吳君如大爆與老公陳可辛一齊唔捨得鬧個女 懷緬與劉嘉玲曾華倩年代好開心

吳君如笑稱：「真係好開心嘅年代。」

吳君如昨日（9月23日）到新城廣播接受譚玉瑛、何基佑及麥皓兒主持的節目《QK玉瑛室》訪問，宣傳新片《我談的那場戀愛》，與名導演陳可辛育有現年18歲愛女陳是知的君如，鏡頭前總給人感覺大情大性，但私下卻是名副其實的慈母，她在節目中更大爆與陳可辛捨不得責罵女兒，絕對是廿四孝父母。

吳君如接受譚玉瑛、何基佑及麥皓兒《QK玉瑛室》訪問宣傳新片。

君如於2006年41歲高齡誕下女兒，並親力親為照顧愛女，不過她自嘲當時自己就像電影《家有囍事》的「程大嫂」，臉容枯黃兼不修邊幅，「又要餵母乳、換尿片、沖涼，又要紮起個頭，我坐完月諗住去電台開咪，但因為我係開刀，把聲笑唔到，好似有道氣洩咗咁，我就係嗰時冇笑得咁大聲，我話我要暫停，後尾搵人替班。」

為照顧女兒的君如足不出戶，情緒亦十分崩緊，直至陳可辛提議她外出走動，她才到商場睇電影，「喺屋企睇嘢咁近，個女咁細粒，去商場睇套戲，一入到戲院就頭暈。」後來君如請陪月幫忙，對方卻臨時甩底，幾經艱辛才找到第二位陪月，但對方卻從未為君如下廚煮月子餐，「我好緊張個女，佢就成日抱住我個女，平時喺出面也文也武，但我個女喺佢手上，惟有包容佢啦！」

君如大爆與老公陳可辛一齊唔捨得鬧個女！

懷緬與劉嘉玲及曾華倩年代。

君如形容自己已到生不出的階段才誕下女兒，所以錫女兒錫到燶，並十分用心作出栽培，不過君如強調自己並非怪獸家長，「我真係管接管送，但補習就唔得，啲功課愈嚟愈深，啲傳媒話我用好多錢栽培個女，其實唔係你哋想像咁，都係正常帶佢去返學，最多帶佢上BB班，冇乜管佢，佢唔鍾意畫畫咪唔好畫，唔練鋼琴咪唔好練，交到功課咪得囉，我係陪伴佢，同佢傾偈嘅阿媽。」

吳君如、譚玉瑛

問君如在教育女兒方面跟陳可辛可有意見不合？君如爆料謂：「佢梗係唔捨得鬧個女啦，我大部份時間都唔捨得，但好過份時就會鬧佢，鬧到七情上面，鬧到我自己先喊，咁佢就記得呢場戲喇！」

另外，譚玉瑛憶述昔日與君如好姊妹曾華倩主持兒童節目，某天君如前來接華倩放工，在巴士站聽到兩人的笑聲，「佢兩個笑聲嘈到呢，完全好似大地在我腳下，亦唔知會騷擾到人。仲有，劉嘉玲同妳一齊又係咁，佢同華倩平時唔係咁笑，同妳一齊真係有影響。」君如笑稱：「妳唔係第一個人講，嗰日鄭裕玲都係咁講，話見到我哋成班女仔嘈到呢，真係好開心嘅年代。」

左起：何基佑、吳君如、譚玉瑛、麥皓兒

詳細節目內容，請留意9月23日，3-4時，新城知訊台《QK玉瑛室》節目，網址：https://www.metroradio.com.hk/MetroInfo/

視后佘詩曼（阿佘）向來人緣極好，相識滿天下，與金像影后吳君如、MIRROR成員Edan（呂爵安）及ERROR成員肥仔（梁業）更是圈中著名的「雀友」，不時相約決戰「四方城」！近日，眾人又齊聚展開激烈的麻雀大戰！

佘詩曼

佘詩曼不時與吳君如、MIRROR及ERROR成員相約打麻雀。

不過好似成日輸......

佘詩曼在IG晒出與吳君如、Edan、肥仔、阿Dee（何啟華）及楊偲泳的合照，並幽默寫道：「見到呢個組合，應該知我哋又開戰喇～」她更自爆被佘媽媽取笑是去「進貢」給肥仔，「我同媽咪FaceTime，佢問我：『你今日去邊呀？』我話同肥仔佢哋打牌囉。媽咪話：『嘩，又去進貢俾肥仔呀！』我信心滿滿咁答佢：『放心，我feel到今日會贏！』阿媽話：『有信心都係好嘅。但係你邊夠人打吖。』（一盤冷水淋過嚟！嗰團火都熄熄哋…）」

 這場「視后VS頂流」的麻雀局激戰到凌晨三點，翌日佘媽媽關心戰果時，佘詩曼無奈承認自己「輸到PK」，「前所未有輸咁多（$xxxx）！跟住佢就話：『吖～嗰個肥仔點解咁勁嘅呢？唉，你唔好再同佢打喇！』我話：『唔緊要啦，當交吓學費囉，名師出高徒吖嘛！』」

佘詩曼IG圖片

雖然輸錢，但佘詩曼都收穫了滿滿的感動，將於5月28日踏入51歲生日的她透露打牌打到一半時，Edan、肥仔和阿Dee突然集體藉口說去洗手間，而且「消失」了很久，「突然間聽到君如哈哈聲大笑，原來準備咗兩個蛋糕！雖然我輸咗金錢，但係贏咗友誼，多謝大家！」