元朗現罕見「貼地彩虹」網民讚好靚 天文台解釋成因係咁

元朗出現一道十分特別的雨後彩虹「平、低位、近乎貼地」，非常少見，網民紛讚「好靚」，天文台亦解釋成因。

有網民於元朗拍攝到一道十分特別的雨後彩虹，彩虹「平、低位、近乎貼地」，非常少見。（FB圖片）

該網民於Facebook群組「香港風景攝影會」上載一張相片，相片中一道十分特別的雨後彩虹出現在元朗朗屏村上，那道彩虹「平、低位、近乎貼地」，與大家一般認知呈拱形、彎彎的彩虹很不一樣，非常少見，樓主甚至誇張地形容「遇上500年難得一遇的低位彩虹~問你驚未~哈哈~」。

有網民亦分享拍攝到「低位彩虹」。（FB圖片）

不少網民紛紛留言讚嘆彩虹之美「好靚嘅彩虹」、「真心，勁靚，好完整」、「難得一見美拍精彩」、「好靚嘅彩虹，好運吉祥！」、「好難得見到此彩虹，太靚啦」、「很美，完全像一個光圈把城市包裹起來」、「靚到爆，大自然真奇」。

有人則笑言「唔經唔覺原來我已經超過1500歲」、「北宋末年出現過一次，現在竟然又再見到，仲可以記錄下來，厲害。」、「好似仲要再早D喎，係唐朝呀！ 」、「500年，點止呀！一萬年一遇呀！500年咁少」、「五百年一遇，想把你留住」、「好多五百年出現，多幾次就可以三千年開花，三千年結果啦」。

有網民分享於西藏拍攝到的「貼地彩虹」。（FB圖片）

香港天文台亦於其Facebook專頁轉發照片並解釋「貼地彩虹」出現原因：「彩虹係陽光經過水滴反射而形成，太陽角度高低會影響彩虹出現嘅位置。日出日落時太陽角度低，彩虹位置就會較高，弧度亦較大。但隨着太陽升高，彩虹會慢慢向下沉，我哋淨係見到彩虹圓弧頂部嘅一小段，所以望落就較為平直，圖中嘅彩虹係下午三點半左右拍攝，太陽角度相對較高，所以就望到咁矮咁平嘅彩虹喇。」

出現於馬鞍山的彩虹，這種較為常見。（FB圖片）

帖文來源：Facebook群組「香港風景攝影會」、專頁「香港天文台」

大埔宏福苑火災慘劇發生後，大眾都提高了防火意識。但日前有網民在社交平台發相指，在馬鞍山頌安邨有女街坊竟毫無危機意識，在寓所的走廊位置燒街衣，搞到走廊「都係煙又攻鼻」，他上前阻止還被對方惡言相向！

大媽反駁：燒咁多年都冇人投訴

這位網民在臉書社交群組發相，指日前安邨寓所的走廊，有大媽竟在走廊位置燒街衣，整條走廊都濃煙密佈。雖然樓主有上前勸阻，大媽一於好少理，而且還惡言相向，指樓主多事，說「燒咁多年都冇人投訴」。樓主一怒之下影相作證，直接向管理員投訴「影相作證扣你7分...好快扣滿15分就終止租約，到時你就祖先保佑有新屋住！」。

示意圖。AI生成圖片

網斥：5知死字點寫？

不少網民都怒斥大媽的行為「自私L」、「叫佢七街燒啦，唔好喺走廊燒，好危險架」、「之前都有人在走廊燒嘢，管理員見到都冇乜理會」、「5知死字點寫？」、「拎桶水去淋X佢話洗地」。

資料圖片

網民提議影相報警話疑火燭

有網民更指「我隔離嗰個直頭喺門口燒添」、「我阿媽因為擔心比人投訴，直情係屋企關門燒，牆都燻黑曬」有人提出「第一時間拍片證明大煙，然後打爛火警鐘，落樓即刻999，話懷疑火警」。

網上圖片

房委會或被終止租約及收回單位

房委會就曾在社交平台發文表示，如果居民想燒衣拜祭時，要使用屋邨指定化寶區；祭祀後要脮善清理，嚴禁在大廈內的的公眾地方燒衣，「屋邨大廈入面嘅走廊、梯間等公共空間，一律禁止燃燒冥鏹，以免過程中產生嘅灰燼或濃煙，觸發火警警報。有關做法不但影響其他住户，仲可能會違反租約條例，有機會被終止租約及收回單位㗎！」。