政事
應否在校園講港獨成為熱點，今早港台找了教協會長馮偉華和津貼中學議會主席林日豐同場討論。 後來新聞標題是「教協指教育局企圖將『打壓』包裝為『提醒』」， 唔知以為馮偉華好撐港獨。
港台主持人其中一條標誌性問題，問有17間學校有學生搞本土組織在校內推動港獨，學校應唔應該俾呢啲組織存在？津貼中學議會主席林日豐回答一直遊花園， 避答俾唔俾支持港獨學生組織在校內活動，只係話要同學生溝通。
馮偉華都係避答架啦， 但係講多句話教協一向反對政治組織進入校園活動，當然學校如何處理這些組織也要和學生溝通。
學生愈來愈激，校長、老師處理學生問題都十分小心，所以唔想正面答如何處理學生成立港獨組織的問題，亦可以理解。但馮偉華答得清楚過林日豐，顯示教協都唔敢向港獨一方傾斜。
所以不要俾「教協指教育局企圖將『打壓』包裝為『提醒』」 的標題誤導咗，馮偉華的確有咁講，亦有鬧吳克儉，但馮偉華話要保護老師之餘，就唔敢撐支持港獨的學生啦。
Ariel
** 博客文章文責自負,不代表本公司立場 **
早幾日睇新聞時，竟然見報章大字標題話政務司司長林鄭說到，「《基本法》有160條，沒理由要我條條同意，例如《基本法》第107條量入為出，我就不同意。」心想林鄭講野咁激？難道真是「官到無求膽自大」？
就算話她想選特首借此攻擊財政司司長曾俊華，都有點夾硬，亦無必要話不同意《基本法》第107條咁大件事。
過兩日林鄭真係出來澄清，話她不是反對《基本法》第107條，當時用「我」，是指第三者。
翻查錄像她那段話原文是立法會選舉對候選人的要求：「在立法會對於候選人的要求，我說了，就是擁護《基本法》、保證效忠香港特別行政區。當然你說《基本法》160條條文中，沒有理由要我條條都同意你，譬如第107條，我就不同意，甚麼叫量入為出？你大把錢、你有8,000億儲備，你就使啦，為何要甚麼相適應呢？」
如果將之變為林鄭的個人意見，確實有點斷章取義。
政壇八卦友話，過去官員對傳媒出錯的報道，也不是每次都澄清，今次林鄭特別澄清以正視聽，估計一來唔想俾人誤會佢反對《基本法》107條的理財原則。另外亦唔想俾人話佢公開插財爺，公然搞鬥爭。佢想大家知道那個講話主要反港獨。
