福祿壽訓練學院丨澳門小姐麥嘉欣扮「火雞姐」極大反差一夜爆紅 陳柏曦2分鐘扮勻6大天王級歌手

王祖藍在《福祿壽訓練學院》首集就擸盡最高顏值的三位參賽者，分別是「新會華Dee」陳柏曦、「選美冠軍」麥嘉欣及「老翻林峯」鄭詠謙。

由阮兆祥、李思捷、王祖藍主持的香港首個扮嘢真人Show《福祿壽訓練學院》，昨晚（3月31日）首播，內容相當Dramatic，除了李思捷以「黑仔王」身份擸盡另類參賽者，包括：「古惑包皮」皺桂鐘、「山寨都敏俊」黃俊昊及「醬爆古天樂」王嘉煒；王祖藍極盡幸運地擸盡首集最高顏值的三位參賽者亦成為城中熱話，三人分別為「新會華Dee」陳柏曦、「選美冠軍」麥嘉欣、「老翻林峯」鄭詠謙，有網民更笑謂：「王祖藍揀晒啲靚仔靚女」、「王祖藍真心勁」。

「選美冠軍」麥嘉欣

「新會華Dee」陳柏曦

「老翻林峯」鄭詠謙

Sofia及陳柏曦在無綫官方社交網專頁短短12及3小時已分別收獲逾24.7萬及10.3萬views。

Sofia及陳柏曦在無綫官方社交網專頁短短12及3小時已分別收獲逾24.7萬及10.3萬views。

談到三位顏值代表，先說代號為「選美冠軍」的2017年國際小姐澳門代表麥嘉欣（Sofia）。扮演「火雞姐」的Sofia，額頭上的超級刀疤及假哨牙已為她贏得焦點，加上一身古早味連身裙打扮，並向三位導師連環做出單眼及派心心表情，喜感爆燈。當三位導師得悉眼前的「醜角」真身是澳門小姐時，無不感到驚訝，祖藍笑言：「如果你真係選美冠軍嘅話，你係算冇乜包袱嘅。」最後，Sofia大方應導師要求即場落妝展示真面目，結果成功「洗底」獲網民洗版式大讚仙氣爆燈、笑容甜美：「混血混到啱晒」、「真面目好靚女」、「真人堅靚」、「有啲似謝嘉兒（港姐冠軍）」、「超靚＋有口才」、「超級美人」、「靚到冇朋友」。祖藍甫見到Sofia真身，即表示曾在公開場合見過對方。

呢單嘢係唔係放下靚女包袱？

呢單嘢係唔係放下靚女包袱？

呢單嘢係唔係放下靚女包袱？

呢單嘢係唔係放下靚女包袱？

呢單嘢係唔係放下靚女包袱？

氹得思捷同祖藍幾開心！

一轉番正常妝即刻仙氣滿瀉。

一轉番正常妝即刻仙氣滿瀉。

一轉番正常妝即刻仙氣滿瀉。

翻查資料，Sofia六歲時已在澳門兼職模特兒，中學時期更開始當上KOL，之後Sofia先後擔任過節目主持、音樂MV女主角、歌舞劇女主角、網台主持，亦參與過不少廣告及微電影的拍攝工作，甚至連臨時演員都做過，演藝資歷絕對豐富。再翻查IG，現時坐擁18.5萬Followers的Sofia不但身段美好、素顏勁有仙氣，而且閒時更會接觸不同類型的運動，可謂動靜皆宜。

Sofia

Sofia

第二位顏值代表，是代號為「新會華Dee」的陳柏曦，現年32歲的陳柏曦，甫出場已憑樣子有3分1似張智霖贏得三位導師關注，他在不足兩分鐘的表演時間，先後模仿了劉德華、林峯、張學友、譚詠麟、黎明及郭富城，當中以張學友的「招牌唱歌手」及黎明的「招牌含笑嘴」最為傳神！祖藍激讚：「佢直頭係新會李思捷！」獲得三位導師大大力賞識的柏曦，更接受李思捷挑戰以蔡楓華Tone玩「接對聯」，成功憑神似還原Tone及超快轉數接下聯贏盡掌聲，獲隊長祖藍大讚可以「有你一個其實頂到八個喇，仲使乜揀另外嗰七個！」由於陳柏曦樣子生得同樣標緻，昨晚亦引發網民洗版式獲讚靚仔，除了被指似足張智霖外，亦有網民分別指他酷似何廣沛及陳家樂，堪稱「靚仔混合體」。

可以短時間內聲演同扮演到咁多天王，勁！

可以短時間內聲演同扮演到咁多天王，勁！

可以短時間內聲演同扮演到咁多天王，勁！

可以短時間內聲演同扮演到咁多天王，勁！

可以短時間內聲演同扮演到咁多天王，勁！

可以短時間內聲演同扮演到咁多天王，勁！

可以短時間內聲演同扮演到咁多天王，勁！

得到一個咁有實力嘅學員，仲要咁有顏值，唔怪之得祖藍個樣咁囂啦。

第三位顏值代表，是代號為「老翻林峯」的無綫藝人鄭詠謙，雖然鄭詠謙樣子與林峯「亦有一些距離」，但由於生得高大威猛、氣宇軒昂，加上聲線與眼神和林峯近乎倒模，成功贏取關注，並獲封「顏值代表」之一。而自稱為「林太」的主持陳懿德，亦被鄭詠謙的「深情演出」深深震撼，不斷露出「鐵粉式開心甜笑」，並大讚鄭詠謙聲線激似偶像！除了以上三位，代號「中女西面」的伍韻婷亦憑顏值引發網民關注，一雙條長黑絲美腿，更贏盡不少正評。

鄭詠謙啲眼神好「林峯」喎。

鄭詠謙啲眼神好「林峯」喎。

睇到祖藍勁開心。

自稱「林太」嘅德德都立即心心眼。

但就話佢只限聲似，個樣唔太似林峯，搞到詠謙Hurt咗。

首集最終分隊名單：

Professor Fuk阮兆祥隊：「臨時郭富城」彭建豪、「堆填區小龍女」趙頌宜、「中女西面」伍韻婷、「扮聲勁過李思捷」林樂熙、「西貢籮記」潘昭豪、「深井張國榮」莫家淦、「少女肥媽」劉美德、「女版阮兆祥」黃佩儀。

首集分隊結果。

Professor Luk王祖藍隊：「新會華Dee」陳柏曦、「選美冠軍」麥嘉欣、「老翻林峯」鄭詠謙、「Lowbud大熱」趙亮昭、「星爺接班人」張鈞翔、「勁高寧」陳懿霏、「沙田詹瑞文」馬世義、「還珠攻略」王玲。

首集分隊結果。

Professor Sau李思捷隊：「古惑包皮」皺桂鐘、「許志家駒」馮彥中、「我愛林峯」郭浩皇、「大坑小G」葉泓聲、「大灣區梅姐」林妍、「屯門王傑」莫皓傑、「山寨都敏俊」黃俊昊、「醬爆古天樂」王嘉煒。

首集分隊結果。

學員再度扭六壬扮鬼扮馬！

《鄰住買特約：福祿壽訓練學院畢業Party感謝祭》將於今晚（21日）8點半翡翠台播映，節目由陳懿德、郭珮文（Juliana）擔任主持，三大導師阮兆祥、李思捷和王祖藍率領一眾學員，包括（排名不分先後）陶大衛、關嘉敏、黃建東、林樂熙、周百恩、莫家淦、彭建豪、趙頌宜、伍韻婷、陳柏曦、趙亮昭、麥嘉欣、劉倬昕、鄭詠謙、林妍、郭浩皇、葉泓聲、梁山山、黃潤成和馮彥中，與熱播劇《反黑英雄》主演陳山聰、姚子羚、朱晨麗、張馳豪、丘梓謙和曾文心大玩遊戲。今集節目優惠多多，除有大量感謝祭貨品於晚上9點半後在網購平台「鄰住買」開售外，觀眾於收看節目期間只要嘟一嘟螢幕上的QR Code，便有機會搶到現金利是！

《福祿壽訓練學院》一眾學員齊齊影畢業相，Btw德德好掗拃。

《福祿壽訓練學院》一眾學員在節目中繼續扮鬼扮馬化身經典惡人或恐怖角色，當中以黃建東、麥嘉欣、鄭詠謙和林妍的造型最為搶鏡。戴上長假髮的東東，化身電影《九龍城寨之圍城》中的爆紅角色「王九」，還原角色「招牌奸笑」後相似度更直達90%！在《福祿壽》初選時扮醜晒「反差萌」的麥嘉欣，則紮上孖辮化身電影《孤疑》主角Esther，倒模的造型加上陰森的笑容令人不寒而慄！鄭詠謙落足心機扮演Joker，除戴上綠色假髮兼化小丑妝，連Joker的招牌紫色西裝亦跟到十足。林妍戴上粉色假髮兼化超重眼妝扮演劇集《殺手》的易蘭，還以短打上陣大晒魚網絲襪。兩位主持的造型同樣搶Fo，Juliana穿上露腰裝大晒無敵纖腰扮演性感獄警，德德則孭住鐵欄和穿上間條衫扮犯人。

陳懿德（左）、郭珮文造型好搶眼。

郭珮文纖腰冇得輸。

郭珮文纖腰冇得輸。

東東扮王九，相似度達90%！

林妍魚網絲襪搶Fo。

麥嘉欣減甜化身電影《孤疑》嘅Esther，好陰森喎。

鄭詠謙嘅Joker造型都好搶眼。

葉泓聲玩到爆呔

首個遊戲「福祿壽 搶著數！搶櫈仔！」場面熱鬧，第一Round已經有逾20人一同上陣爭櫈仔， 音樂聲一停大家便蜂擁而上撞到一仆一碌，玩得落力的Gordon葉泓聲更激到爆呔，十分搞笑。之後的「 扭扭檸檸福祿壽」挑戰大家腰力，玩法是各隊派出一人上演1對1 Battle，兩人要穿上特製彈弓腰帶後並需於限時內瘋狂扭腰務求盡快得到鎖匙。身材Fit爆的朱朱原來腰力驚人，對戰伍韻婷時猶如裝上摩打般扭動蛇腰，以絕對實力秒殺伍韻婷，朱朱風騷地說：「我平時好鍾意玩呼拉圈㗎！」

廿幾人玩爭櫈仔，畫面震撼。

葉泓聲玩到爆呔。

朱朱喪扭蛇腰大晒驚人腰力。

「以訛傳訛福祿壽」考驗眾人的扮嘢實力，對於雲集好戲之人的「反黑英雄」隊來說絕對是小菜一碟，子羚大晒好演技一人分飾三角完美演繹「捉姦」，一時扮奸夫玩咀嘴，一時又嬲爆爆扮捉姦在床，場面搞笑；視帝山聰同樣玩得落力，不但肉緊地捉住丘梓謙的頭扮咀嘴，更激到差點撞冧道具隔板。李思捷挑戰演繹「刀鋸美人」，出名扮聲叻的思捷以口技完美演繹刀鋸聲音。

子羚大晒演技一人分飾三角扮「捉姦」。

山聰玩得落力。

思捷大晒扮聲神功。

但係畀豬隊友林妍拖累，關嘉敏睇到成頭問號。

最後的遊戲「對答如流福祿壽！！！」花生指數十足，玩法每隊派出6人出戰，  於限時10秒內輪流答對問題，答錯要接受噴面大懲罰。當中一條問題「令姚子羚快啲結婚嘅方法」掀起全場高潮，曾文心搶答「拍多啲劇」時，竟遭搞鬼的祖藍搭嗲謂：「好憎呢個答案，拍劇唔係為咗拍拖㗎！」之後眾人起哄指祖藍和老婆李亞男便是例子時，祖藍再笑笑口回應：「我反對，我哋係一齊咗之後，我先安排啲劇同佢一齊拍！」最後一條問題，思捷竟因一事被辣着搞到爆粗，想知問題到底是甚麼？密切留意今晚播出的《福祿壽訓練學院 畢業Party感謝祭》。

祖藍詐麥嘉欣型，到底咩事？

噴面大懲罰。

大家玩得好歡樂。

祖藍成日都口多多，好搞笑！

思捷因咩事嬲到爆粗？

精選圖片

精選圖片

張馳豪好大隻呀！