社會事
近日有乘客豪邁坐姿似臨盆要生B，離譜行為在網上惹議，不少網民都笑「快啲幫佢搵大夫接生」！
示意圖
坐姿豪邁如同在家
在社交平台流傳一張相片，只見一名巴士乘客坐姿相當豪邁，不僅躺在一輛城巴的上層左邊第三排位，雙腳更是撐着樓梯口的兩個扶手。即使前方有另一名乘客，亦未見收斂，簡直是旁若無人！
FB截圖
網民笑言「快啲幫佢搵大夫」
有網民戲言圖中乘客「似乎就生，快啲幫佢搵大夫」，甚至有人直言「有冇助產士在場」、「係咪要搵人同佢接生」、「幫佢接生左(咗)先」。
示意圖
有人表示震撼
同時，有人認為同車乘客「下層行上去嗰個會震憾(撼)啲」、「見到想落返去」、「核突到震撼」。
批評行為：自私無品
不過，亦有留言認真批評行為，「其實咁想瞓，去上層最後面個排櫈瞓囉，係正個上落樓梯位會唔會過份左(咗)」、「自私無品」、「人渣所為。」
FB截圖
香港國際機場日前上演驚險一幕，有網民在客運大樓目擊一對男女竟推着行李車及兩大件行李搭乘扶手電梯，其間行李飛脫反轉倒在梯級，場面極度狼狽。目擊者拍下整個過程並上載至社交平台，隨即引來大批網民圍剿，狠批兩人行為「玩命」，更有人揶揄「有錢買機票，但買不到文明」。
threads影片截圖
日前在社交平台threads瘋傳一段影片，從片段所見，現場為香港國際機場客運大樓1樓，一對男女推着行李車及行李箱正搭乘扶手電梯前往地面，但仔細留意，扶手梯當時已經停止運作。
threads影片截圖
threads影片截圖
threads影片截圖
片中可見，戴鴨舌帽的女子先將飛脫翻倒在梯間的行李箱扶起，而男子則表現得相當吃力，從後緊握行李車，又不時調整位置以防行李車繼續滑落，然後再逐級往下走。而扶手梯的另一端，兩名穿着制服的職員疑似在下方等候，而扶手電梯出口處留有一個黑色行李箱，網民紛紛猜測，是機場職員見兩人危險舉動加上行李飛脫，於是緊急按停電梯。
threads影片截圖
threads影片截圖
當女子即將到達地面時，男子仍在扶手梯近頂端，另一邊的扶手梯有途人指向後方，疑示意男子該處其實有升降機。男子見狀無奈苦笑，而在地面的樓主則忍不住調侃：「推埋架車落去囉」
影片曝光引來網民熱議，大批網民紛紛留言狠批兩人行為危險：「係咪無帶個腦出街」、「就算無架行李車，拎住咁大（件）行李都唔會去（搭）扶手梯啦」、「明明有𨋢點解係要搭電梯呢 」、「好彩冇人行佢哋前面，唔敢想像萬一前面有老人家或小朋友」、「有錢買機票，但買不到文明」、「21世紀，原來都仲係有人唔明扶手電梯同𨋢嘅分別」。
