何沛珈擔任今屆港姐決賽司儀，她在接受本網採訪時表示今日相當緊張
全城矚目選美盛事《2024香港小姐競選》今晚（9月15日）假將軍澳電視廣播城舉行決賽，《香港小姐再競選》冠軍暨更上鏡小姐及《2020年度香港小姐競選》五強的何沛珈擔任今屆港姐決賽司儀，她在接受本網採訪時表示今日相當緊張：「之前做過好多慈善show（司儀），但港姐show真係第一次，我覺得挑戰很大，因為有好多不確定性，你會唔知道佳麗會點樣答啦，都需要諗好多嘢去幫佢哋，我哋做mc其實唔應該係去『跣』佢哋，而係當佢哋答唔到嘅時候，將佢哋扶一扶。」所以佢事前要做好多功課去了解每個港姐嘅風格，估佢哋會點樣作答，「一題至少要諗五個佢哋答嘅方向，跟住仲要諗佢哋答左個嗰方向之後冇辦法答落去，我要點樣去兜！」
何沛珈挑選白色長裙（本網記者攝）
玉背吸睛（本網記者攝）
狀態極佳！（本網記者攝）
接受本網採訪時透露自己心情緊張（本網記者攝）
諗辦法幫佳麗兜（本網記者攝）
她在彩排的時候已經看到好多個佳麗的優秀表現，尤其是佢哋嘅才藝表演：「基本上個嗰都身懷絕技，好多個都相當出色，等陣你哋都會睇到。至於邊一個今日會攞獎就真係睇佢臨場發揮了，好多事都係要睇你即場反應，你夠唔夠松啦，我今日都有同佢哋講話，做返最真實嘅自己，保持初心，諗下自己點解要參選港姐！」
稱讚今屆港姐身懷絕技（本網記者攝）
期待佳麗的優秀表現（本網記者攝）
由「金牌媒人」林盛斌（Bob）主持的TVB戀愛真人騷《Funki Finance呈獻：女神配對計劃2》，逢周日晚八點半翡翠台播映。
前期氣氛雖然好尷尬，但之後又好好玩咁喎。
係咪好想知佢哋喺車上面發生？
第七集《女神2》，12位求愛勇者吳兆麟（Alan）、吳旭東（東東）、俞鋆瑞（Ice）、譚梓樂（Hepta）、李爾晨（Kyle）、林子朗、伍頌曦（Preston）、侯建民（Zico）、林福明、吳俊峰（Mark）、方智弘（Oscar）及關經翰（Oswald），與五位女神何沛珈（Roxanne）、阮嘉敏（Mandy）、陳若思（Amber）、俞可程（Kanis）、郭珮文（Juliana），及2位隱藏女神梁超怡（Chiuyi）及陳星妤（Yvette），將挑戰刺激感及粉紅氣泡泡滿滿的「心跳」主題考驗，女神們與求愛勇者將經歷一場超近距離的「心跳回憶」。
真係玩得好開心架！
真係玩得好開心架！
為搞搞新意思，5位女神將與有好感求愛勇者，齊齊坐製作組安排的車出發前往今次拍攝現場，當中最有趣的，是由於Roxanne及Kanis之前都揀了Oscar，結果就出現「三人同車」經典黃金畫面，氣氛極度爆笑尷尬。三人上車的順序是Kanis、Roxanne及Oscar，當Kanis見到上車的竟是Roxanne，她即大呼尷尬：「好尷尬呀，即係我哋要兩個女仔，加一個男仔同一架車。」而Roxanne則大方主動了解，Kanis與Oscar的發展進程。Roxanne：「我想同你傾吓偈，想知你到底係咪非佢（Oscar）不可，或者愛佢愛到揀唔到第二個喇？」對此，Kanis坦言其實仍在觀察階段：「都要再多啲時間相處吓，有冇興趣了解多啲就一定有，但係咪非佢不可，放棄晒所有人，又未去到呢個程度。」
「我有無限濃情蜜意，來做迷人玩意…」
Hepta咁長情又咁細心，得唔得架？！好羨慕呀！
Hepta咁長情又咁細心，得唔得架？！好羨慕呀！
而最後登車的Oscar，當見到車廂中既有Kanis、又有Roxanne，亦嚇了一跳，雖然表現勁尷，但還是勇敢地提出「公道坐法」：「我坐中間咯」、「嘩！搞啲咁嘅嘢」、「開心驚喜刺激！」由於不知如何打開話題，三人一度陷入Dead air，極度尷尬的三人最終爆笑收場，Oscar則乘機搞氣氛：「好喲，鬥尷尬咯！」為了打破悶局，三人將話題扯到「染髮」上，豈料換來一輪「差別待遇」爭風呷醋事件，Roxanne突然「火力全開」，搞笑地句句求Oscar關注兼捉錯處：「點解你唔讚我嘅？」、「點解你留意佢IG嘅」，最終事件演變成Oscar Roxanne鬥嘴、Kanis陪笑，事件亦意外令Roxanne與Oscar感情升溫：「當我了解多咗Roxanne之後，我會發覺原來佢好高冷，但係佢講嘢係好笑架喎，因為我自己又係好鍾意開玩笑，大家打乒乓波咁來回接笑點，係有畀Roxanne驚訝到嘅。」Kanis亦大方指Oscar 與Roxanne好夾；「我覺得佢哋嘅互動都幾搞笑，都幾啱傾嘅，我就覺得可能佢哋都幾夾。」
今集呢個白色純愛Look好正呀。
今集呢個白色純愛Look好正呀。
今集呢個白色純愛Look好正呀。
Roxanne與Kanis被安排近距離爭仔，至於東東及Hepta則隔空出招爭Mandy。雖然很多人都覺得東東勝券在握，但東東仍是竭盡所能討Mandy歡心，完全是「長跑型癡心男」。二人齊齊坐車出發前往場地時，東東刻意為Mandy送上企鵝公仔掛飾，成功令Mandy笑逐顏開，另邊廂同樣深愛Mandy，而且年期仲要有番咁上下長的Hepta，雖然連與Mandy好好長時間相處的機會都還未遇到，但他一樣是竭盡所能為Mandy花盡心思，這天拍攝，他便為Mandy送上眼藥水，Hepta：「你鍾意一個人，佢同你講話佢鍾意嗰樣嘢，你就會記住下次想帶畀佢架啦。」原來Hepta一直都有為Mandy送上各式各樣的必須品，是一等一「絕世暖男」，Mandy：「佢成日送好多膠布、眼藥水呀，佢係行走嘅便利店，我真係諗唔到佢做漏啲乜。」
