有網民在香港討論區以「我老友移咗民英國3年，今日終於返來！」為題發文，指朋友賣了自住樓，帶着300萬一家大細移英，3年後已使剩幾十萬，無法維生，唯有回港！
資料圖片
朋友使剩咁多恐頂唔到六年
樓主分享朋友的移民故事，指其朋友賣了自住樓，帶着300萬一家大細移民英國，可是3年後已花剩幾十萬，朋友擔心難以維持生計「使咗2球（200萬元）頂唔順，計過條數頂唔到六年（BNO英國「5+1」方案」），不如盡快回流，仲有一線生機！」，於是決定回流香港重新開始。
英國約克城。 資料圖片
樓主：簡直是現代香港人的悲歌！
樓主表示朋友回到香港後，一切要從頭來過，要找地方住，又要找工作，打算一切安頓好後，再接因英的妻女回港。他不禁嘆「做男人真痛苦！勞心勞力……錢又使光敗走，返來屋又無，以前份人工又搵唔返……簡直是現代香港人的悲歌！真係唔知佢點樣過到呢關」。
英國倫敦。 AP資料圖片
網民指租樓唔難 搵工先大問題
帖文引來大批網民熱議，大部份人都覺得回流無問題「覺得唔啱就返」、「聽周圍親戚朋友講返，由台灣／英國回流係多咗」。也有網民指出「租樓都未必大問題，搵工先大問題」、「3球3年洗剩幾十萬，即係平均一個月使咗6、7皮（6至7萬），都好大使喎」。
示意圖
網友質疑：3年都冇搵過錢？
不過亦有網民質疑樓主的分享，「去到無嘢做嘅咩？3年都冇搵過錢？唔信！」、「我識有十幾個家庭過了英國，到現在仲未有1個移英的朋友回流」。
近日有清潔公司管理層在Threads發帖，分享一次「微服出巡」的遭遇。話說他日前親自駕駛垃圾車到公屋收集廢物，其間一名婦人當住佢面，手指指對住小朋友大聲訓話：「畀心機讀書，如果唔係就會好似佢咁，要倒垃圾又賺唔到錢。」
近日有清潔公司管理層在Threads發帖，分享一次「微服出巡」的遭遇。Threads截圖
事主隨後在帖文公開真正身份，原來他不單止「讀過書」，更是公司部門主管，手下管理超過一百部垃圾車。他平時「開跑車返工放工，住私人樓宇，已經供斷」。當日只因有同事臨時有事，他想幫輕下屬先親自頂替出車，點知一番好意竟被當成「反面教材」。
當日只因有同事臨時有事，老細想幫輕下屬先親自頂替出車，點知一番好意竟被當成「反面教材」。AI生成圖
帖文一出隨即引來大批網民熱議，事主亦在留言區爆料行業內幕。他直言現時「垃圾行業出現斷層，個個就快退休，冇年輕人入行」，但其實只要「識基本文字，個人正常少少，唔怕蝕底去做去學，好快就可以升上管理層」。
有網民附和指，這行絕對唔係外界想像中咁低人工，更分享曾見過一名駕駛垃圾車的大叔，「扭軚入嚟嗰陣戴住隻地通拿」，直言香港雖然細但世界好大，勸大家唔好做井底之蛙。事主更透露，駕駛吸渠車等厭惡性工種，極少公開招聘，可見行內臥虎藏龍。
當日只因有同事臨時有事，老細想幫輕下屬先親自頂替出車，點知一番好意竟被當成「反面教材」。AI生成圖
帖文亦引來不少來自各行各業的網民大吐苦水。一名自稱退休的空中服務員分享，當年經常聽到有媽媽對子女說：「畀心機讀書，如果唔係就會好似佢咁，要喺飛機上面派餐。」他笑言自己收埋多年的「完美對白」一直未有機會用：「記得要聽媽咪話畀心機讀書，將來搵到錢帶仔女搭飛機，可以試吓坐我哋嘅商務艙。」
有網民狠批該名母親的行為，直斥「就算你唔係負責人，班免費享用緊納稅人津貼嘅公屋居民，當面去羞辱努力工作嘅人都幾可笑」。亦有網民指出，在人工智能年代，文職隨時被AI取代，反而勞動階層才是無法被替代。
不過網絡世界向來意見紛紜，部分網民對事主的回應不太認同，質疑他若果真係財務自由，根本無需介意一個路人的閒言閒語，直指他「玻璃心」及「自卑」。
在人工智能年代，文職隨時被AI取代，反而勞動階層才是無法被替代。資料圖片
但同時亦有網民替事主的前線員工感到不值，指出員工平日就是這樣被無禮對待，認為社會應該多一點同理心：「冇咗你哋成個社會會好麻煩，我哋應該心存感激對待每一個工作嘅清潔叔叔同姨姨。」
