港女搭的士遺iPhone14Pro 司機拒交還仲轉售 結局卻有反轉

物歸原主！

搭乘交通工具時，不少乘客會因為疏忽而遺漏個人物品，之後要尋回失物時通常也有一定難度，因此不少司機都會在落車時提醒乘客帶好隨身物品！然而日前，一名港女就分享自己搭乘的士將手機遺留在車上的經歷，待她反應過來截停的士時，司機卻快速逃離，事後她又重遇涉事車輛引來大反轉！

Getty示意圖片

日前，一名港女在Facebook群組「香港失物報失及認領群組」發文分享遺失手機後再度尋回的事件經過，她表示7月7日早上10點，自己於錦田市中心搭乘綠色的士去爾巒，怎料落車時卻將價值近萬元的紫色iPhone14pro手機遺留在車後座，她聲稱「我基本上係未攞齊嘢司機就已然砰門走」。

網上圖片（來源：APPLE官網）

等她發現手機未拿時，她嘗試等的士開到迴旋處轉回來時截停對方，惟司機並沒有停車，反而是踩油門快速離開，「佢繼續踩油向前唔理我，過咗5分鐘我打返畀我電話已經係熄咗機，我電話最後顯示位置喺元朗大棠路阜財街」。

Getty示意圖片

Getty示意圖片

事後她發文指出手機裡面的東西對她來說很重要，希望透過薄酬向涉事司機換回手機，「因為部電話入面嘅嘢對我好重要，我真係好需要攞返麻煩呢位司機畀返我唔該你」，惟一直沒有結果，原以為手機已經找不回來時，卻在事隔1星期後迎來逆轉。

Getty示意圖片

7月16日，港女竟又遇到該的士「返工前竟然喺同一個上車地點，伸手截返呢架車上車，去同一個落車點」，但她指司機並非同一人，「車我個司機唔係偷我電話嗰個，偷電話嘅係戴眼鏡嘅」，於是樓主上車後向該司機講返整件事的經過，對方告知當日接載她的司機為「替工」，但亦表示會幫她詢問手機下落，「夜晚會同佢交更順便幫我問下佢，又畀埋嗰個司機電話我」。

Getty示意圖片

當天晚上司機便聯繫她，指當日接載她的司機於早兩日就將手機帶回內地以600元價格（人民幣，下同，約650港元）買出去，「開頭話部電話賣咗，畀返$1000我就算啦得唔得，我梗係唔睬佢啦，部電話成萬蚊㗎黐線！」隨後樓主表示若不將手機交回，則會選擇報警指控對方涉嫌盜竊罪，「個司機即刻淆底叫我唔好報警，佢話因為佢次次執到嘅電話都會拎去嗰度賣，所以可以打去叫電話舖唔好賣出去」，於是害怕樓主報警，對方馬上承諾週三會將手機取回并交還。

Getty示意圖片

7月18日晚上，樓主留言更新，表示好心司機已聯絡她，稱涉事司機已將她的手機取回「我部14 pro賣600蚊，當初屈我1000蚊仲好啦，而家搞到自己得個吉」。

貼文曝光後，掀起網民爭議，紛紛留言「嘩咁都撞得返同一架的士，仲搵返個司機，如果真係搵返你真係好彩囉」、「咁都俾你撞得返架車！仲要你認得！原來真係天在看」、「替工司機咁衰，正更幾好都俾佢害，好彩總算搭到正更車，搵得到牽連線，等樓主報案及攞返，再睇下拉唔拉到人」。

Getty示意圖片

亦有網民表示涉事司機為慣犯，該行為已涉嫌違法，力撐樓主報警處理，「唔好放過佢，佢都係慣犯，你放咗佢繼續會有下一個受害者」、「照報警先，離X曬譜，拎返之餘拉埋佢！呢啲X街唔好畀機會佢，僥倖完只會繼續做呢啲嘢」、「司機身有屎，真係告起上嚟，就算入唔到都要冇咗幾工，仲要真係有俾人告得入嘅風險，所以唔擔心啦，做咗先算」。

Getty示意圖片

事後樓主更新留言表示為避免再有乘客「中伏」，已選擇報案處理，「我就算搵唔番部電話都唔想再有下一個受害者，因為呢個人渣分分鐘呢刻仲揸緊的士開緊工」。

銅鑼灣時代廣場香港曾經的潮流地標，如今在周末晚飯黃金時段，竟被網民形容為「靜過圖書館」。近日有網民在社交平台發文，貼出商場中庭人流稀少的照片與影片，感嘆昔日車水馬龍的盛況不再，引發一輪集體回憶與「死因」分析。

資料圖片

有網民早前在Threads發文，指周末放工後途經銅鑼灣，因離食晚飯尚有一段時間，所以順道到時代廣場閒逛。但他卻發現商場頗為冷清，據其拍攝照片及影片所見見，商場中庭及部分樓層人流稀少，形容「成個商場竟然靜過圖書館，人影都冇乜，真係有啲心酸。」

網嘆：靜了好幾年了

帖文引來不少共鳴，網民紛紛留言：「依家去親都係借廁所」、「千禧年嗰陣時好旺，現在世事只能回味了！」。有人直言這種冷清已非一日之寒，「靜了好幾年了」，並回憶當年商場幾部玻璃升降機「車車爆站站停」的熱鬧，對比如今「一人包lift直上直落」的落差。

資料圖片

分析人流下滑三大主因

過於側重奢侈名牌店

網民將人流下滑歸咎於三大主因。首先是商場定位過於側重奢侈名牌店，缺乏能吸引大眾消費的民生或人氣店舖。有留言直指：「啲商場係咁塞啲名店入去，名店不嬲少人行。去親都買唔到嘢，咪唔再去囉」、「踢走曬啲人氣舖頭」。這種「離地」的商戶組合，加上食肆集中於高層的「食通天」，被認為難以吸引普通市民專程到訪。

位置不便利滿佈競爭對手

其次是地理位置與競爭對手的夾擊。不少網民認為，從港鐵站A出口前往時代廣場的通道「太辛苦又遠又暗斜」，相比之下，更多人會選擇從F出口直接前往街口的希慎廣場。有分析指：「比希慎係街口食晒啲人流，再高級嘅客又冇必要出銅鑼灣。」加上SOGO、利舞台等鄰近商場分薄客源，時代廣場在便利性與吸引力上似乎兩頭不到岸。

相比之下，更多人會選擇從F出口直接前往街口的希慎廣場。網上圖片

設計老化與缺乏革新

最後是商場本身設計老化與缺乏革新。有網民批評其設計「完全過晒時，返咗去90年代」，直言需要一次大裝修來革新形象。亦有人從更宏觀角度分析，指香港商場過剩，而時代廣場的店舖組合在其他地區商場也能找到，加上網購與北上消費等大趨勢衝擊，令市民不再需要「特登過海」去銅鑼灣消費。

網友分析加上SOGO、利舞台等鄰近商場分薄客源，時代廣場在便利性與吸引力上似乎兩頭不到岸。資料圖片

人流並非全場皆淡

不過，亦有網民為時代廣場「平反」，指出人流並非全場皆淡。有人表示：「上高層數，好多大眾店，好多人，你唔好去樓下名店就ok」、「最多人行是頂樓的電器店及Lego」。「唔係不嬲只係最頂嗰3-4層先多人流咩？2層賣電器，2層賣運動服飾。最低嗰3-4層名店一向都冇人流㗎啦」。