有食客到葵芳一間網紅Café食全日早餐，食食下竟發現麵包內有一條話活蟲在蠕動，狀甚恐怖。他即拍片公審兼報食環。
網紅Café 麵包驚現活蟲
該食客於Facebook群組「飲食黑店大全」發文，表示日前到一間連鎖式網紅餐廳的葵芳分店，點了一份all day breakfast（全日早餐），當他吃了幾啖麵包後，突然聽到「喀喀聲」，低頭一看，竟發包內有一條灰白色的活蟲在「郁下郁下」。樓主立即拿出手機，拍下這嘔心的畫面。
FB圖片
食下拍片公審兼報食環
從影片可見，該份全日早餐十分豐富有南瓜、黑松露炒蛋、牛油果、穀物乳酪、蕃茄、西蘭花苗、蘑菇及堅果酸種麥包。而酸種麵包內卻有一條肥蟲正在蠕動，狀甚嚇人。樓主表示「我食咗1/4 個包，我唔敢再諗有冇食到其他同伴」，並稱已向食環署投訴。
FB圖片
網民嘩然驚呼：好恐怖！
帖文引熱議，不少網民感驚嚇「有冇咁得人驚呀？真係好邋遢好污糟」、「嘩頂！好嘔心」、「呢間都唔算平喎，又會甘伏既」、「好彩係一條唔係半條」。
FB圖片
網民質疑存衛生隱憂
有人則猜測「蛆唔係咁嘅樣，估計係麵包入面有堅果類？啲堅果有蟲」卻被反駁「不可能，包都焗完了才切。焗包溫度在190至220之間，乜都死晒」、「必定是外來的，大機會是交叉感染。例如處理生肉時，麵包就放在旁邊被血水污染，能夠生蟲，必定有腐敗蛋白存在」。
FB圖片
帖文來源：Facebook群組「飲食黑店大全」
AEON永旺百貨多年來因為「顧客心聲」留言區的店長親筆回覆而屢屢成為網絡熱話，這次又有一宗令人哭笑不得的投訴在網上瘋傳。一名女顧客因為被年約50多歲的店員稱呼做「姐姐」而感到不悅，憤而「寫紙仔」投訴，結果再次勞煩店長出手，以高情商（EQ）回覆化解一場公關危機。
近日有網民在Facebook群組「AEON Stores 關注組」分享一張照片，可見一張署名「Miss Yeung」的投訴紙，據了解張貼於AEON九龍灣店，日期為8月24日。這位女顧客在投訴中先禮後兵，表示「覺得D staff可以有禮貌d」，又大讚「以前行開藍田（分店）d staff好好人，好nice」，雖然「其實呢度啲姨姨都nice」，但重點在於「唔建議叫人『姐姐』，呀姨睇落50幾歲，做得我呀媽有凸，但嗌我姐姐，我真係嚇親同埋會覺得冇禮貌」。
示意圖。AI生成圖片
面對這位客人的不滿，店長在5天後親筆回應，先為「同事的待客態度及對顧客的稱謂而令閣下不悅，深感抱歉」，並承諾「已通報各同事盡量以Miss或小姐等沒太大輩份的稱呼」。店長更坦言「姐姐」其實是稱呼上的「舊習」，並幽默地補上一句「日後如有再犯，實屬久久積習，一時三刻未能改掉，敬請見諒」，字裡行間盡顯無奈之餘又不失大方得體。
示意圖。AI生成圖片
示意圖。AI生成圖片
帖文曝光後隨即引來大批網民熱議，不少人批評該投訴根本是無理取鬧，同時再度激讚店長以「神回覆」化解事件。有網民直言「x客何其多」、「投訴之都」，亦有人認為「叫小姐咪一樣，要投訴始終會投訴！唔滿意可以不幫襯」，更有人建議「叫靚女算啦」
。不過亦有網民為店員抱不平，指出「尊重才叫聲姐姐，唔通唔靚叫靚女咩」、「姐姐很有禮貌不明白有什麼好投訴，難到要叫妹妹嗎」，更有人發現投訴者本身稱呼店員做「姨姨」，反問「但佢又嗌啲職員做姨姨，人哋都可能好介意呢」。此外，亦有網民錯重點，大讚「店長手字好靚」，令這場投訴風波增添不少花生味。
