星星兔陳慧琳新MV獻唱《星夢情真》 網友讚得意揭秘MV隱藏細節

陳慧琳Kelly同愛搗蛋搞鬼嘅網絡歌手星星兔(Sing Sing Rabbit)，推出新歌「THE DAY WHEN WE FALL IN LOVE」MV。

MV好有科幻感，宇宙彷彿有一雙眼睛在偷看兩位主角的相遇

星星兔這個名字，對香港樂迷可能不算是太熟悉，但佢戴著一個兔仔頭套幪面唱歌，一唱至今便是8年。雖然一直未有露出蘆山真面目，不過在日本卻是為人所熟悉，甚至連世界排行第一的音樂手遊《Cytus II》也收錄了她的作品。今次MV最後彩蛋部份喺太空船內唱K ，獻唱Kelly經典金曲《星夢情真》，搞到Kelly睇到都忍唔住擰頭，但係網友就大讚兩位主角都好可愛，仲話香港MV可以拍到好似荷里活Marvel電影感覺好難得，好似睇緊The Guardians of Galaxy同Toys Story咁，太有型，連「字幕汁」都要撈埋。原來星星兔挑選這首歌獻唱，係因為想表達宇宙萬物之奇妙，唔排除真係有更高嘅智慧喺度偷偷睇住Emma同Captain K嘅相遇，觀察住宇宙萬物嘅運行。

MV最後彩蛋部份喺太空船內唱K ，獻唱Kelly經典金曲《星夢情真》。

星夢情真歌詞：「星像眼睛　偷偷看　世界上最好風景這段情　幾千億雙眼做証」

隱藏密碼點止一個？眼利嘅網友發現末世口罩女（EMMA)所帶嘅口罩寫有09數字，好奇係唔係一個年份？有網友就估莫非兔仔真身係2009年出道嘅？而先前同Kelly 嘅新聞出咗街後，更有好多人私訊星星兔「急」切期望想見佢真面目，而星星兔就話家下時機未到，希望待合適時機才揭曉。另外片中EMMA攞起嘅相片，原來係佢爺爺喺年青嘅時候遇上星願族星星兔嘅合照，EMMA攞住許願嘅小提琴，正係當年星星兔送給她爺爺嘅禮物。

末世口罩女（EMMA)所帶嘅口罩寫有09數字

片中EMMA攞起嘅相片，原來係佢爺爺喺年青嘅時候遇上星願族星星兔嘅合照，EMMA攞住許願嘅小提琴，正係當年星星兔送給她爺爺嘅禮物。

早與Kelly結下音樂緣份，今次作品亦跟月球有關，與較早前寫給Kelly嘅作品呼應，彷彿如朋友般相約再一次出走遊歷大世界。

今次作品亦跟月球有關

主角早與Kelly結下音樂緣份

星星兔正忙着籌備新歌MV展覽同日文版到日本嘅宣傳工作，笑言希望有機會同Kelly一齊到日本宣傳，亦十分期待有生之年能夠同Kelly 同台合唱呢首歌曲。

林家謙一連10場的《WHITE SUMMER》紅館演唱會昨晚（第8場）歡樂持續，高潮迭起。演唱會標誌性的「360吊車」環節再次成為焦點，這次家謙卻意外上演了一幕贏了99%香港人的「自拍」，笑翻全場。更令人驚喜的是，他請來了自己人生中觀看的第一場紅館演唱會的主角—天后陳慧琳（Kelly）擔任嘉賓，別具意義。

林家謙昨晚（29日）舉行第8場紅館演唱會。

好評如潮。

家謙在乘搭吊車環繞紅館的環節上，一邊唱歌一邊與「山頂」的樂迷近距離打招呼！

每晚家謙都會乘搭吊車環繞紅館，一邊唱歌一邊與「山頂」的樂迷近距離打招呼，並用手機拍下觀眾舉牌支持的興奮畫面。然而，昨晚他忽發奇想，決定改變視角，嘗試在吊車上與觀眾來一張「自拍大合照」。可惜過程手忙腳亂，手機鏡頭下全是自己的「超大頭」特寫和鼻孔鏡頭，畫面非常滑稽，讓全場觀眾笑到「碌地」。這幕意外被喻為「攝影技術真係贏晒99%香港人」。大家之前每晚關注他彈出來唱《隨意門》肚臍位寫了什麼字，指要網上開一個林家謙肚臍關注組，今次自拍，瘋狂關注他的鼻哥窿，又成為演唱會又一經典歡樂時刻。

演唱會嘉賓環節，大家已發覺是家謙的「自肥集郵簿」，昨晚更是意義非凡。當神秘嘉賓陳慧琳（Kelly）登場時，全場瞬間沸騰。家難掩興奮地分享，第一次去紅館就係睇Kelly ：「你真係好特別嘅，因為係我第一個睇嘅紅館演唱會嘅歌手！」他透露當年僅6歲，正是在表姐的帶領下觀看了Kelly的《飛天舞會》演唱會(2002年)，Kelly 的歌也滋養了他的音樂。

林家謙紅館騷邀陳慧琳（Kelly）擔任嘉賓。

重溫6歲追星回憶。

Kelly

Kelly聞言後大感驚訝：「嘩！你6歲？咁係咪胎教嚟㗎？我要多謝林爸爸林媽媽！」家謙隨即指出當年的「功臣」表姐也在現場，兩人更即場與表姐隔空打招呼，Kelly大讚表姐：「你勁呀，你好有taste喎！哈哈」

兩人的緣分並不止於觀看演唱會。家謙今年更為Kelly創作了新歌《鳴謝你而不想說後悔》。在台上，Kelly真誠道謝：「其實我要多謝你，因為今年你作咗首歌俾我。」又再繼續笑言：「我之前都想飛天㗎，不過紅館唔畀呀嘛。你好嘢喎，你飛到呀！」家謙就用歌幽默回應：「因無視道與理，是與非非，繼續往天飛，再去遁地…就飛咗上去！」兩人對話令現場歡樂萬分。最後，這對惺惺相惜的歌手合唱了Kelly的經典金曲《最愛演唱會》，為這個充滿歡笑、驚喜與感動的夜晚畫下完美句點。家謙用音樂鳴謝了帶領他進入夢幻世界的偶像，也為所有觀眾帶來了一場難忘的「最愛演唱會」。

二人笑談「胎教聽歌」趣事。