5日,而關員則全年接受申請
海關開展新一輪海關督察的招募工作。海關FB圖片
為配合招募工作,海關招聘宣傳車出動到全港各區進行招聘,繼昨日(5月16日)在黃埔必嘉街出動,招聘宣傳車今日(5月17日)中午12時至晚上8時出動到浸會大學道。
海關招聘宣傳車出動到全港各區進行招聘。海關FB圖片
海關招聘宣傳車車內除有部門資訊、部門不同工作範疇的介紹影片以及體能測驗示範影片外,亦有遴選程序準備貼士影片及過往試題,更有小測驗給參觀者小試牛刀。宣傳車內亦設有即場投考櫃台,供有興趣人士即場報名。
海關招聘宣傳車內設有部門資訊、部門不同工作範疇的介紹影片以及體能測驗示範影片。海關FB圖片
海關招聘宣傳車內設有即場投考櫃台,供有興趣人士即場報名。海關FB圖片
海關招聘宣傳車明日(5月18日)中午12時至晚上8時,還將會在鰂魚涌英皇道康橋大廈對出停泊,有興趣報名人士不要錯過喇。
Sebastian
** 博客文章文責自負,不代表本公司立場 **
旅發局進一步擴大旅遊義工計劃,準備招募更多對旅遊業有熱情的市民尤其是年輕人,希望佢哋身體力行做好東道主的角色,同旅客分享各種旅遊主題和知識。
Sebastian去聽了這些義工分享的經驗,發覺原來喺旅發局做義工真係唔係「義工」兩個字咁簡單,佢哋的經歷有趣的一面,也有感人之處。
「旅遊義工」Agnes退休前任職跨國公司管理層。
退休前在一家跨國公司做管理層的Agnes,擔任旅遊義工計劃已經有12年的時間,有什麼令佢印象深刻的經歷呢?Agnes分享話,在2018年的時候,遇到一位英國來的老人家,帶住一家大細同一本相簿,想搵返相片中的景色拍照留念。原來呢一位英國老人家係喺香港出生,5歲時跟隨父母返回英國居住。根據呢位老人家的自白,他對香港的記憶全部來自父母影低嘅相。
收到呢個請求之後,Agnes就一心想幫佢完成這個心願,認真幫老人家研究攝影地點喺邊度。結果就發現,除了一個景點外,其餘全部都對得上,Agnes就教老人家如何去現場影返啲相。佢哋影相時甚至擺出了當年老人家父母的甫士。
因為參加義工計劃不是日日返工,每次服務時長僅需大約3個鐘,Agnes隔幾日才會去到尖沙咀旅遊咨詢中心當值。事件過去後,有天返時時,有旅發局同事搵到Agnes,話英國老人家來告別,留底紀念品俾佢。Agnes打開禮物一睇非常感動,原來係老人家的父母當年喺香港影的舊照片。Agnes覺得呢啲係老人家的獨家回憶,不敢收藏,因為承載咗佢對父母的緬懷。後來先知,原來老人家已將舊相數碼化,送俾Agnes嘅係拷貝,現在存放在旅發局。
Agnes話,每當想起這段回憶,自己能夠幫老人家完成心願,好有滿足感。
退休之前喺跨國企業做管理層的Agnes仲笑言話,做義工工作仲有一個好處,就係佢平時返工工作壓力非常之大,做義工反而係佢緊張的工作生涯找到放鬆自己的一種好方法。
由新加坡回流香港發展的Marco,透過參與「旅遊義工」計劃重新認識香港。
Marco做咗6年的義工,佢係土生土長的香港人,但之前去了新加坡定居工作,但仍然覺為香港「做番啲嘢」,於是加入到義工招募計劃,現在從新加坡回流回香港,更希望通過計劃喺香港服務遊客,將香港的旅遊咨詢同旅客分享。
由於曾在新加坡生活,熟番當地人的生活習慣和語這,在做旅遊義工時,可以運用經驗協助遊客,例如,了解新加坡沒有鵝,只有鴨供應,所以明白新加坡遊客到香港品嘗和購買燒鵝是熱門活動,他就一早了解定向遊客介紹。
做旅遊義工,除了要求兩文三語流利,如果識多一種語言,對工作就更有幫助。Marco就笑言,除了三語,他仲識講新加坡式的英文,咁接待新加坡遊客時,佢就有個人優勢,黎到香港玩的新加坡人亦會覺得有親切感。
最新一期的旅遊義工計劃已開始招募,一直去到5月31日截至。今年成功入圍咗呢個計劃的學員,除咗可以學習多項本地旅遊方面的知識,譬如傳統本地文化、購物、綠色旅遊等等,今年仲邀請到星級導師,教大家點樣做好旅遊使者。
各位如果有興趣都可以試下報名參加計劃,為香港旅遊出一分力,亦都係結識世界唔同地區朋友嘅好好機會。