下星期就係國慶喇，近日，有750 名青少年制服團隊及中小學生喺金紫荊廣場參與升旗禮，共同見證國旗區旗喺國歌聲中冉冉升起。
升旗禮現場。
為慶祝中華人民共和國成立75周年，民青局、公民教育委員會同香港各界青少年活動委員會早前舉辦咗呢一場升旗禮。
升旗禮嘉賓合影。
今年共有18隊⻘少年制服團隊參加升旗活動，超過2000位團員接受解放軍駐港部隊安排嘅中式隊列訓練。其中有6名來自⾹港⻘少年軍總會及⺠眾安全服務隊少年團團員從旗⼿選拔賽中脫穎⽽出，擔任「國慶旗⼿」。
另外，今次升旗禮亦重新加⼊護旗隊，藉此凸顯⻘少年同國家嘅連繫。
無論係制服團體嘅青年，抑或係參與嘅學生，都話升旗禮有助培養⻘年嘅愛國情懷以及對國家⺠族嘅責任感。而國旗升起一刻，更加係感到無比自豪。
鄧同學話，當國旗升起時，自己心中想「我們的祖國真是很繁榮昌盛」。
受訪的鄧同學表示，在學校有參與升旗隊訓練，希望可以視國旗、區旗旗手為榜樣，一步步跟隨著他們的標準，去練好屬於自己學校的升旗隊。
見到國旗區旗升起，有同學認識到儀式嘅重要性，認為升旗禮代表中國的強大及興盛。
來自民安隊少年團的區旗旗手楊同學、徐同學、黃同學（從左到右）。
當肩負著國旗和區旗前進，有擔任區旗旗手的同學覺得責任重大而有些緊張。亦有同學表示非常欣賞其他制服團體的同學，大家都不懼艱苦，一起訓練及綵排。仲有同學話，參與呢個典禮，會有一種同祖國一齊成長嘅感覺，希望祖國越來越強大。
來自香港青少年軍國旗護衛隊的國旗旗手馮同學、鍾同學、盧同學（從左到右）。
擔任國旗旗手的馮同學，將可以踏上金紫荊的旗台嘅機會當作係無上的榮譽和嘉獎。她認為，升旗禮是非常莊重的儀式，可加強青少年對國家及自己國民身份的認同。
鍾同學話，通過在訓練當中互相了解，更加理解自己需要改進的地方，大家互相鼓勵互相支持，做得更好。
另一名盧同學就話，會將使命轉化成動力，促使自己做得更好。當兩枝旗同時升起，會覺得是內地同香港兩地的融合，關係也在進升。
香港各界青少年活動委員會執行主席莊家彬話，國旗、國歌是青年人乃至所有國民對國民身份認同的象徵，香港的青年朋友應該多參與類似今次的活動。
公民教育委員會主席蔡德昇表示，今次活動讓香港青年有機會向大家展示愛國情懷，亦培養他們的民族自豪感。
宜家即刻去片，睇吓當日嘅盛況同聽聽佢哋嘅分享啦！
Sebastian
** 博客文章文責自負,不代表本公司立場 **
