在家宴客60道菜｜激罕獲鼎爺允許即場試學劏鱔 龔嘉欣為李家鼎認證「唯一飲食節目唉吔徒弟」

由龔嘉欣（Katy）夥拍7大名廚主持的《聚大金鳳呈獻：在家宴客60道菜》（以下簡稱為《60道菜》），逢周一至周五晚10點半翡翠台播映。

鼎爺同嘉欣「想當年」時好開心。

今（1月29日）、明兩晚播出的《60道菜》，繼續資訊笑料兼備，而教授的八道宴客菜分別為「欖角陳皮蒸黃魚」、「鹹魚醬薑蔥焗花蟹配脆腸粉」、「栗子花膠炆鴨」、「金玉滿堂」、「燒西冷配韓式阿根庭青醬」、「炸鱔球配西檸汁」、「蒜蓉胡椒蝦」及「雞樅菌鮮竹炒四色椰菜花」，當中最衝擊的，是以臘腸、橙皮、芋頭、番薯炮製的潮式甜品「金玉滿堂」。這兩集7大名廚繼續火力全開傳授下廚秘技，肥媽會教大家超實用的洗魚去腥大法及處理雪藏蝦秘技，李家鼎會揭曉令炸鱔變得更脆更滑的靈魂材料，邵德龍則會教大家如何以五花腩提升焗蟹鮮味。

你估個個都可以篤鼎爺手臂架。

嘉欣即場拜師好醒目。

睇鼎爺眼神動作，就知佢錫嘉欣錫到燶。

鼎爺親證嘉欣地位超越譚玉瑛？
與7大名廚相處已達至如魚得水的嘉欣，激罕地獲鼎爺允許即場試學劏鱔，鼎爺揚言：「連譚玉瑛都未試過」之餘，更直指嘉欣是自己「唯一飲食節目唉吔徒弟」，嘉欣聞言即醒目地即場拜鼎爺為師，場面熱鬧。當正嘉欣「半個女」的鼎爺，又與嘉欣開心「想當年」，當嘉欣八卦追問：「阿爺，你後生實好靚仔」時，鼎爺先是笑意滿滿：「幾啦」，之後經嘉欣氹多兩氹指他多人追時，再忍不住沾沾自喜自誇一番：「（我後生嗰陣）身材好，又高大，貓王髮型、28吋腰、43吋長腿、39吋半胸、10幾吋手瓜。」嘉欣聞言即開心地狂篤鼎爺手臂，二人互動相當搞笑。

至於剝蝦，其實係肥媽講起先。

嘉欣講起剝蝦男一時扁嘴、一時開心咁，到底咩內情先？

肥媽又點解嫌棄嘉欣？

嘉欣見到大過塊面嘅花膠時，開心到童心大爆發。

除了鼎爺，肥媽一樣勁錫嘉欣，更相當關心嘉欣感情事。其中一Part二人齊齊品嚐肥媽炮製的「蒜蓉胡椒蝦」時，嘉欣聽到肥媽講述昔日為老公剝蝦的甜蜜小事時，忍不住有感而發：「有一次有個人剝咗隻蝦畀我食，我覺得好感動呀」，肥媽沒好氣謂：「呢個人好容易呃咋喎」，之後再肉緊追問：「你覺得佢對你點吖？」嘉欣聞言竟哈哈大笑說出：「佢應該xxx我嘅！」隨即遭肥媽嫌棄「捉到鹿唔識脫角」、並即場向嘉欣傳授「溝仔大法」，想知嘉欣答咗咩，以及肥媽如何幫嘉欣腦洞大開？密切留意今、明兩晚的《60道菜》。

嘉欣咩事咁嘅反應？

嘉欣食播樣好Cute！

煮個餸都要話擸起衫袖。

現年36歲的TVB視后龔嘉欣（Katy）近年事業發展順風順水，除了拍劇外，亦積極發展副業，與拍檔共同創立甜品品牌「KEW+」。不過，她日前突然在社交平台發出律師聲明，宣布與品牌正式終止合作，更強調日後不會就品牌任何業務、行為或承諾承擔法律責任，消息一出即引起外界熱議。

曾與拍檔共同創立甜品品牌「KEW+」

龔嘉欣於7月12日在IG無預警發布律師聲明，明確表示自己已與「KEW+」沒有任何合作關係。由於KEW+一直被視為她多年心血，今次突然公開「割席」，令不少網民感到相當意外。

龔嘉欣於7月12日在IG無預警發布律師聲明，明確表示自己已與「KEW+」沒有任何合作關係

「KEW+」亦發出聲明

外界隨即猜測事件背後原因。有消息指，品牌近日曾捲入蛋糕品質及顧客服務爭議，不過亦有知情人士透露，龔嘉欣今次高調切割，真正原因有傳與她和日籍甜品師松岡哲也（Tetsuya Matsuoka）的關係變化有關，惟相關說法未獲當事人證實。

有傳她與日籍甜品師緋聞男友松岡哲也（Tetsuya Matsuoka）感情生變

事實上，龔嘉欣當年因熱愛甜品，與松岡哲也攜手發展「KEW+」，更曾透露投放接近「買樓首期」的資金創業。品牌開幕時，她更邀來陳凱琳、譚凱琪等圈中好友到場支持，一度被外界形容為愛情、事業雙得意。

龔嘉欣當年因熱愛甜品，與松岡哲也攜手發展KEW+

雖然龔嘉欣一直對外形容松岡哲也是生意夥伴，但二人多年來屢傳緋聞，亦曾多次被拍到同框，甚至一度傳出同居消息，因此關係一直備受關注。

近日再有眼利網民發現，龔嘉欣的IG已經取消追蹤（Unfollow）松岡哲也，但男方目前仍保留追蹤龔嘉欣，這個細節再次引發外界對二人關係的猜測。不過，截至目前為止，雙方均未有就感情狀況作出回應，而龔嘉欣今次發出的律師聲明，亦未有提及任何涉及私人感情的內容。