有網民分享，指落雨等小巴時，有男子冒雨站在站頭等車，其他人則到簷篷下排隊。然而小巴到站時，所有人都斥責該名男子未有排隊，更有人阻他上車。「英雄」舉動雖獲在場乘客支持，但惹來網民一面倒批評。
示意圖
冒雨等車但被批無排隊
有屯門街坊在一個地區群組發帖指，早前在屯順街一個專綫小巴站等車時，與其他乘客一同站在屯門市廣場簷篷下輪候。其間一名男子如常站在小巴站牌前冒雨開遮等車。小巴到站時，簷篷下的隊伍遂上前登車，但批評冒雨候車的男子未有排隊。
FB圖片
「眾人勸都唔聽」 阻止男子上車「好正義」
該名街坊指「個男人唔排隊行埋站牌話自己排緊隊」，又形容男子「眾人勸都唔聽，話我係排緊」，更大讚阻止男子上車的女子行為「好正義」，句未一個「大拇指」表情透露出帖主是真的讚揚該女子見義勇為的行動。
FB截圖
網民卻指：成班自私精霸凌緊佢一個男人
不過，帖文被群組網民一面倒反駁，紛紛留言冒雨等車的男人：「人地果啲先係排隊」、「人地係站頭排隊就話冇排」、「站頭係果度，你地避雨排左入去，係你地問題」、「有問題嗰個好似係你喎，仲話唔畀人上車個女人正義添，服左你既歪理」、「人哋捱住落雨排正站頭反而唔畀上車，宜家係你哋避雨咋喎，乜×嘢道理」、「淨係見到你哋成班自私精霸凌緊佢一個男人。」
示意圖
人多不代表正確 避雨不等於排隊
有人就指出人多不代表正確，「你地只係避雨唔係排隊，夾埋話個男人，人多唔代表你地岩囉，依家仲要影相放上黎，搏乜野？」、「有啲人又要想打尖又唔敢插隊就自己新增條隊」、「驚俾人X所以咪投匿名囉！」。
有派遞員將送貨上門服務變成類似打保齡球的動作，連多走兩步都不願意，直接在走廊外以遠距離拋擲方式將包裹扔向單位門口，之後便輕鬆拍照完成交差。這段天眼監控短片近日在網上流傳，引起廣泛討論。
影片記錄重複相同動作
樓主近日在社交平台Threads轉載一段短片。影片分別拍攝於4月5日及4月7日，相信是同一名派遞員，先後穿著白衣與黑衣，在同一單位走廊外做出幾乎完全相同的拋擲動作。他每次都帶助跑借力，以打保齡球般的方式將包裹遠遠拋出，目送包裹滾動到門口後，便從容拍照交差。
他每次都帶助跑借力，以打保齡球般的方式將包裹遠遠拋出。Threads截圖
網民強烈批評不專業
目送包裹滾動到門口後，便從容拍照交差。Threads截圖
許多網民看到影片後紛紛表達不滿，批評該派遞員既不專業又不負責任。有人直言「明明可以好好放低」、「行多幾步都唔願意，不如唔好做」、「做到咁，不如唔好做啦。嫌少錢，大家唔好做，無人接個價自然會正常。你又要做又要掉，唔爭嗰兩步路啦，呢啲人唔好網購嘢，你點對人，人點對你」。
網民分享自身類似遭遇
部分網民分享親身經歷，表示「我都試過，座頭通知有件，叫佢放門口就可以，我當時喺屋内，之後聽到佢好大力掉件貨落地，我即刻開門睇，佢嚇到即刻跑後樓梯走（佢可能以為屋内無人）」。
拋擲精準度意外成焦點
雖然這種做法令人反感，但該派遞員精準的拋擲動作卻意外引起網民關注。有人幽默留言「又幾Ｘ準喎」、「日日練」。
雖然這種做法令人反感，但該派遞員精準的拋擲動作卻意外引起網民關注。Threads截圖
更有網民戲稱「香港保齡球代表啊？」、「佢某程度上嚟講都係一個保齡球手」、「玩開保齡」、「碌齡咁款，又幾準下」，甚至建議「下次擺兩個保齡球樽俾佢玩吓」。
部分網民態度較為開放
也有網民看得較為開明，表示物流過程中難免會有拋擲情況，「你影唔到嗰啲位，佢哋已經掉咗好多次」、「正常呀你啲貨去到邊度都係咁樣」、「其實物流一定係咁做，件貨爛咗最多公司賠錢，但行少一步就自己賺到一步」。
也有網民看得較為開明，表示物流過程中難免會有拋擲情況。Threads截圖
更有網民建議「唔想被人掉你啲咪自取，自己掉點都爽啲」，並表示「所以我唔會揀送貨上門，除非好重又大件」。
