日日有新聞的立法會主席曾鈺今午跟傳媒「茶聚」，講嘢出位的曾主席無令記者失望，他用「亞氏保加症」（Asperger syndrome，即自閉症）來形容特首CY，佢都算出位啦。
曾主席又大爆97前到北京開籌委會，和CY的私下閒談，引述CY提及自己是以「魚缸理論」對付記者，話為阻止家裏金魚缸的大魚追咬小魚，就在兩者之間放下一塊玻璃，令大魚撞上玻璃多次後，即使往後移走玻璃，大魚也不會再追向細魚。當年梁振英就正正將一名向他遞上名片的記者面前， 將其名片扔落垃圾桶，仲表明自己「無嘢要搵你」。
政壇高人話，曾主席講明自己想參選特首，然後就大爆CY當年私下 的講話，可以當作競爭對手爆料隊對家，是否合符道德值得商榷。
高人亦笑言，如果 CY是政治自閉，見到人講多兩句話都唔想。曾主席就是政治成癮，玩咗50年政治，到70歲人都不言退，都可以話各走極端啦。
高人又提到曾主席個徒弟、民建聯主席李慧琼在論壇上被問及，她支持行政長官梁振英抑或曾鈺成，李慧琼話在政治倫理上，支持創黨主席曾鈺成是「理所當然」。高人話政治倫理唔係咁解， 唔係師傅做乜都要支持。民建聯作為一個成熟政黨， 推人出來選區議會、選立法會都要經過黨內程序，唔可以咁隨意話支持邊個選特首。
其他參選了「超級區議會」的名單還包括陳琬琛、周浩鼎、關永業、 涂謹申、鄺俊宇、何啟明、梁耀忠。
Ariel
** 博客文章文責自負,不代表本公司立場 **
立法會主席曾鈺成日日向記者交功課，總有故仔俾記者寫。 之前曾鈺成話在「兩個如果」的情況下會選特首，昨日曾主席再表態 ，話挺財爺曾俊華做特首。
曾主席話，稱樂見曾俊華有意參選，佢話好高興聽到如曾俊華般有經 驗、為香港服務多年、資深的政治人物考慮參選，又指曾俊華肯定比自己更適合，因為曾俊華在政府的經驗、對財經的知識都比他豐富，亦有長期在政府主要職務工作的經歷，所以他相信中央對曾俊華的信任、市民對他的認識和支持，都不成問題。
曾鈺成未有正面回應是否曾財爺參選他就不去馬，只重申希望下屆特首選舉有真正競爭，只要有比他合適的人參選，他很樂意支持，自己就不會再考慮參選。
政壇耳語話，曾主席一時一樣，又話自己選，又話支持曾俊華選，前後有矛盾喎。Ariel就覺得大家未聽得明曾主席講乜。佢當日對港台英文台講「兩個如果」時，報導的講法係咁：「 雖然沒有普選，但仍然希望特首選舉有真正競爭，又指特首梁振英有意角逐連任，而如果沒有其他人參選， 如果需要他成為候選人才可能讓選委有選擇的話，他會考慮競逐。」
政壇八卦友話，關鍵是「特首梁振英有意角逐連任」這一句。 大家都無講，下屆特首誰做，阿爺有重大角色，按曾主席的說法推論，第一種情況是阿爺屬意CY以外的人做特首，例如阿爺支持曾俊華做下屆特首，佢就唔爭，仲願意做智囊。第二種情況係阿爺屬意CY連任，當時好像曾俊華這類較聽話之人，就不會出來爭，就變成無競爭選舉，咁就跌入曾主席講的「 兩個如果」的情況，曾主席就會出來競選。
所以曾主席講咁多嘢，其實可以簡化為「若CY想連任我會出來選」 。
