樂宜靠飲兩杯壯膽示愛 ROVER想搞另類Fans Meeting

娛圈事

樂宜靠飲兩杯壯膽示愛 ROVER想搞另類Fans Meeting

2024年07月10日 20:00 最後更新：20:15

不過樂宜最終都係衰咗！

Heineken貴為世界知名啤酒品牌，在各地區市場一直有領先地位，日前品牌參與香港音樂盛會，在環節中邀請男團ROVER、⁠Gillian Ng 伍倩彤、⁠鄧月平、Rose Ma 馬俊怡、電音女神樂宜為Heineken Silver 產品發佈會站台，銳意推廣年青市場客戶。

點擊看圖輯

男團ROVER、伍倩彤（Gillian Ng）、⁠鄧月平、馬俊怡（Rose Ma）及電音女神樂宜日前出席Heineken Silver活動。

男團ROVER、伍倩彤（Gillian Ng）、⁠鄧月平、馬俊怡（Rose Ma）及電音女神樂宜日前出席Heineken Silver活動。

左起：伍倩彤、⁠鄧月平、樂宜、Rose Ma

男團ROVER不時聚埋飲酒傾音樂。

仲話飲完作歌特別好Feel！

樂宜自爆靠飲兩杯壯膽示愛！

Heineken為世界知名啤酒品牌。

鄧月平表示最喜歡煞科後飲啤酒，除咗可以放鬆之外，仲可以趁機約好耐冇見嘅朋友，酒後吐真言，檢討吓自己不足嘅地方，以及如何做得更好，亦可以趁煞科宴同劇組團隊好好談天說地把酒言歡，增進感情，想飲盡興又唔想肥一定選擇Heineken Sliver Beer。

同場嘅樂宜都話啤酒適合談心，笑指自己對飲酒有心得：「因為啤酒易入口可以慢慢飲，我發現人越大越唔敢講真話，有時飲幾杯落肚反而會大膽啲，我以前試過靠飲酒壯膽，去同男仔表白，不過最終都係衰咗，搞到同朋友一齊飲酒借酒消愁。」

Rose Ma馬俊怡就話自己係啤酒Fans，「通水」比追求的男士：「我最想去荷蘭參觀呢個啤酒品牌嘅博物館，因為可以睇晒佢地嘅製作過程，如果有人陪我去又向我求婚嘅話，我一定會答應，因為去到一定會飲到醉醉地，應該會易話為啲。」

一向對酒有研究的Gillian Ng伍倩彤，笑言與朋友聚會的時候都愛飲酒：「女孩子聚會飲下酒會開心啲，不過怕醉唔敢飲太多。依家有低度數啤酒就可以飲得盡興啲，唔洗太擔心影響第二日工作。」

男團ROVER都話不時聚埋飲酒傾音樂，仲話飲完作歌特別好Feel：「我聽啲前輩講錄音前飲一啖啤酒，會收乾喉嚨啲口水聲，雖然我地未試過，但有時夾歌、作歌，飲少少之後有靈感，可能會放空個情緒，更代入音樂嘅世界。當然依家我地啲Fans仲細，如果佢地大個啲，約佢地飲幾杯Jam吓歌，做啲另類嘅Fans Meeting。」

Tags:

荷蘭

往下看更多文章

ROVER成軍兩周年生日會宣布3.30舉行首個演唱會推新歌《旗跡》四子包辦曲詞編監

樂隊ROVER日前假THE SOUTHSIDE舉行成軍兩周年生日會，與數百名Radar（ROVER粉絲暱稱）齊齊慶祝這個大日子。四子更在活動上投下重磅驚喜，宣布將於3月30日在新蒲崗Portal舉行首個專場演唱會《Club Live 呈獻: ROVER 2nd Anniversary Live》，為樂隊音樂事業寫下重要里程碑。

生日會甫開場，四子陳鎮亨（亨仔）、王希晉（希晉）、卓金樂（Kim）、雷濠權（Jason）即向在場Rader致謝，感激粉絲一直以來的支持與陪伴。隨後他們直接在台上宣布重大喜訊，落實於3月30日假新蒲崗Portal舉行首個屬於ROVER的演唱會，全場粉絲隨即報以熱烈歡呼。

回顧成軍兩年的成長路，亨仔笑言：「覺得自己跟肌肉一樣，不停在成長、愈來愈大隻！」希晉補充指大家經歷高低後變得越來越堅強，Kim則形容ROVER每一年都在遞增成長，Jason表示2026年是ROVER的全新章節，會比以前做得更多，呈現更多作品。

會上，ROVER又特別以四首作品串連成軍以來的四個重要章節，讓Radar見證他們的成長。由出道作品《秒速八公里》開展四子夢想，到溫暖人心的《陪我一路漫遊》，再以記錄低潮時期、與歌迷同行的《流浪者詩歌》作為轉折，最後首度獻唱最新作品《旗跡》，作為送給Radar的兩周年禮物，見證樂隊的成長。

新歌《旗跡》是ROVER的一大突破，由四位成員包辦曲、詞、編、監，歌詞更由Kim一手包辦。Kim分享創作理念：「這幾年大環境都不好，香港好多人唔開心、有壓力，想藉着呢一首歌俾一個擁抱大家，令大家憑着信念繼續堅持走落去！」希晉亦對這首作品感觸良多：「有人質疑我哋話係band，今次我哋一手搞晒曲、詞、編、監，所以相信才有『旗跡』，到今日仍然相信可以走落去。你們相信ROVER，我們亦會繼續努力，相信ROVER亦會成為一隊出色樂隊。」

談及即將舉行的演唱會，Kim透露演唱會上除了ROVER作品外，亦會cover不同種類的歌曲，如動漫、英文歌等。為讓歌迷更投入，演唱會將以全企位形式舉行，讓Radar可以瘋狂跟住唱、跟住跳。四子更預告將會把多首大熱歌曲串成medley，為粉絲帶來驚喜。亨仔更自爆會在演唱會上挑戰唱跳，揚言要把握機會瘦身成功，為再戰《夜狼傳說》做好準備。

生日會尾聲，大會送上附有ROVER四子的生日蛋糕，以及由Radar預先準備的兩周年紀念禮物圖集，及為3月之星的Kim（3月3日）及亨仔（3月5日）更額外準備生日蛋糕，問到二人生日願望，亨仔許願時笑言：「希望能成為『爆騷band友』，發達搵好多錢同兄弟分！」Kim則認真道：「身體健康最緊要，希望繼續與兄弟和諧共處，長做長有！」場面溫馨感人。ROVER與在場Rader進行大合照及一對一簽名環節後，生日會圓滿結束。