龔嘉欣內地拍劇不忘餐廳生意 黎諾懿望將美食遍及各區

龔嘉欣透露下月會再開兩間分店。

著名飲食集團 Gaia Group，成立於2000年，致力為廣大美食愛好者提供高質素用餐體驗，旗下餐廳品牌涵蓋高級西餐、休閒餐廳、日式及中式餐廳，足跡遍及全港。集團旗下品牌：「流口水重慶麵館」及由人氣花旦龔嘉欣聯乘日籍烘焙大師松岡哲也的星級蛋糕店「KEW+CAKE」繼上月進駐大圍圍方後，今月再跟「DIM SUM BOX 點心盒」同時進駐 K11 MUSEA，為熱愛美食的巿民帶來視覺和味覺饗宴！

龔嘉欣與黎諾懿11月16日為有份投資的食店進行開幕儀式。

為隆重其事，「流口水重慶麵館」、「DIM SUM BOX 點心盒」與「KEW+CAKE」11月16日於K11 MUSEA新店開張，舉行盛大開幕典禮，並邀請了龔嘉欣及集團「創意大使」黎諾懿親臨剪綵，期間還有商界、地產界、金融業界朋友到場支持，場面熱鬧。

龔嘉欣、黎諾懿

對於食店短短數月已開第三間分店，龔嘉欣透露下月會再開兩間分店。

新店推限量日系蛋糕
集團旗下最新多元化概念餐廳「KEW+」，今年8月進駐尖沙咀海港城並與龔嘉欣及日籍烘焙大師松岡哲也推出星級蛋糕店「KEW+CAKE」後，「KEW+CAKE」火速於10月在大圍圍方開分店，現在又再登陸K11 MUSEA，將祝福和療癒心靈的原創日系精緻蛋糕傳遞各區，令城中掀起一股甜點熱潮。「KEW+ Cake」K11 MUSEA新店除有招牌水果層層忌廉蛋糕系列、塔塔系列、花漾果凍系列之外，更獨家推出限量日系提拉米蘇系列、水晶芝士蛋糕系列及草莓甜心巴斯克芝士蛋糕，承載龔嘉欣和松岡先生對蛋糕的專注和極致追求，啖啖都是幸福甜美滋味，令甜點控絕不能錯過。

黎諾懿希望將美食帶到各區，集團會繼續開設分店。

嘉欣的緋聞男友日籍烘培大師松岡哲也亦有出席。

好姊妹陳凱琳現身力撐。

戲裡戲外「企業強人」
對於「KEW+CAKE」短短數月已開第三間分店，龔嘉欣透露下月會再開兩間分店，而正身在內地為主演新劇《企業強人》開工的龔嘉欣，專誠由內地返港擔任開幕嘉賓，她說：「好感激我嘅生意團隊，因為團隊知我下半年要返內地拍劇，佢哋好好，幫我睇住間舖，我透過電話同佢哋聯繫，了解生產、營運等，有佢哋先可以咁順暢搞掂。」做生意跟拍劇，龔嘉欣認為相輔相成，特別在《企業強人》中，她飾演由一個小小的快遞員最後成為女強人，角色令她有投入感，她表示：「做生意嘅範疇，我係初哥，好多都係學習階段，而拍劇係我喜歡的工作，覺得兩者絕對可兼並，而且可以互相幫助。」

黎諾懿與太太李潔瑩

流口水重慶麵館落戶香港
至於，「流口水重慶麵館」始於重慶，全球擁有近200間分店，遍布中、美、英、法、西班牙及菲律賓等地，當中以18種香料熬製的麻辣火鍋湯底及自家秘製酸辣木瓜金湯深受各方喜愛，集團老闆與麵館的邂逅，成為「流口水重慶麵館」落戶繁華香港的契機及緣份，而首間香港店舖設於大圍圍方，而繼K11 MUSEA後，即將在不同地區，例如中環、啟德等開設多間分店。

DIM SUM BOX 點心盒有營之選
「DIM SUM BOX 點心盒」則是將中式點心的精粹融會於簡約便當盒中，更特別針對大眾對營養與美味的雙重追求，除了點心外，更備多款招牌美饌， 包括鮮鳳梨咕嚕肉、蜜汁黑豚叉燒、花膠滋補養生鍋等，再配室內簡約風及特別設計寬敞舒適的座位，令食客在閒適的氛圍下全心享受點心美饌。

同夏文汐慶生。

Gaia Group飲食集團老闆娘Karen及老闆David與黎諾懿，到大圍圍方「流口水重慶麵館」分店進行開張儀式。

黎諾懿綜藝節目望添食
集團「創意大使」黎諾懿，表示秉承集團致力為廣大美食愛好者提供高質素用餐體驗的理念，希望將美食帶到各區，集團會繼續開設分店。而提到近期主持的綜藝節目《隨懿深度行》贏得口碑，黎諾懿坦言希望可以繼續與不同好友出埠拍攝續集，見識各地文化，他說：「嚟緊自己都係以綜藝為主，因為身兼多職，但拍劇時間比較長，所以先主打綜藝節目，不過遇到好劇本或角色都會考慮。」

宣明會一直關注身處飢餓的兒童及群體，多年來與全球各地多個社區和伙伴合作，全力回應因氣候變化、衝突及貧窮等因素引致的飢餓問題。除了推行各類緊急糧食援助工作，亦致力協助受影響的家庭改善糧食供應及營養情況，為飢餓孩子帶來希望。今年3月至6月期間，宣明會「糧家村」故事系列更首度伙拍英國經典童書Mr. Men Little Miss及羚邦集團（2230.HK）舉行一連串籌款活動，以可愛、親民的漫畫分享更多飢餓及營養不良問題。

世界宣明會「我要世界走飢餓」籌款活動

世界宣明會「我要世界走飢餓」籌款活動

為讓更多人聽見世界飢餓的聲音，宣明會將於4月25及26日假荷里活廣場舉行「我要世界走飢餓- Go & Seek！」活動，更邀得暖男爸爸黎諾懿及細心好媽李佳帶同她的兒子親身到場，分享他們對飢餓的親身體驗和看法，藉此呼籲更多市民齊齊為踢走飢餓出力！

黎諾懿過往多次與宣明會合作，他大讚機構為很多貧瘠地區的人出力，亦希望將來有機會與仔仔一同與宣明會到不同地方探訪，親身了解世界飢餓問題。而首次與宣明會合作的李佳，機緣巧合下於去年與兩位仔仔成為了親子助養者。她去年在網上見到宣明會的助養計劃，立刻打電話去，然後就成為了助養者：「我一直都有留意飢餓問題，因為細個嗰陣，媽媽帶我去雲南一個比較貧瘠嘅地區參觀，當時有好多小朋友伸隻手出嚟跟住我哋架車跑，我就將自己手上嗰包朱古力畀咗佢哋食，呢個畫面好難忘。而家小朋友都好幸福，所以希望通過呢件事（成為助養者）畀佢哋知道，其實世界上仲有好多地方嘅小朋友係好艱難無地方住。而且我用仔仔名義去助養，過兩年當佢哋自己可以對零用錢有自主權，到時佢哋就會知道，有責任要幫助小朋友。」

暖男爸爸黎諾懿

對於食物，兩位家長同樣注重教育兒子們要好好珍惜，黎諾懿經常教導「小春雞」黎峰睿及「小冬牛」黎奕辰不可以浪費食物：「去餐廳食嘢，一定要食得到先好嗌。的而且確，香港嘅小朋友係好幸福，無論係物資定食物都好富裕，差唔多佢哋想要嘅嘢都有，正正因為咁，我哋更加要教識佢哋，有好多小朋友都唔係咁，所以我會帶佢哋睇多啲，希望教識佢哋知足。有機會，我都想畀佢哋感受飢餓，亦都想同佢哋去做探訪。」

圖片來源：黎諾懿IG

李佳指雖然未曾感受過飢餓，但記得疫情隔離期間，為兒子們準備兩餸飯：「佢哋食一餐都可以，但係食幾餐就好唔願意，嗰陣細仔唔肯食，情願自己餓住都唔食，我就同佢講好多小朋友冇嘢食，你幾幸福，佢最後都食咗幾啖，所以有機會嘅話，我都想帶佢哋去外地探訪，畀佢哋親身感受吓。」

雖然兩人都認為香港小朋友物質充裕，但要面對讀書的壓力。早前曾提出「讀書冇用」的黎諾懿，希望能以活動教學的形式，讓小朋友開心成長：「香港小朋友好多都（被）要求分數，又要去補習班、興趣班，填到好滿，我希望我嘅小朋友喺身心有個平衡。其實，關於『讀書冇用』呢件事係一個美麗嘅誤會，我係話『讀死書係冇用』，而家AI嘅年代，對比起傳統嘅學習，我哋需要去協調，我仲要澄清返唔係話乘數表冇用，我係話如果佢唔係做科學家，去背啲科學物理表，對小朋友冇咩用。最重要係跟住小朋友自己嘅才能發展，因為每個小朋友都唔一樣，唔可以用同一種方法去教。」

細心好媽李佳

李佳教育兒子們一向比較嚴謹：「我老公初初同我都有唔同意見，但係我兩個仔都喺香港本地小學讀書，中國教育同外地真係唔同，好似午飯咁，有好長嘅時間佢哋係唔食或者食得好少，佢哋成日問我可唔可以帶飯，但係我會問『點解人人都食，係你哋唔食得？』真係餓就會去試食少少㗎啦。」

細心好媽李佳與仔仔

至於馬年的工作大計，黎諾懿將到馬來西亞開工：「大部分時間暫時都喺馬來西亞，希望香港都可以有多啲節目拍攝，可以同大家見面啦。」而李佳稍後亦會推出新歌，屆時希望讓大家看到不一樣的佳佳。

宣明會「我要世界走飢餓 – Go & Seek！」活動將於4月25及26日假荷里活廣場舉行，除了有黎諾懿及李佳擔任嘉賓，屆時亦有親子互動遊戲、藝術工作坊，更有多款糧家村聯乘Mr. Men Little Miss的期間限定紀念品。另外，4月指定期間惠顧大家樂特定套餐系列可獲贈糧家村聯乘Mr. Men Little Miss的期間限定透明打卡相框及限量版立牌等 (見附表)；而山崎麵飽和鴻福堂亦會於指定期間設捐款箱，讓市民一同以行動支持這項既有趣又有意義的活動！詳情請瀏覽本會網站：https://www.worldvision.org.hk/hungry