飛蟻不可怕，不過飛入屋就好麻煩！
又到雨季來襲，本港各地區出現大量飛蟻群，令區民非常困擾。近日就有一網民於社交平台上載影片，可見大量飛蟻於九龍城街頭肆虐，不斷圍繞招牌燈箱飛舞，非常嚇人。樓主認為應找食環署介入，卻被網民揶揄「大驚小怪」，樓主反駁指「針唔拮到肉唔知痛」。其實不止九龍城，香港各區如太埔、將軍澳也有飛蟻陣出沒，網民紛紛教路防止飛蟻入屋的方法。
該網民於Facebook群組「香港突發事故報料區」發文兼上載兩段影片。事主指的影片拍攝於九龍城龍崗道晚上7時左右，影片所見大量的飛蟻聚集在商戶招牌及街燈周圍，數量之多令人驚訝，幾乎每盞路燈都有一群飛蟻盤旋「成條街鋪天蓋地都係蟲海」。
樓主認為飛蟻肆虐問題嚴重，應找食物及環境衛生署介入，但卻被網民圍攻「大驚小怪」、「快D返火星啦，地球好危險」、「天氣報告啫！自然生態！」、「打風有飛蟻有幾出奇？」、「關食環咩事」、「大自然定律，落雨有光就有飛蟻」、「樓主係咪小朋友，未見過白蟻婚飛期？」。
不過樓主指雖然飛蟻出現是自然現象，但以前這區情況並沒有如此嚴重「九龍城由上年開始地盤多左先開始噤大群，成條街既級數」。樓主更批評一眾網民事不關己，才大放厥詞「希望講無知既同時，可以諗諗當時單單鏡頭就噤情況，整條街道加上兩旁住宅及食肆影響人數有幾多？」、「如果有需要我好樂意請你係晚飯時間，全身被半百飛蟻纏繞下食飯親身體驗惡劣情況」。
Getty示意圖
另外，除了九龍城，亦有網民於其他地區如大埔及將軍澳等，拍攝到飛蟻陣的影片，飛蟻肆虐令居民非常困擾「住坑口，收工返到去，拍/捉咗成廿隻，後尾食飯頂唔住要冷氣」、「超多，仲不停飛埋黎個臉度」、「我露台D衫冇收，我隔住蚊網睇住佢地，愛莫能助，聽日要重新洗過」、「我都殺左6-7隻，個女不停大叫」、「我哋都殺咗好多隻飛蟻，兩個女係咁大叫」。
有網民教路對付飛蟻的方法「擺一盤水加洗潔精係地下，用一盞燈照住佢」、「開涌水跟著搵光線射水個面，佢會飛入去」、「用吸塵機一吸就冇曬」、「關窗開冷氣啦！幾個鐘後就死曬！飛蟻生命好短暫」、「買支電蚊拍，練下網求」。
帖文來源：Facebook群組「香港突發事故報料區」、「大埔 Tai Po」、「新都駅業主自由講 MetroTown Owners」
