陳沛然屬性有爭議

選舉過後，各方都要計計建制同泛民人數，有講法話建制有40人，亦有人話建制取得41席，其中關鍵就是究竟醫學界當選人陳沛然點計數？

以上屆為例，有人將醫學界議員「怪醫」梁家騮歸類為建制，但Ariel觀察咗四年，又覺得好難咁講，因為從未見過梁家騮在重要議題上支持建制派的投票取向。

今次換屆選舉，由公共醫療醫生協會前會長的陳沛然勝出，他的得票有5626票，對手醫學會會董黃以謙只有2249票，陳沛然足足贏成條街。

選舉當中，黃以謙表現得較為建制，一般人都認為陳沛然是泛民，不過佢表明不支持「拉布」，亦不會參加泛民「飯盒會」，好難將他歸入泛民陣營，佢話自己係「中間派」，遲啲會約見其他政黨議員，睇睇大家有無合作空間。

過去泛民比較一致行動，搞出「飯盒會」協調行動部署，但後來有啲泛民已經唔參加「飯盒會」。來屆立法會仲有六位本土獨同港獨派入局，更加唔會同泛民一齊，加上陳沛然表明不會加入泛民團組，所以難以將他歸屬為泛民。至於佢係咪建制？大家就要拭目以待，睇吓佢第日的投票取向啦。

Ariel

** 博客文章文責自負,不代表本公司立場 **

立法會選舉塵埃落定，同一時間習主席正在杭州忙完一件大事，順利主辦G20峰會，財爺以中國代表團成員身份亦都飛咗去杭州出席會議。去年亞投行成立儀式期間，「習握手」成政壇話題，今次自然被在場G20峰會的香港記者問到財爺有冇同習主席傾過什麼？

財爺對記者話在峰會和星期日的晚宴，都有與習主席見面，至於有冇同主席講到特首選舉的事，財爺就回應得有啲特別，佢首先答：「他是『東道主』嘛，我們當然多次與他會面。」

記者再追問到是否有關下任特首的事，佢又答：「當然是談G20有關的事。其實我認為這次G20會議開得非常成功。而我們亦多謝他支持香港參加這個會議。」 記者再被問與習主席談了甚麼，是否有談過臨近特首選舉，財爺答：「我是和他講咗這些事，他回應的事，留待你問他。」

有傳媒直接了當報道「曾俊華承認在杭州與習近平談及特首選舉」，不過，其後又收回這篇文稿。至於點樣理解財爺的回應，就真係各有空間聯想啦。