有港女途經公園見父子遺棄小貓，辯稱小貓肚痾成日叫，事主憤而收養小貓，更慨嘆何謂身教。
FACEBOOK圖片
該名港女於facebook群組發文，指早前晚上回家途中行經公園，見到1名男童手持1個紙盒，與「一個腦囟都未生埋、大約廿幾歲嘅所謂爸爸」同行，男童行至某處便將紙盒放於地上，並跟隨父親離開。走在附近的樓主聽到紙盒中傳出「清脆嘅喵叫聲」，又聽到男童邊行邊碎碎唸着「byebye喇貓貓，byebye喇貓貓…」，於是上前查看，竟發現紙盒內放有1隻看來僅得2、3個月大的幼貓。樓主指，「當時已經理唔到啲乜，跟返上嗰兩父子度，問佢哋隻貓仔咩事」，又質問對方棄貓原因。
FACEBOOK圖片
沒想到港爸對棄貓行為直認不諱，稱貓咪「肚痾成日叫」，又表現心虛，即時帶同兒子離開現場，「我話『吓？咁就要掉岀嚟？』當我唔知仲可以畀咩反應嘅時候，佢冷冷地留咗一句：『你要你咪攞去。』然後抱起個小朋友快歩走咗」。
樓主形容，當時她「真係嬲到唔知講咩好」，一時未能反應，因而沒有當面斥責父子。當父子離開後，她只好帶同幼貓回家照顧安頓，當晚亦決定收養貓咪，「小可愛，別人不懂愛惜你，我愛惜你。放心睡吧，從此有溫暖嘅家了」。她事後批評港爸成為極壞榜樣，慨嘆：「何為身教呢？」
GETTY圖片
帖文引來大批網民討論及分享，不少人直斥涉事父子行為冷血，「啱呀，帶住小朋友去教識咗，第時老豆肚屙就丟出街」、「唔養都唔好咁，仲要咁教個小朋友，恐怖」、「啲人棄養原因真係黐線，咁佢個仔如果成日肚痾又成日叫呢？係咪又丟個仔出街？」、「如果個小朋友心地善良，佢講嗰句『byebye喇貓貓』係會成為佢一世嘅創傷，亦都會一世記得佢老竇逼佢掉隻寵物出街」。亦有人慶幸貓咪能遇上樓主，不至流落街頭，「似乎是上天的安排，感謝您救了小貓咪」、「幸運就是貓咪跟你相遇了，令貓咪得到滿滿的愛」、「貓貓好在有你，但個小朋友有咁嘅老竇好慘」、「能在危急關頭遇上了妳，總算是不幸中之大幸，牠也是有福的毛孩了」、「早點告別嗰對父子，才會遇上懂貓惜貓的家人！命運就是咁奇妙」。
GETTY圖片
銅鑼灣時代廣場香港曾經的潮流地標，如今在周末晚飯黃金時段，竟被網民形容為「靜過圖書館」。近日有網民在社交平台發文，貼出商場中庭人流稀少的照片與影片，感嘆昔日車水馬龍的盛況不再，引發一輪集體回憶與「死因」分析。
資料圖片
有網民早前在Threads發文，指周末放工後途經銅鑼灣，因離食晚飯尚有一段時間，所以順道到時代廣場閒逛。但他卻發現商場頗為冷清，據其拍攝照片及影片所見見，商場中庭及部分樓層人流稀少，形容「成個商場竟然靜過圖書館，人影都冇乜，真係有啲心酸。」
網嘆：靜了好幾年了
帖文引來不少共鳴，網民紛紛留言：「依家去親都係借廁所」、「千禧年嗰陣時好旺，現在世事只能回味了！」。有人直言這種冷清已非一日之寒，「靜了好幾年了」，並回憶當年商場幾部玻璃升降機「車車爆站站停」的熱鬧，對比如今「一人包lift直上直落」的落差。
資料圖片
分析人流下滑三大主因
過於側重奢侈名牌店
網民將人流下滑歸咎於三大主因。首先是商場定位過於側重奢侈名牌店，缺乏能吸引大眾消費的民生或人氣店舖。有留言直指：「啲商場係咁塞啲名店入去，名店不嬲少人行。去親都買唔到嘢，咪唔再去囉」、「踢走曬啲人氣舖頭」。這種「離地」的商戶組合，加上食肆集中於高層的「食通天」，被認為難以吸引普通市民專程到訪。
位置不便利滿佈競爭對手
其次是地理位置與競爭對手的夾擊。不少網民認為，從港鐵站A出口前往時代廣場的通道「太辛苦又遠又暗斜」，相比之下，更多人會選擇從F出口直接前往街口的希慎廣場。有分析指：「比希慎係街口食晒啲人流，再高級嘅客又冇必要出銅鑼灣。」加上SOGO、利舞台等鄰近商場分薄客源，時代廣場在便利性與吸引力上似乎兩頭不到岸。
相比之下，更多人會選擇從F出口直接前往街口的希慎廣場。網上圖片
設計老化與缺乏革新
最後是商場本身設計老化與缺乏革新。有網民批評其設計「完全過晒時，返咗去90年代」，直言需要一次大裝修來革新形象。亦有人從更宏觀角度分析，指香港商場過剩，而時代廣場的店舖組合在其他地區商場也能找到，加上網購與北上消費等大趨勢衝擊，令市民不再需要「特登過海」去銅鑼灣消費。
網友分析加上SOGO、利舞台等鄰近商場分薄客源，時代廣場在便利性與吸引力上似乎兩頭不到岸。資料圖片
人流並非全場皆淡
不過，亦有網民為時代廣場「平反」，指出人流並非全場皆淡。有人表示：「上高層數，好多大眾店，好多人，你唔好去樓下名店就ok」、「最多人行是頂樓的電器店及Lego」。「唔係不嬲只係最頂嗰3-4層先多人流咩？2層賣電器，2層賣運動服飾。最低嗰3-4層名店一向都冇人流㗎啦」。
