MIRROR拍攝新歌MV 群起散發男人魅力

MIRROR相隔近9個月再次推出廣東歌團歌，即為大家帶來全新感覺的〈Hunt You Down〉，MV中眾人更化身捕獵者，型格登場！

有別於過去團歌的曲風，今次〈Hunt You Down〉由T-Ma監製、T-Ma及Jonathan作曲、周耀輝填詞，以捕獵者追趕獵物的決心作主題的歌曲，曲風上亦突顯了這個主題特色，Lokman介紹道：「今次首歌相對節奏變化會多少少，rap亦會多過唱嘅部分，另一樣好新鮮嘅係，首歌有3種曲風喺入面。」Edan亦深入為大家導讀，說：「前面好快好刺激好野性好拫，但去到中間突然變咗抒情輕鬆曲風，但之後再入返去原本曲風，今次新嘗試，喺廣東歌都未見過。」Jeremy亦分享了自己第一次聽到〈Hunt You Down〉的感受，道：「第一次聽可能會覺得奇怪，但第二次聽就會覺得轉得好順好特別，同埋呢首歌provide一個好野性嘅風格，係MIRROR未試過，係成熟咗嘅我哋。」Edan也認同道：「係呀，wild啲，自己跳舞都跳得好爽，有種男人嘅味道出咗嚟！好期待跳live俾大家睇！」未知大家聽到歌曲後，會唔會想像到MIRROR今次變得更man呢？

MIRROR相隔近9個月再次推出廣東歌團歌。

姜濤chok爆唱出「You better run」這一句，原來加入這句是他的主意。

Anson Lo

Ian

Stanley使用的武器是日本武士刀。

如果聽到最後，會聽到姜濤chok爆唱出「You better run」這一句，原來加入這句是他的主意，姜濤說：「其實係借鑑好多團體，喺歌曲最後都會加句句子，強調返成隻歌嘅重點，本身冇諗住係『You better run』呢一句，我純粹向T-Ma提議想加一句說話喺隻歌最後，因為我覺得成隻歌比較惡，喺MV入面我哋係一班狼一班武士，斬殺敵人。」為了呈現各成員談及的man與力度，今次舞步上都給予很大的新鮮感，但同時亦甚有難度，姜濤續道：「排舞嘅力度，都同以往比較唔同，每次都有新嘢俾大家睇下，想俾大家唔同嘅感覺。」Frankie亦補充：「其實呢隻係難跳過之前嗰啲舞，因為啲力好速同埋要好定，再加埋上台要唱埋歌，對我哋嚟講都係一個挑戰，要搬上舞台表演，係難啲成班人一齊去發力。」

{"ARInfo":{"IsUseAR":false},"Version":"1.0.0","MakeupInfo":{"IsUseMakeup":false},"FaceliftInfo":{"IsChangeEyeLift":false,"IsChangeFacelift":false,"IsChangePostureLift":false,"IsChangeNose":false,"IsChangeFaceChin":false,"IsChangeMouth":false,"IsChangeThinFace":false},"BeautyInfo":{"IsAIBeauty":false,"OldBeautyCount":1,"IsSharpen":false,"SwitchMedicatedAcne":false,"IsBrightEyes":false,"IsOldBeauty":false,"IsReduceBlackEyes":false},"HandlerInfo":{"AppName":2},"FilterInfo":{"IsUseFilter":false}}

Jer則要站於高處擺甫士，他笑言：「對於克服咗畏高嘅我嚟講，係一啲都唔害怕！」

Lokman

AK第一次玩壘球棍。

Jeremy

舞蹈以外，今次在〈Hunt You Down〉的MV裡，亦加入很多新鮮元素，Tiger介紹：「〈Hunt You Down〉同我哋過去MIRROR其他MV係有啲唔同，當中會有好多CG後期製作，同埋係我哋團歌MV裡面有邀請其他動作演員一齊演出，所以呢個MV絕對值得期待。」就如Tiger所講，多位成員都被安排動作場面，一同變成動作演員，其中要批踭的Frankie道：「MV裡面有動作成分，好似返去拍攝《12怪盜》。」Jer則要站於高處擺甫士，他笑言：「對於克服咗畏高嘅我嚟講，係一啲都唔害怕，少少高，但OK，高啲都仲得呀！其實有一個護住我嘅朋友喺度，所以有啲搖晃，如果冇搖晃，正常係唔會害怕。」AK與Alton聯手的一幕是以壘球棒擊退敵人，AK道：「第一次玩壘球棍係幾過癮，我哋兩個做嘅tricks，Alton嗰個係難啲，同埋我哋好似跳舞記steps咁記，有少少著數，但點都要練，要練點樣好睇啲。」Alton則自爆：「以前有掂過普通直棍，但壘球棍係第一次試玩tricks，未roll機前都試咗好多次，大家好似見到roll機好似好順利好成功，但其實我roll機以外都跌咗好多次。」Stanley使用的武器則是日本武士刀，他說：「今次第一次拍嘢接觸日本刀，都幾好玩，同埋個shot都幾有型，不過始終我哋功底唔同武師出身或者動作演員，而家空閒時間都有上動作訓練堂，希望日後可以接拍嘅類型會多啲。」

Tiger

Frankie

Alton

如果大家有留意，12字在MV中其中一套服飾都有毛毛元素，這是造型師特別為今次〈Hunt You Down〉製作，眾人穿上時都互相欣賞對方的裝扮，Ian更偷偷告知：「今次套衫，全部人身上都有啲毛，有同其他成員閒聊，安排咗唔同嘅動物角色俾大家，Tiger安排咗老虎，我開頭見到自己有啲動物嘅毛，就扮狼叫，Lokman都可以做狼，因為佢都有扮狼叫。」MV中另外亦有用上3D scanning技術，再配合CG，MIRROR瞬間變成了機械人在場景內起舞，Anson Lo介紹道：「今次有3D scanning嘅科技，scan完每個人嘅樣，就可以做到唔同嘅打鬥場面，同埋一啲跳唱嘅scene，用上呢個新科技係好得意同埋好新奇，大家可以估下邊個先係真正嘅Anson Lo，邊個先係3D scanning出嚟嘅Anson Lo喇！」

呈現野性一面！

編製香港罕見曲風。

繼玩味十足的團歌《ATTENTION》後，MIRRO推出本年度第二首團歌《同往》，由張繼聰、鄭敏填詞、蘇道哲編曲及監製，以輕柔曲風配搭細膩歌詞，連結12子與鏡粉，繼續攜手追夢，沿途高低同往！

MIRRO推出本年度第二首團歌《同往》。

隊長楊樂文Lokman說：「新歌取名為《同往》，英文歌名為《Kizuna》，源自日文『絆』的意思，意指人與人之間切不斷的情感關係，無論是親情、友情還是團隊之間，這種連結超越了空間與時間。歌詞寫道『會有各自目標想去衝 得我至懂』、『似個身體 各細胞 輸與送』，正正是巧妙地將12位成員比喻為命運共同體！」

楊樂文Lokman

楊樂文Lokman

正如MIRROR成員近年各自在不同領域發光發熱，包括電影、電視、舞台劇及個人單曲等領域默默耕耘，雖然大家在「平行的跑道」上各自闖蕩，但內心始終緊密相連，互相扶持與依靠，誠如歌詞所寫一樣「痛的都會一齊痛」。《同往》的歌詞便充滿畫面，恍如MIRROR出道以來的成長印記，歌詞中由最初「練戲 練舞 練過 怎麼說唱」的青澀，到經歷「受挫 為過 犯錯 飽經抱恙」的傷痛，但MIRROR 12位成員依然選擇『肩碰上肩 互相撐上』，繼續並肩努力追夢！」

陳卓賢Ian續說歌曲中段的副歌與和音部分更是驚喜：「以『十二種方式 編了角色』、『十二顆星體都各散於暗黑中』及『十二星座繁星照遍太空』等排比歌詞，溫柔而堅定地宣告縱使未來前路或會分岔，甚至在星海中幾經失重，只要12顆星體再度凝聚，便能抵抗黑洞，跨越最闊的星海！」

陳卓賢Ian

陳卓賢Ian

為了配合《同往》的主題，MIRROR藉著拍MV當日結伴「同往」一日Camping之旅，12子齊齊跟陽光玩遊戲，談天說地，在好兄弟陪伴下展現最真摯的笑容！呂爵安Edan說：「MV專誠以郊遊露營為主題，大家一起玩樂、一起準備營火派對，過程相當愉快，同時提醒大家要珍惜當下！回望過去的高低起伏，無論是瘋癲壯舉與憂鬱堡壘，未來的事雖然沒有人能預知，但最重要是『沿途高低同往』，感激生命中可以擁有這段共同成長的旅程，回憶滿滿！」

呂爵安Edan

呂爵安Edan

談到MIRROR成軍8年的珍貴專屬回憶，12子侃侃而談，「忙內」邱傲然Tiger直言最難忘是出道記者會：「第一日出道在商場舉行的簽唱會最深刻，那張照片紀錄了大家跳完舞的End Pose，相當經典，大家當時充滿熱誠，跳得十分投入，這個畫面銘記在我心中！」王智德Alton則憶起剛出道時的蝦碌趣事：「有一次我們到澳門為周年晚宴表演，那次無論在安排上、行程上，以至現場氣氛，都有一種無法控制的感覺，有點混亂，就算現在回想起，大家也不知道當時自己在做甚麼，但最後依然能同心合力完成工作！」

邱傲然Tiger

邱傲然Tiger

王智德Alton

王智德Alton

至於江爗生AK、姜濤、盧瀚霆Anson Lo與柳應廷Jer同樣難忘拍攝團綜的點滴，令平時各有各忙的12子可以聚首一堂，盡訴心中情！姜濤說：「最記得大家一起到梅窩拍攝《調教你MIRROR》時，我們都對團隊前路比較迷惘，經此一役之後，大家準備演唱會的狀態截然不同，更加眾志成城，有齊心想做好一件事的感覺，同時亦化解了MIRROR之間的誤會與不快。」

姜濤

姜濤

Anson Lo認為12子遠赴澳洲拍攝5周年團綜《MIRROR Time》是最珍貴的時光：「隨著入行時間越來越長，大家的工作領域開始不同，較少機會一起工作，所以更加珍惜12個一起去旅行，寓工作於娛樂的機會。記得在澳洲拍攝時，除了玩遊戲外，大家可以有時間傾心事與談近況，這些互相分享的時刻是MIRROR中最珍貴的。」

盧瀚霆Anson Lo

盧瀚霆Anson Lo

Jer續說與隊友登上熱氣球的感動至今仍然震撼：「其實登上熱氣球之前，我們與工作人員齊齊參觀內部，之後才跟一班兄弟坐上去，跟大家一起看到世界之大、大自然之美，印象深刻，也是我經常回味的畫面。」AK則最難忘塔斯曼尼亞團綜夜：「收工後與隊友行返營地，齊齊抬頭看見美麗的銀河，大家一起拿出手機拍照，一起去創造那份集體回憶非常美好。」這份兄弟同行的珍貴瞬間，正呼應新歌《同往》「沿途高低同往」的精神。

柳應廷Jer

柳應廷Jer

江爗生AK

江爗生AK

陳瑞輝Frankie、邱士縉Stanley與李駿傑Jeremy異口同聲指MIRROR演唱會是心目中的「魔幻時刻」，Frankie說：「每次開騷之前，我們都會在台底圍成一圈高呼『Good Show』，嗌完便有『披甲上陣』，大家同一陣線要上台『殺敵』的感覺，每次都令我有莫名的感動！」Stanley亦享受這份「男人的浪漫」：「每次在MIRROR演唱會臨升上台的一刻，大家會互搭膊頭與擊掌，鼓勵大家做一場Good Show給觀眾欣賞，這些片段充滿回憶！」Jeremy則視第二次九展演唱會《MIRROR "ONE & ALL" LIVE 2021》為里程碑：「最記得我們12個一起登上飛船，由舞台飛向九展中間至後段的觀眾朋友，當時的感動仍歷歷在目！」

陳瑞輝Frankie

陳瑞輝Frankie

邱士縉Stanley

邱士縉Stanley

李駿傑Jeremy

李駿傑Jeremy

MIRROR最新團歌《同往》已於各大音樂平台上架，各位鏡粉好好細味歌詞，感受12子的溫柔陪伴，同時要Loop爆MV體驗「連結」的堅強力量！

觀看相關影片按連結：https://youtu.be/fcf3RsDaqes