青衣一名仁醫於數月前離世，疫情期間葉醫生仍堅守崗位，自願為發燒病人看診，街坊緬懷數十載情：睇咗我哋3代人！
示意圖
青衣仁醫數月前與世長辭
有街坊於Facebook群組「青衣街坊吹水會」上載了一張2012年葉肇慶醫生開出的病假紙照片，並表示得知葉醫生數月前已離世的消息。這張病假紙是其哥哥保留下來的，以此紀念這位仁心仁術的醫生。
FB圖片
街坊以為葉醫生退休 驚聞噩耗
帖文發出後，不少街坊為葉醫生的離世感到震驚及惋惜，有街坊表示從小就在葉醫生的診所看病，原以為他只是退休，不料竟已離世，大家紛紛祝願逝者安息「唔係退休炸咩？原來係走左⋯rip」、「RIP佢睇咗我哋3代人」、「佢由我細過睇到大⋯突然知道呢個消息，好難過」、「原來唔係真係退休，係離開左，一路好走」、「我細個經常睇呢個醫生，佢好好人rip」、「我都以為佢淨係退休，我又細睇到佢大Rip」。
示意圖。設計圖片
街坊分享葉醫生的看診點滴
有街坊分享了在葉醫生處看診的經歷，一位網民回憶道：「永遠記得葉醫生每次好溫柔捉住呀仔隻手，『朗朗好多鼻水喎，聽診器有少少凍唔洗怕下』，之後再請佢食糖，咁就廿年之前了。」
另一位網民則說：「葉醫生啲藥食一次已經好好多，而且唔用抗生素。我仔由BB睇到去加拿大讀書，每次返香港去葉醫生到配平安藥，醫生都同阿仔講：『樂樂讀書點啊？喺加拿大凍唔凍啊？』 啱啱同仔講，醫生走了，佢都好傷心。」
示意圖
疫情期間堅守崗位 對病人不離不棄
有人又指「有醫德嘅醫生喺香港買少見少」，特別是在本港新冠疫情爆發期間，許多診所都拒絕接診發燒病人，但葉醫生卻是少數仍堅持為病人看診的醫生之一。有網民感慨：「葉醫生係唯一肯睇我的醫生」。
示意圖
帖文來源：Facebook群組「青衣街坊吹水會」
沙田新城市廣場一間法式餐廳近日捲入「任食可否共享」爭議，有食客網上撰文公審餐廳，指與友人各自點選套餐後，欲共享無限添加的黑松露薯條，卻遭職員拒絕，更稱餐牌未列明不可共享，及後拒絕加點甜品時又被職員「西面」回應。惟事件曝光後，網民幾乎一面倒斥食客「冇常識」，認為任食套餐不可共享屬基本常識，反問若容許共享，豈非可一人付款、多人輪流享用。
示意圖片
有食客近日在網上發文炮轟沙田新城市廣場一期一間法式餐廳，指她與朋友各自點了一份一人餐及可無限添加配菜的牛扒套餐，兩人共享食物後欲再添加黑松露薯條，卻被職員告知無限添加的食物不可共享。事主不滿餐牌未有列明此細則，更指職員在拒絕其加點甜品後「西面」回應，令她大感不悅。帖文曝光後，網民反應卻一面倒，直斥事主「冇常識」，認為任食餐不可共享屬「江湖規矩」。
《愛回家》劇照。示意圖片
事主日前在Threads撰文講述事發經過，她日前與朋友到沙田新城市廣場一期一間法式餐廳用膳，兩人各點了一份一人餐及可無限添加配菜的牛扒套餐。她表示，落單時已向職員查詢牛扒套餐是否包含4樣可無限添加的食物，當時職員「面有難色」地解釋，通常要先叫一樣食物，吃完後才可再refill第二樣。她理解餐廳為免浪費食物，遂照樣點選牛扒套餐。
《愛回家》劇照。示意圖片
事主續稱，與朋友吃完牛扒及隨餐附送的手工意粉後，打算點選無限添加的黑松露薯條，此時職員卻告知「其實呢個餐係唔可以share」。她與朋友隨即翻閱餐牌，發現「張餐牌完全冇關於唔可以share嘅字句」。她原本還想無限添加卡邦尼意粉，但「一早我哋問咁係咪唔可以再加嘅時候，職員就已經冇再理我哋」，幸好兩人已吃飽，才決定不再追究。
《愛回家》劇照。示意圖片
事主指出，隨後職員詢問會否考慮加58元點選一個甜品，她與朋友因已吃飽而拒絕，職員竟「西面」說「咁你哋食埋啲薯條算數啦！」，她心想「而家唔叫甜品得罪你咩？」，不滿道「搞到餐飯都食得唔開心，沙田分店會唔會有人出嚟解釋下？」。她更批評餐廳，「明明你哋寫住無限refill，但係有咁多條件，你不如索性攞張條款出嚟簽先好叫餐好唔好？係咪而家每個客人都要硬性規定要叫甜品？係咪唔叫甜品嗰啲就唔係客人？」
事件曝光引起網民熱議，不過網民紛紛指摘食客自身有問題：「正常有任食（全自助/半自助）都唔可以share㗎啦，下下要寫到出面叫面斥不雅，你要share而店員又無強硬阻止只係畀兩句說話你聽就靜啦（講原Po），仲要慌死人哋唔知佢西客咁自己唱自己」、「常識嚟喎，最憎計到盡，攞盡着數嘅人，人哋未擺佢上網，佢自己擺上網」、「真係估唔到而家啲人可以咁打橫嚟」。
有網民指出，「叫甜品係希望你識做，補返你share咗任食餐嘅差額」、「我蝕底啲，我叫一份餐，幫晒全間餐廳有入座嘅客人無限refill，咁就可以成村人免費食飯」、「假設可以咁樣refill，咁咪可以1個人叫呢個餐並且唔離開餐廳，馬拉松式咁叫朋友輪流入去餐廳度食嘢？咁營業時間10個鐘，每個鐘叫50個朋友入嚟放題，只要畀一份錢就可以餵飽500個人」。
