已完成第三次化療 吳文忻樂觀面對甩頭髮

保持心情愉快保持是對抗癌症的良藥！

49歲的1998年港姐季軍吳文忻（現名吳忻熹）與「南丫島王子」陳劍陵婚後育有兩女，一家四口生活幸福美滿。不過，吳文忻日前自揭兩年前患乳癌，今年更不幸復發已是第三期，癌細胞更擴散至淋巴，已開始接受化療，並在IG分享了自己的抗癌日記，已接受第三次化療的她終於要面對脫頭髮的問題。

吳文忻與「南丫島王子」陳劍陵結婚後育有兩女。

吳文忻日前自揭兩年前患乳癌，今年更不幸復發，已是第三期，癌細胞更擴散至淋巴。

已開始接受化療。

雖然治療過程辛苦，但吳文忻表示：「俾自己一個生存價值，同埋希望用生命影響生命，一個正面方法去面對！」

吳文忻寫下三日的日記，「我終於甩頭髮了！19/8/2024 第三次化療前的一天，又要去抽血啦。因為醫生要在化療前，知道你的驗血報告，適唔適合再做化療。20/8/2024 今日進行第三次化療，繼續都係打一隻叫紫杉醇嘅化療藥，今日打完都係好眼瞓好攰，但冇上個星期咁攰，可能身體都開始適應了！21/8/2024 今日起身一梳頭，WOW! 今日開始甩頭髮了，沒想到我竟然有點兒興奮呢！」

吳文忻又貼出影片，表示已接受第三次化療並出現脫髮問題，她原以為能打破甩頭髮宿命，因為開始進行化療後都未見有脫髮問題，以為是服用保健產品的功勞，但第三次化療後第一日起床梳頭便有大量脫髮。雖然已開始脫髮，但片中性格積極的吳文忻全程保持笑容，一邊用手指梳理頭髮，一邊說：「我呢紮禾稈草要唔要都罷啦，甩又有咩所謂呢，咁介懷做咩呢之前？」並表示好期待自己光頭及新頭髮長出來的樣子。

吳文忻表示已接受第三次化療並出現脫髮問題。

雖然已開始脫髮，但吳文忻全程保持笑容。

展示脫下的頭髮。

笑指自己的頭髮似禾稈草。

好期待自己光頭及新頭髮長出來的樣子。

98年獲港姐季軍入行，現年51歲的吳忻熹（前名：吳文忻），為圓夢推出首支個人單曲《重生》接受雷霆881商業電台《星光背後》專訪。去年曾分享抗癌出現曙光的她，今年初卻因癌細胞突變，擴散至尾龍骨成乳癌第四期。雖然經歷心臟及肺部積水留醫16日徘徊鬼門關，但吳忻熹從沒絕望，更因重拾信仰完成人生兩大心願出書又出歌，希望以生命影響生命。節目中，吳忻熹除了披露曾迷信令抗癌情緒陷低谷外，更首度承認與前夫離婚已始於患病前，她說：「感情有問題非一日之寒，唔止一個人責任。」她更坦言要平反外間對前夫的誤會，「佢未必係個好伴侶，但一定係個好爸爸。」。

現年51歲的1998年港姐季軍吳忻熹（前名吳文忻），日前在電台節目中分享對抗乳癌第四期的心路歷程。

當年美國大學畢業回港選美入行的吳忻熹，稱小時候夢想當歌手，可惜98年華星新秀停辦轉而選港姐踏足娛圈。而事隔廿七年唱歌那團火重燃，是始於年初看《叱咤頒獎禮》直播，她說：「好歌手嘅得獎感言，話自己畀想像中強大，作為患病者去聽，係份外入心。之後Sammi(鄭秀文)話自己係52歲嘅我最喜愛女歌手，當刻就幻想51歲嘅自己，出年可唔可以企喺台上做樂壇新人？就即刻幫自己拍咗條片，希望可以圓呢個夢。」奈何對自己許下承諾不久，癌細胞突變擴散至第四期，更因心臟及肺部積水留醫16日一度徘徊生死，這次經歷促使她立志要今年達成心願，「尤其係留醫期間，醫生同我講咗一句話，佢話：『吳小姐，你要諗定，話定畀家人聽拔唔拔喉。』當刻聽落係覺得好離譜，但之後，我會反思原來我咁接近死亡，就反而激勵我唔好再拖延。」

不僅透露曾因迷信玄學令情緒陷入低谷，更首次親口承認，與前夫陳劍陵的婚姻問題，早在自己患病前已存在。

吳忻熹表示選擇現在才公開離婚消息，是尊重圈外前夫的意願，不欲「擺他上枱」作宣傳。她為前夫平反道：「他未必是個好伴侶，但一定是個好爸爸。」 兩人目前關係和平，再見亦是朋友。

吳忻熹坦言因信仰及祈禱，幫助她振作渡過留醫16日的難關外，亦助她捱過出院要坐輪椅、撐拐杖與及多次電療的痛苦。今日能完成《重生》一曲，她指亦因為信仰令她遇上一眾基督徒音樂人天使，他們全都不收分文助她完成單曲。她說：「係好神奇，心靈同念向好之後，好多天使出現，好似有力量Guide住我行呢條路，好感恩。」不過談及2013年曾改名吳忻熹，中小學已是天主教徒的吳忻熹，亦坦承入了娛樂圈後走過不少歪路，「當年睇好多風水命理，有人講吳文忻三個字係大兇孤寡數，係驚到連身份證都改埋。其實我一出世就領咗洗，但入咗娛樂圈乜都拜吓，越行越遠。直至Cancer舊年復發，唔少人話畀我聽係冤親債主，帶我做好多嘢，燒好多嘢，燒銀紙咁燒；但越燒越不安，情緒仲跌入低谷。直至今年有個導師導返我信，之後日日祈禱，心靈真係平靜返，情緒直接影響我病情，之後好多嘢慢慢向好，令我發覺呢件事真係存在。」

宗教令吳忻熹對人生重燃希望，亦令她反思放下執著。節目中，她罕有談及今年年中親口證離婚的前夫，「之前唔講，因為對方係圈外人，不嬲佢都唔鍾意，我亦唔想好似擺佢上枱咁。」對於前夫被指吳忻熹一患病就撇下她，她說：「我要為佢平反，其實件事發生咗一段時間，係病之前。感情有問題係非一日之寒，有問題咗好耐，我都有問題，唔止係一個人嘅責任，每個人都有自己問題。唔想講太多，係唔想畀人以為我攞嚟宣傳，我只想講，佢未必係個好伴侶，但一定係個好爸爸。」她亦指與前夫和平分開，再見亦是朋友，「由頭到尾我哋都係好好朋友，我哋美國讀書已經識，做唔成伴侶，做朋友都無問題。」

吳忻熹與節目主持梁泰來合照。