「港車北上」計畫7月1日正式實施,獲批的香港私家車可以經港珠澳大橋口岸往來香港與廣東。香港海關在Facebook上提醒透過「港車北上」計劃揸車北上的司機及乘客的注意事項,計劃北上的市民記得睇清楚先出發!
海關提醒司機,港珠澳大橋的私家車檢查亭,有衞生署、入境處同海關人員為大家服務。司機完成衞生署手續、出入境手續之後,就要慢駛到海關清關亭進行清關手續,做少其中一樣都唔得,亦要留意返出境嘅時候係冇衞生署手續需要辦理。
如果司機持有任何受管制物品,係海關清關亭就要主動向海關人員申報。要留意,司機係無免稅優惠㗎!如果無申報會被視為違法㗎 。
係海關清關亭嘅前方,有個電子顯示屏,要跟足顯示屏嘅指示,被揀選接受進一步檢查嘅車輛,沿路會有路牌指示你去海關私家車檢查處,完成晒清關手續,就可以繼續旅程。
乘客方面,除非私家車被揀選作進一步查驗,乘客可以喺私家車檢查亭做晒衞生署手續、入境處出入境手續同海關清關手續,方便快捷。
當私家車去到海關清關亭,乘客要主動向海關人員申報超出左免稅優惠嘅應課稅品或任何受管制物品。如果無申報會被視為違法㗎 。
乘客可以享有免稅優惠嘅應課稅品包括酒類、煙草製品同雪茄,但優惠條件各有不同,詳情請查閱海關網頁:https://www.customs.gov.hk/tc/service-enforcement-information/passenger-clearance/duty-free-concessions/index.html?fbclid=IwAR37L9G00MTTnG_I8Y2VeV5E4ocLlqIDd_YxP1HPDf-55VUfwiWsg3cb144