蘋果Man姐陳沛敏2月27日開始接受辯方盤問，續曝《蘋果》運作內情，對於辯方大狀指她有編輯自主時，Man姐當庭發笑：「黎生無出聲嘅時候都係嘅」。
電視劇《新聞女王》女主角Man姐(佘詩曼飾)紅爆網，陳沛敏呢個「蘋果Man姐」爆料就勁過睇電視劇。
根據庭上展示的《蘋果》編採約章，總編輯是最高負責人，「秉持新聞專業理念和操守」。不過，《蘋果》編採運作是如何呢？
審訊提到2021年6月，《蘋果日報》頭版報道反修例事件後，外國醞釀向特區或中國施壓。根據編採會議紀錄，這單外國醞釀向特區施壓的新聞臨近截稿時才出現，陳沛敏決定這條消息只佔頭版頂部部分篇幅，即是所謂做「假頭條」。翌日，黎智英傳訊息給陳沛敏對編排表達不滿，稱這單新聞應該要放頭版全版。
陳沛敏表示「如果我覺得單新聞好過本身單頭版新聞」，她可提出全版新聞修改換掉，但她不認為該新聞「重要到要擺全版頭版」。辯方大狀遂指，由此可見，陳沛敏當時有編輯自主，陳沛敏笑言：「如果黎生無出聲嘅時候都係嘅」。
陳沛敏（左一）打工打到捲入牢獄之災。
高人話，陳沛敏曾任《蘋果日報》的老總、副社長，但即使咁威水，都係老闆「無出聲」先有編輯自主。
例如，辯方提及，張劍虹曾要求陳撰寫「蘋果日報編採室約章」，Man姐指，《蘋果》廣泛來說是遵守約章，但實際運作有異，舉例指當黎要求聘請某作家為社論寫手，時任總編輯羅偉光也沒機會反對。辯方指，陳沛敏不會被黎智英或其意見影響或改變她的報道及編採決定，陳回應指：「如果佢好堅持嘅時候係會影響到囉」。
對於辯方指出黎智英並沒仔細管理《蘋果》編採工作，Man姐就答：「視乎件事係咩，有啲嘢佢真係唔理，但有啲新聞佢重視，好似7.1衝擊立法會，佢都叫我哋要點做點做」，「所以如果佢唔出聲，當然可以編採自主，毋須考慮佢嘅編採指示」。
辯方大狀提到，黎智英曾將「香港監察」創辦人羅傑斯新聞稿轉發給陳沛敏，僅因他們是朋友，報道決定權留給陳，惟陳指，她理解黎是以老闆身份推薦羅傑斯的新聞稿作報道，又強調由黎親自提出的「建議」，她很難置之不理。
法官李運騰問及，會否有可能黎不是作出指示，僅陳的個人感受以為是指示，陳沛敏指，可能性不大，因如果黎不重視羅傑斯及「香港監察」，他大可讓羅傑斯自行聯絡《蘋果》的編輯。陳又指，黎是叫她處理該新聞稿，「俾我嘅印象係佢都重視（「香港監察」），想幫助佢哋」。
辯方指，黎有時的訊息，用字較似發指示，但這種情況屬例外，並非經常發生？陳答，難以說明這情況有多經常發生，但她早前作供時提及的例子，如黎就美國大選的報道提出意見，如何處理七一立法會衝突等，「點樣去採訪邊啲人，我都會覺得係指示囉」。
審訊提到，《國安法》公布後，黎智英曾指示《蘋果》要改變做法，但自己就繼續製作違法Live Chat節目，陳沛敏對此感到驚訝。對於辯方所指，如果違反香港國安法，相關內容不會刊登。陳沛敏表示「可以咁講」，但「黎生啲文基本上唔會改」、「Live Chat我更加無得參與」。
辯方又指，黎智英搞飯盒會是為改善報紙，並非下達編採指示，不過Man姐就再次表示異議：「唔係好同意」。
陳沛敏表示，當員工將意見帶入「飯盒會」後，黎智英會在討論中將話題延伸至「做新聞嘅角度」，由於黎智英是老闆，故他們所謂的「跟進」就是跟進黎智英的說話，「黎生係一個好有自己睇法，某啲時候都比較強勢，所以我哋最後都係由黎生一錘定音。」
黎智英報慶語員工「冇人逼你做烈士」。
高人感嘆，Man姐入行多年，由普通記者一路做到總編輯、副社長，最後打工打到捲入牢獄之災，而黎老闆一句「無人逼你做烈士」，等同於「喺度番工都係你自己嘅決定」（陳沛敏庭上解讀），聽到呢種講法，實在令人唏噓。
Ariel
** 博客文章文責自負,不代表本公司立場 **
