警隊協助TVB拍攝《有法安國》登場 加強市民對國安法認識

最近警隊協助TVB拍攝咗一輯12 集嘅《有法安國》國安法資訊節目，由27/11 至12/12 逢星期一至五晚上7:30在翡翠台播出，旨在加強市民對國安法嘅認識、糾正市民對法例嘅錯誤認知，以及增強市民對維護國安嘅認同。

《有法安國》每集2分鐘，經已推出三集內容，包括「國安法訂立背景及現時香港情況」、「顏色革命」、「英國國安法篇」。

第一集 「國安法訂立背景及現時香港情況」，介紹《香港國安法》嘅設立及由來，以及立法後嘅社會轉變。

第二集主題係「顏色革命」，透過專家分析同參考例子，帶領大眾了解其成因、手法以及對社會嘅影響。

第三集主題係「英國國安法篇」，以英國喺今年7月通過嘅《國家安全法案》作例子，帶大家探討國家安全嘅重要性。

大家可以透過無綫電視翡翠台、J2台、新聞台、財經體育資訊台以及警隊社交媒體平台重溫節目。英文版會於12月4日起，喺無綫電視明珠台播放。

Sebastian

** 博客文章文責自負,不代表本公司立場 **

政府公布完善地區治理建議方案後，民政及青年事務局局長麥美娟與副局長梁宏正聯同18區民政事務專員，馬不停蹄訪問學校，為學生講解方案。

完善地區治理建議方案同青年人息息相關，民青局在社交媒體發佈回顧影片，原來佢哋由今年6月起，已經到訪近100間中學，為學生講解方案，點樣幫到市民、幫到你，又向同學解說喺新選舉制度下嘅履職監察機制，點樣體現全過程人民民主。

影片截圖

麥美娟在校園解說中指出，完善地區治理方案有兩個部分，包括提升地區治理效能以及重塑區議會，令區議會可以發揮《基本法》中所講的非政權性區域組織接受政府咨詢的功能。

麥美娟

梁宏正表示，香港18區每區有兩個同青年有關的委員會，其中三分之一都是由16至30歲的年輕人自薦參與，歡迎大家積極自薦。

梁宏正

局長同副局喺解說會上仲同學生進行連場互動，逐一解答同學仔嘅提問，又鼓勵佢哋多留意、多參與地區事務，以及呼籲師生同佢哋嘅屋企人，喺12月10日區議會選舉中踴躍投票，履行公民責任。

到訪近100間中學，為學生講解方案。

Sebastian留意到，早前有調查顯示，有七成九受訪青年認為地區事務與自己息息相關，亦期望區議會能處理社區問題及反映民意，有五成半受訪青年有興趣參與改善地區的工作。 不過受訪青年對於重塑區議會及強化地區治理架構等內容，認知度就明顯不足，可見政府制定更多宣傳推廣策略，讓青年了解相關方案相當重要，官員主動走入校園，就係一個幾好的嘗試。