新生代歌手Cosplay亮相動漫節 林沚羿Bra Top露小蠻腰

唔少新生代歌手都鍾意Cosplay。

新城廣播即將踏入台慶月，不少項目亦都持續創新，務求帶給聽眾更多新鮮感。由香港動漫電玩節 大會指定全媒體「新城廣播」，新城知訊台主辦「《Z世代咪高峰Show》@香港動漫電玩節」，今天（26日）假灣仔會展舉行，出席的偶像歌手包括ANSONBEAN、羅毓儀、林沚羿、周卓盈、蘇凱倫、CotaBoii、曾傲棐、VIVA、MATCH及OneUp，各單位歌手輪流上台施展混身解數傾力演出，唱爆動漫節舞台。

羅毓儀可愛少女look

林沚羿(中）以「英雄聯盟聯」中的角色造型現身

蘇凱倫（右）以動漫《和山田進行場LV999的戀愛》的女班長「椿由香里」造型現身

羅毓儀載歌載舞

周卓盈上台傾力獻唱

賀邦（Bronny）及智弘（Oscar）合組的OneUp

《Z世代咪高峰Show》由新城知訊台節目「Z世代咪高峰會」兩位主持T.MAX(海淦清) 和JY擔任司儀，今次是「Z世代咪高峰會」節目首次離開直播室，遷移到戶外舉行大型活動，為配合年青新一代充滿創意『Z世代』，今次活動主題圍繞「創意」，到時歌手們分享充滿創意的派台紀念品及fans支持偶像的應援物。

《Z世代咪高峰Show》得到不少新生代歌手支持

T.MAX和JY與一班歌手們在台上互動時打成一片，氣氛相當歡樂，而剛推出新歌的T.MAX，亦即場獻唱一曲節奏輕快的《大細路》。至於林沚羿更大玩Cosplay亮相，化身電子遊戲《英雄聯盟》角色阿卡莉的她頭戴假髮，一身Bra Top露出小蠻腰，造型維肖維妙，吸引不少動漫迷爭相拍照，場面熱鬧。壓軸登場的ANSONBEAN跳唱兩首快歌，掀起全場高潮，為這次《Z世代咪高峰Show》畫上熱鬧句號。

頭戴假髮的林沚羿造型維肖維妙

女團VIVA都有表演

VIVA獻唱新歌《DTR》

ANSONBEAN跳唱兩首快歌，掀起全場高潮

由林盛斌擔任金牌媒人兼主持的無綫熱播戀愛綜藝真人騷《Funki Finance呈獻：女神配對計劃》，本周日（7月13日）晚九點播出第六集，本集除了有女神羅毓儀Yuki組的「三角枱約會」最終回，還會宣布首輪遊戲將淘汰哪兩名求愛勇者，另外當然還有萬眾期待的後生仔女開心去camping玩dating環節。

Kris都未埋到身，Yuki已經開始怕定醜先。

大家睇吓Yuki個頭同埋膊頭（即係成身啦）係紅到可以煲滾一壼水，嚴格嚟講。

又要驚又要偷望，但又驚畀人發現。

咁甜得唔得架？

呢啲仲唔係韓劇畫面？

羅敏儀花式迴避Kris進逼勁爆笑
在「三角枱約會」最終回，原本對林俊其Kris充滿戒心及疑心的羅毓儀Yuki，最後竟然因為一個「壁咚」遊戲全面失守，連環放送沉船Cutie樣，全程不敢睜眼兼瘋狂避開男方視線的她，最搞笑是不但忍不住偶爾眼仔碌碌偷望（但每次時長不過一秒），又由臉珠紅到落耳珠，十分誇張！

Yuki面對「Kris式壁咚」，反應與面對醫美太子爺Kenneth及好友T.Max明顯大不同，Kris都還未「埋位」，Yuki已大叫：「救命我想走！」更一開始已迴避Kris問題：「咩呀？」、「我聽唔明，你講多次」；跟住Kris索性單刀直入問：「你話xxx，咁係咪即係承認對我有心動過？」原本已不知點算好的Yuki，聞言唧一聲笑出聲之餘，更笑到要掩嘴兼耷低頭，到底Kris重提了Yuki甚麼說話，令Yuki如此不知所措？而對於Kris的層遞式進逼，Yuki亦只能一再投降大叫：「吖！救命呀！」

點忍呀！

Yuki呢個眼神，訊息量好高！

同Kris壁咚完，Yuki刺激到要匿埋冷靜？

羅毓儀眼神很誠實
嚇到三魂唔見七魄的Yuki，帶點心虛地以「唔係呀」虛弱反擊，說畢忍不住貪望Kris反應，但隨即又很快移開視線，並繼續強調：「我冇心動過，冇呀冇呀！」但憑藉望向Kris的水汪汪黑眼睛，少女心事十分明顯，最後為了幫自己打圓場，Yuki索性乾笑兼眼泛淚光謂：「救命呀，我走先，要匿埋」，反應媲美韓劇可愛小女主。眼見Yuki咁Pure咁True，現場花生團甚至主持兼金牌經理人林盛斌（阿Bob）均大為雀躍，黃嘉雯：「佢（Yuki）唔想望佢喎，係咪即係有感覺呢？」江美儀肉緊大叫：「紅都面晒！」

而在音樂題遭Yuki直指對其感到失望的T.Max，在「壁咚」題中出盡板斧企圖挽回一城，他先以「猛虎射球」般的氣勢將Yuki逼埋牆，再使出早已預備好的秘密武器「排球少年扭蛋公仔」，向Yuki誠心誠意說出「愛的告白」：「我記得當初我喺日本時應承你，我要將呢一個畀你，但依家少咗一隻，我真係希望有機會可以同你一齊去日本，一齊扭番淨低嗰隻…你係真係令到我想重新相信愛情嘅人。」由於T.Max勁真誠，花生團兼Yuki唉吔媽咪江美儀聽到一再歡呼So Sweet，並謂「阿女真的感動了」。

T.Max準備嘅扭蛋驚喜都好冧架。

T.Max準備嘅扭蛋驚喜都好冧架。

佢嘅表白都好真誠、好多支持者架。

Yuki會逐一點評三位求愛勇者壁咚嘅表現。

係咪好想知邊個令Yuki冧到咁呢？

Yuki急口念式「炮轟」林俊其：好衰呀
雖然Kris冧到Yuki氹氹轉，但面對T.Max的真誠強攻，在最後這個「壁咚」回答亦很難說會坐定粒六勝出。而當Yuki逐一點評三名組員壁咚表現時，竟連環急口念式向Kris拋出了至少十句「好衰呀」，想知Yuki點解咁講，以及這位少女最終能否勇敢面對內心真正的聲音？

今集花生團江美儀、黎諾懿及黃嘉雯，會合力選出兩名被淘汰者，據知美儀姐及黃嘉雯、與諾懿在人選方面出現嚴重分歧，到底又為了甚麼？密切留意本周日最新一集的《女神配對計劃》。

點解花生團好似有人歡喜有人愁咁嘅？

點解花生團好似有人歡喜有人愁咁嘅？

壁咚後遺症可以係咩呢？

五位女神喺淘汰環節嘅表現好肉緊。

諾懿同美儀姐喺淘汰人選上有分歧。