屯門街坊於街邊見到一隻遺失兔公仔，熱心發文代尋主人，失主媽媽看到即飛車接回，讓兒子與心愛兔兔重逢。
FACEBOOK圖片
有屯門街坊日前於facebook群發文，指在市中心一商場外發現1隻兔公仔，相信為小朋友意外遺下，於是代為發文尋主人，「見佢喺路中心，似係啱啱跌咗喺度，而家扶咗佢埋路邊坐，佢喊住等你接返佢」。從樓主上載的相片可見，兔公仔被放於路邊石壆上，靠着草叢「坐着」，旁邊則為行人路，相信行經途人不難發現。
FACEBOOK圖片
帖文發出不久，有港媽即留言表示公仔為兒子所有，同時感謝街坊提供兔公仔下落，稱「而家飛車去拎」。可是當港媽趕至現場，卻發現兔公仔已不知所蹤，尋找一輪也不見，「去到已經唔見咗啦，連垃圾桶都照埋啦，咁殘都被人拎走」。正當港媽以為要失望而回時，有街坊竟貼出相片，稱在相距市中心約15分鐘步行路程的悅湖山莊附近找到兔公仔，「我返屋企經過見到有嚿嘢，但又唔知點解我又會走去望下係咩嚟，發現竟然係兔兔！佢仲要俾人遺棄喺黑媽媽嘅牆邊，如果我唔係咁啱睇到個post都唔會執」。
FACEBOOK圖片
港媽其後再次貼出相片，稱已為兒子取回公仔，讓他能幸運地失而復得，又感謝一眾曾提供協助的街坊，「多謝各位，兔仔安全返咗屋企啦，今次真係超好彩」。不少網民也替港媽及兒子找回兔公仔感高興，「好緊要㗎，我女有隻一樣，0歲攬到而家7歲，如果唔見咗，肯定傷心死，恭喜樓主仔仔失而復得」、「咁都俾你揾到兔兔，仔仔一定好開心」。
亦有人笑言公仔或與電影《反斗奇兵》中的玩具一樣，在屯門經歷了一場歷險，最終也順利返回主人身邊，「佢可能想行返屋企，但太黑認唔到路」、「可能佢離家出走蕩失路，坐低休息下」、「叫佢攬實啲，唔好再俾公仔走甩喇」。
FACEBOOK圖片
銅鑼灣時代廣場香港曾經的潮流地標，如今在周末晚飯黃金時段，竟被網民形容為「靜過圖書館」。近日有網民在社交平台發文，貼出商場中庭人流稀少的照片與影片，感嘆昔日車水馬龍的盛況不再，引發一輪集體回憶與「死因」分析。
資料圖片
有網民早前在Threads發文，指周末放工後途經銅鑼灣，因離食晚飯尚有一段時間，所以順道到時代廣場閒逛。但他卻發現商場頗為冷清，據其拍攝照片及影片所見見，商場中庭及部分樓層人流稀少，形容「成個商場竟然靜過圖書館，人影都冇乜，真係有啲心酸。」
網嘆：靜了好幾年了
帖文引來不少共鳴，網民紛紛留言：「依家去親都係借廁所」、「千禧年嗰陣時好旺，現在世事只能回味了！」。有人直言這種冷清已非一日之寒，「靜了好幾年了」，並回憶當年商場幾部玻璃升降機「車車爆站站停」的熱鬧，對比如今「一人包lift直上直落」的落差。
資料圖片
分析人流下滑三大主因
過於側重奢侈名牌店
網民將人流下滑歸咎於三大主因。首先是商場定位過於側重奢侈名牌店，缺乏能吸引大眾消費的民生或人氣店舖。有留言直指：「啲商場係咁塞啲名店入去，名店不嬲少人行。去親都買唔到嘢，咪唔再去囉」、「踢走曬啲人氣舖頭」。這種「離地」的商戶組合，加上食肆集中於高層的「食通天」，被認為難以吸引普通市民專程到訪。
位置不便利滿佈競爭對手
其次是地理位置與競爭對手的夾擊。不少網民認為，從港鐵站A出口前往時代廣場的通道「太辛苦又遠又暗斜」，相比之下，更多人會選擇從F出口直接前往街口的希慎廣場。有分析指：「比希慎係街口食晒啲人流，再高級嘅客又冇必要出銅鑼灣。」加上SOGO、利舞台等鄰近商場分薄客源，時代廣場在便利性與吸引力上似乎兩頭不到岸。
相比之下，更多人會選擇從F出口直接前往街口的希慎廣場。網上圖片
設計老化與缺乏革新
最後是商場本身設計老化與缺乏革新。有網民批評其設計「完全過晒時，返咗去90年代」，直言需要一次大裝修來革新形象。亦有人從更宏觀角度分析，指香港商場過剩，而時代廣場的店舖組合在其他地區商場也能找到，加上網購與北上消費等大趨勢衝擊，令市民不再需要「特登過海」去銅鑼灣消費。
網友分析加上SOGO、利舞台等鄰近商場分薄客源，時代廣場在便利性與吸引力上似乎兩頭不到岸。資料圖片
人流並非全場皆淡
不過，亦有網民為時代廣場「平反」，指出人流並非全場皆淡。有人表示：「上高層數，好多大眾店，好多人，你唔好去樓下名店就ok」、「最多人行是頂樓的電器店及Lego」。「唔係不嬲只係最頂嗰3-4層先多人流咩？2層賣電器，2層賣運動服飾。最低嗰3-4層名店一向都冇人流㗎啦」。
