谷婭溦夢想從政做議員兼做廉政公署 7月17日舉辦免費音樂會答謝歌迷會

谷婭溦指自己有個宏大的夢想！

谷婭溦(溦溦) 將於7月17日晚假東蒲胡李名靜體育館舉行一場歌迷聚會《Voice of Vivian 谷婭溦「溦溦」道來流行歌會》，她表示十分感謝歌迷會一路上支持，為答謝大家，決定大派福利，舉辦一場免費音樂會，條件是歌迷需預先報名登記，以先到先得，免費入場，每位歌迷可獲兩張入場門票。

谷婭溦接受新城《原來生活好快樂》程凱欣、麥卓華錄音訪問。

溦溦日前接受新城知訊台台長程凱欣與麥卓華《原來生活好快樂》節目「自主人生」環節錄音訪問，訪問將於7月18日播出。谷婭溦在節目中形容自己性格大大咧咧，所以初入行時得罪人多，稱呼人少，「我個人直腸直肚，冇諗咁多機心嘢，說話欠缺婉轉，得罪咗唔少人。」

已入行15年的谷婭溦，直言性格並無改變，變的只是心態，「以前啲人會覺得我寸，了解我個人之後，知我講嘢方式係咁，我當你係朋友先講真嘢，同埋鍾意我嘅人永遠都會鍾意我，唔鍾意我嘅人，點討好都唔鍾意我，所以我只做自己，亦從來唔埋堆。」

程凱欣、谷婭溦

溦溦將於7月17日舉辦免費音樂會答謝歌迷會。

谷婭溦16歲開始研習聲樂，以全湖南第1名、全中國第2名的成績考進武漢音樂學院，後來成為美國波士頓伯克利音樂學院的在讀研究生（主修美聲），去年她在港開設音樂學校，如今已經桃李滿門，「我希望自己嘅歌聲比更多人認識，所以點解我要開音樂學校，就係想承傳更多人嘅夢想。」

程凱欣爆料，指有不少歌手表示跟谷婭溦學唱歌，都曾被她責罵，但做得好亦會獲得讚揚，谷婭溦即扮惡反駁，「邊個話我鬧佢？我從來唔鬧人，鬧人係最低級做法，我只會用第二個方法去解決，例如前排《中年好聲音2》有兩個學生開唔到聲，我叫佢同一個動作做50次，睇住佢做，做到啱為止。」可謂嚴師出高徒。

谷婭溦話唔做歌手，會去做ICAC。

至於未來有甚麼計劃？谷婭溦指自己有個宏大的夢想，就是做一個有影響力的歌手，「我想企得高啲，唔係為搵錢，我當咗香港係我第二個家，好想去為呢個地方出一分力，如果我唔做歌手，我會去做ICAC（廉政公署），因為細個睇電視劇，見佢哋攞住個證行出嚟好有型，所以追溯到最後我好想從政，記得5年前同朋友行街見到選議員，我好有衝動去選。」程凱欣笑言：「睇唔出你人仔細細志向咁大，咁我哋申報定，到時幫你助選。」

演唱會海報

詳細節目內容，請留意7月18日，早上9-10時，新城知訊台《原來生活好快樂》「自主人生」環節，網址：https://www.metroradio.com.hk/MetroInfo/

歌手谷婭溦昨日（3月17日）到新城廣播接受黎莉主持的《勁爆樂勢力》直播訪問，首次宣傳新歌《今天你瘦了嗎？》。谷婭溦經常被友人稱讚逆齡成長，她對此表示感激，並透露自己對衣著顏色的喜好有所轉變：「其實我有幾年非常唔鍾意著粉紅色，但最近又開始覺得粉紅色好靚。」

谷婭溦接受新城《勁爆樂勢力》主持黎莉訪問。

談到新歌創作靈感，谷婭溦透露是來自一次難忘經歷。她透露去年五月到外地演出時，穿上貼身衣服後，被老闆直指「有點胖」，令她大受打擊。谷婭溦無奈表示：「佢不斷叫我食嘢，但上台又話我肥。」她坦言自己向來愛吃，若非入行，可能已是「肥妹仔」。這次經歷促使她創作一首以減肥為題材的歌曲，希望帶出健康正面的訊息。

谷婭溦強調歌曲並非單純鼓勵瘦身，而是宣揚100個人有100種美的價值觀：「唔係話你肥就唔靚，亦唔係話你瘦就好靚，我希望大家透過減肥呢件事去追求健康，如果自己嘅狀態係健康嘅，無論肥啲或者瘦啲，都可以係靚嘅。」

谷婭溦遭老闆嫌肥。

對於歌曲風格有別於以往的曲風，谷婭溦坦言全因好友、金像影后劉雅瑟的一句話。她分享道：「我哋十幾歲就識，識咗好多年，佢成日同我講，『你係唔係對自己有錯誤嘅認知？你成日喺到扮cool，其實你知唔知道你適合甜美』？」劉雅瑟鼓勵她嘗試將真實的一面展現出來，谷婭溦起初也有猶豫，但最終決定「試一下」，結果創作出這首可愛風格的作品。

新歌MV在深圳拍攝，谷婭溦透露自己堅持以「肥妹」造型貫穿MV，雖然化妝師和導演最初希望她「靚女一點」，但她堅持要玩新意：「我想做一啲唔同嘅嘢，睇到肥妹出現，我覺得幾好玩嘅。」她笑言同事買了四、五套衣服，結果全是同一款式，令她哭笑不得。

促使創作新歌《今天你瘦了嗎？》。

詳細節目內容，請重溫3月17日，中午12:00 – 1:00，新城知訊台《勁爆樂勢力》節目，網址：https://www.metroradio.com.hk/MetroInfo/