羅啟豪和李佳都坦言睇好譚耀智和古淖文，此外李佳亦看好安雅希！
TVB選秀節目《中年好聲音2》於今天（3月24日）舉行決賽，7強選手安雅希、陳俞霏、黃劍文、譚輝智、古淖文、顏米羔、沈宗賢將競逐冠軍寶座，而「中一生」的十強都會擔任表演嘉賓，羅啟豪和李佳接受訪問時都坦言睇好譚耀智和古淖文，李佳亦看好安雅希！
羅啟豪、李佳（本網記者攝）
《中年好聲音2》7強選手（本網記者攝）
提到二人早前一同到加拿大登台，羅啟豪表示雖然要在短時間內橫跨東西岸表演和接受訪問令休息不足，但能夠衝出香港都感到很開心。二人亦趁機停留在當地遊覽一番，曾在加拿大居住的羅啟豪擔任導遊帶李佳在多倫多四圍玩。李佳開心的表示回前一天羅啟豪還做「柴可夫」，「我第一次坐佢揸嘅車！」笑言當時曾擔心羅啟豪的駕駛技術，因為平時他是個文靜的人，想不到駕駛時相當爽氣，「我都同佢講我好鍾意嗰個佢，當然我都鍾意呢個佢嘅，不過嗰個揸車好爽氣嗰個Ramon好得意。」
本網記者攝
提到出發前李佳的簽證出現問題，她直言不知道發生什麼事，因為她2月2日已經辦青好簽證，但出發時地勤突然告訴她簽證不能用，嚇了好一跳，幸好經過一輪與加拿大方面的溝通，她都能順利出發，虛驚一場！李佳當時亦十分擔心，因為時間非常緊密，就算只是遲了一班機，都會響響整個演出。
本網記者攝
羅啟豪（Ramon）近日忙於籌備六月偕譚輝智合作的紅館《雙聲演唱會》，仍不忘在社交平台分享新搞作「羅啟豪音樂小劇場之《歌單中的密碼》」，Ramon說：「最近有音樂串流平台邀請我主持一個鐘頭嘅音樂節目，可以揀自己鍾意嘅歌、同聽眾傾吓偈，一收到呢個邀請就好開心，我真係有好多sidetrack或者滄海遺珠想同大家分享。」
羅啟豪忙於籌備六月紅館演唱會仍不忘創作小搞作。
Ramon靈機一觸，想到將所選的14首歌串連成一個故事，並以劇場版呈現網上最熱門劇情「撞跌對方耳機」去開展的愛情故事 ，可惜基於技術問題，直播時聽眾聽不清楚部分獨白，Ramon決定動手將整個小劇場重新錄製一次，並放在社交平台分享。
啟豪完成音樂小劇場好有滿足感。
Ramon表示，完成後好有滿足感，首先今次與團隊一起創作獨白，亦有運用AI幫助，啟豪坦言：「自己中文真係唔叻，而家入咗行真係要進步得快啲，AI幫自己創作之餘，亦有幫自己改善中文。」小劇場當中有好多精警或者感動嘅句子，問到是否自身經歷，Ramon說：「都有啲㗎，亦有啲係觀察身邊人嘅故事。」獨白包含迷惘、深情、激動、失而復得等各種情緒演繹，啟豪解釋：「其實自己都好有興趣演戲，但暫時未有機會，正好借住呢個音樂小劇場過吓戲癮，希望可以不定時咁做落去，當成係試鏡等導演監製睇吓我有冇演戲潛質！」Ramon外表斯文，心底裏卻渴望嘗試不同片種，甚至殺手、奸角等等反差極大的角色，他笑言：「總之我想演啲同自己完全唔同嘅角色，俾人知道其實我仲有其他面貌！」
羅啟豪以關淑怡舊作《告別戀曲》作爲音樂小劇場《歌單中的密碼》之開場歌曲並配以療癒系動畫。
今次選曲類型非常廣泛，由關淑怡、鄭秀文、許茹芸，到英文歌甚至衛蘭今年新歌《因爲你世界又多一份光亮》，以及許志安剛剛推出的《信天翁》，Ramon忙於預備演唱會都有時間聽新歌？他說：「入行前已習慣每一日都會上網，睇吓當日出咗乜嘢新歌或者新碟，而家確實係忙咗，但係都擺低唔到呢個熱愛，當日一聽到《信天翁》就好鍾意，諗過喺網上面翻唱，點知遇到呢個機緣，就一定要揀呢首歌，感覺仲特別！」
啟豪為新歌及演唱會宣傳，接受譚玉瑛及何基佑電台訪問。
在《雙聲演唱會》又會不會演繹《信天翁》及小劇場的歌單？Ramon說：「我同製作團隊開咗好多次會，希望帶嚟最精彩嘅成果畀每一位入場嘅觀眾，rundown 暫時要保持神秘感，可以講除咗會唱自己歌之外，順應近期八、九十年代經典廣東歌嘅熱潮，我同輝智會唱好多大家一定好鍾意嘅金曲，亦有一啲大家可能少啲聽，但係一聽就心諗：『係喎，唔記得咗呢首咁正嘅歌添！』我哋會用各自唔同得嚟又好夾嘅方法去演繹呢啲歌，有信心觀眾一定會好鐘意！」
「豪吧」在畫展場內所設餐廳特設演唱會主題餐飲。
有啟豪所喜愛之小鴨及水豚甜品布甸。
羅啟豪音樂小劇場之《歌單中的密碼》 介紹：
羅啟豪：「我鍾意聽歌尤其是sidetrack，鍾意到一個病態嘅地步，決定會不定期將我喜愛嘅歌曲製作成一個小劇場去分享俾大家，希望更多滄海遺珠被聽見、被欣賞，希望你會喺我分享嘅歌單裏面，搵到你都想循環播放嘅旋律 。」
啟豪形容自己喜愛sidetracks至病態地步。
歌迷會「豪吧」於進行中之畫展向歌迷送上劇場版獨白收藏卡坐紀念品。
