女子疑追巴士突衝馬路險被撞 司機急煞車怒斥： 有咩重要得過條命仔！

不時都有市民為了追巴士而險象橫生，日前就有巴士司機上傳有女士為追巴士險被撞的影片，呼籲大家「車還追車，都要睇車架，有咩仲（重）要得過條命仔，生命無take 2」。

FB影片截圖

女子疑顧追巴士突衝出馬路

該名司機將日前一段車CAM影片上傳至Facebook群組，片中地點為彩虹巴士總站，樓主當時正駕駛一架巴士準備離開，當近駛出總站時，突然有名女子衝出馬路，懷疑她因太心急想追另一駕巴士，而不顧駛近的車輛。

FB影片截圖

樓主及時煞車嚇親爆粗

當時樓主察覺有人衝出馬路，即響咹警示，名女子或因受到驚嚇亦發出尖叫聲，幸好樓主及時煞停，始沒有發生意外。不過樓主或亦因女子突然其來的舉止嚇倒而爆粗，他怒罵「X你老X，真係黐線」隨後便駛走。

FB影片截圖

網民：成日見啲人用生命去追車

片段即引來網民的熱議，大家都批評女子魯莽的行為是害人害己，「嚇死人」、「巴士站真係十面埋伏」、「最X憎啲亂X咁衝馬路嘅人！」、「累X死司機」、「出事咪話司機唔留意環境」、「我都試過，快多1秒都車死個人，呢啲係無得避」、「成日見啲人用生命去追車，趕唔到咪坐下架囉，又唔係尾班車」。

FB影片截圖

有人質疑樓主開車太快

不過亦有網民覺得樓主的車仍在巴士總站範圍內，車速不應太快，「慢鏡都覺得你揸得快呀！」、「你自己小心啲揸慢啲好過啦，你撞埋去都係你錯㗎咋，唔好賴人」。

疫情過後，香港餐飲業及零售業仍然一片慘淡，現時港人適逢假日都喜歡北上，餐廳店舖老闆都各出其謀，希望可以令港人留港消費。近日，有網民就發現荃灣某間茶餐廳出一奇招吸客，網民都大讚老闆好有諗頭！

網上圖片

吃5次早餐送1份晚餐

有網民在社交平台貼文分享，指在荃灣一間茶餐廳推出「吃早餐送晚餐」的優惠，只要顧客在早餐時段光臨類計惠顧5份早餐，就可免費享用晚餐一份！

網上圖片

晚餐款式豐富可以7選1

顧客每次享用早餐時，餐廳都會派發一張印有「恭喜發財 新知味仝仁鞠躬」的紅色小卡片，只要集齊5張，便可以在招貼中的7款晚餐中任揀一款免費享用，而且所享用的晚餐款式都相當豐富，如有豉汁蒸鱠魚飯、豉汁或梅菜蒸鯇魚飯、鹹魚或鹹蛋蒸肉餅飯、豉汁蒸排骨飯、肉碎或蝦仁蒸水蛋飯等，有魚又有肉任君選擇。

網上圖片

老闆：亦為感謝一直支持的街坊

而由相中見到的餐廳推廣招貼中印有「感恩回饋」四字，有指茶餐廳老闆之所以推出此活動，不單是為了吸引多些客人幫襯，也希望可以感謝一直支持餐廳的街坊。不少網民大讚「變則通，老闆好嘢！」、「有頭腦」、「好過坐以待斃」，「市道唔好諗下招式吸引客人，先唔講佢而家咁樣會唔會多咗客，淨係啲人幫佢宣傳都好好」。

示意圖。《月滿軒尼詩》劇照