孖鼓手Nate首場演出除衫鬥腹肌 主音Van與觀眾互放紙飛機被擲中浪漫幻想破滅

「NOWHERE BOYS《US》LIVE 2024」首場演出圓滿結束！

寰亞樂隊Nowhere Boys一連三場「NOWHERE BOYS《US》LIVE 2024」，昨晚（10月4日）在西九文化區大盒舉行第一場演出，全場爆滿。好友陳柏宇、小肥和黃妍、廿四味成員阿肥、HotCha成員Regen，以及寰亞小師弟洪端珙等捧場。觀眾反應熱烈，揮動燈牌、應援毛巾等台下又唱又跳，主音Van和鼓手Nate更興奮到除衫，大騷六舊腹肌，全場尖叫。

「NOWHERE BOYS《US》LIVE 2024」昨晚在西九文化區大盒舉行第一場演出。

好友陳柏宇、小肥和黃妍到場支持。

出道九年，Nowhere Boys舉行過不同形式演唱會，今次加入演戲元素，每位成員都有一個角色設定，穿梭台下席觀眾之中演戲，讓每首歌都更有連貫性。Van預告三場演唱會不同歌單，以滿足歌迷網上點唱要求，笑言許願池顯靈。

Van預告三場演唱會不同歌單。

昨晚開場嘉賓女團Beanies成員Kay表演後，Nowhere Boys正式登場，以《我們的航海時代》、《掹藤》、《信之卷》和《我們的移動城堡》為演唱會揭開序幕。他們除了唱歌更大騷音樂造詣，成員「漁佬」拉小提琴、鋼琴、口琴、三角鈴、低音結他、打鼓等玩盡台上所有樂器，表演一人band，全場掌聲。騷後他們透露低音結他手Hansun亦精通多種樂器，期待他的表演。

開場嘉賓是女團Beanies成員Kay。

Nowhere Boys以《我們的航海時代》、《掹藤》、《信之卷》和《我們的移動城堡》為演唱會揭開序幕。

Nowhere Boys以《我們的航海時代》、《掹藤》、《信之卷》和《我們的移動城堡》為演唱會揭開序幕。

「漁佬」在台上表演一人band。

拉小提琴、鋼琴、口琴、三角鈴、低音結他、打鼓等玩盡台上所有樂器。

拉小提琴、鋼琴、口琴、三角鈴、低音結他、打鼓等玩盡台上所有樂器。

低音吉他手Hansun

之後唱新歌《放飛之旅》時，Nowhere Boys與觀眾互放紙飛機。事後Van笑言：「我之前幻想同觀眾一齊放紙飛機，好浪漫，點知現實好搞笑，我仲畀紙飛機篤中幾次。」結他手Ken笑說：「成個舞台都係紙飛機，原來好跣腳！」

唱新歌《放飛之旅》時，Nowhere Boys與觀眾互放紙飛機。

事後Van笑言浪漫幻想破滅。

自爆被紙飛機篤中幾次。

結他手Ken

當他們演唱《天外飛仙》和《狂想曲》時，台下觀眾又唱又跳，Van和Nate興奮除衫曬腹肌。以往只有Nate是「肌肉擔當」，如今再添一人，Van笑言希望下次加入其他成員。原來Van為今次開騷三個月狂減超過30磅，全因偶像鄭伊健一句說話：「伊健睇完我哋之前嘅演唱會影片後，佢畀我嘅意見係『減肥』，於是我應承佢，一定會做到，就喺今次演唱會兌現。」昨日伊健生日，雖然他沒有到場，但送上果籃為他們打氣，Van對果籃愛不釋手，笑言：「我食完啲生果會將啲種子攞去種，伊健將佢嘅種子交畀我。」

Van和Nate興奮除衫曬腹肌。

以往只有Nate是「肌肉擔當」，如今再添一人！

Van為今次開騷三個月狂減超過30磅。

Encore時，Nowhere Boys換上今次演唱會專屬版白色tee演唱《地球候機室》、《大步走》和《我在》，期間Van感觸落淚，其他成員亦眼濕濕。他說：「《大步走》係8年前作品，唱呢首歌時諗返Nowhere Boys每一次演出嘅點滴，望到台下觀眾，諗到佢哋陪我哋走到呢一步。其實我要對觀眾道歉，作為主音唱歌時喊會影響表演，但真係好感動。」

Encore時，Nowhere Boys換上今次演唱會專屬版白色tee。

Van感觸落淚！

首場演出圓滿結束！

寰亞樂隊Nowhere Boys（NWB）今年出道十周年，以信件為音樂企劃主題，今年第四首作品《給勝利者的一封信》MV壓軸面世，由五個小朋友組成樂隊「Super Nowhere Kids」擔任MV主角，現場布置成兒童版Nowhere Post Office，並穿上之前他們在之前的MV同款制服，玩樂器夾band有板有眼。而最尾一幕，主音Van接到小朋友的親筆信時，突然感動落淚。

Nowhere Boys今年第四首作品《給勝利者的一封信》MV由五個小朋友組成樂隊「Super Nowhere Kids」擔任MV主角。

Super Nowhere Kids

觀看相關影片按連結：https://youtu.be/tjfBtzGizJA

Van說：「我真係唔知道有收信一幕，因為之前幾個MV都係由我哋派信出去，今日竟然收信，仲要係小朋友嘅字跡。感覺好似係我哋做咗咁多嘢出去，終於有回報，嗰一剎那真係好感動！」拍攝MV前夕適逢Van生日，台前幕後唱生日歌為他慶祝，他捧蛋糕與隊友和小朋友一齊許願。他說：「剛才share咗願望畀大家，希望大家把握願望，諗清楚自己想做乜，盡力去實踐。而我每年願望都係為隊Band，今年同樣希望有好成績！」

Van

Van收到小朋友的信。

感動到眼濕濕。

小朋友更為Van送上生日蛋糕。

Van捧蛋糕與隊友和小朋友一齊許願。

Van透露原本歌名太文青，他說：「新歌有英文名先，叫《Dear Youth》，即係給年輕人、青春，如果中文名叫『致青春的一封信』，會同首歌嘅編曲唔夾，太文青。多謝填詞人兼MV導演Oscar幫我哋諗，第一封信『給失敗者』，不如呢封信『給勝利者』，比喻一班人出去闖蕩，凱旋歸來嘅感覺。」Van讚MV布景設計心思細密，說：「今日個布景似曾相識，就係我哋Nowhere Boys Post Office嘅小朋友版，美術組同事好勁，細個一定成日貼堂，加上小朋友喺地下畫咗好多圖畫，好有feel。佢哋仲有個好勁嘅名『Super Nowhere Kids』，一聽就知係勁，公司快啲簽啦！」

Nowhere Boys與Super Nowhere Kids

Nowhere Boys與Super Nowhere Kids

Nowhere Boys與Super Nowhere Kids

結他達人Ken親自傳授小朋友反手彈結他招牌動作，他說：「好開心，小小結他手真係好勁，最鍾意佢彈結他嘅時候表情同我十分相似，好肉緊。」鼓手Nate讚小小鼓手青出於藍，說：「佢只得九歲，我九歲嘅時候都未開始打鼓，佢已經好勁，我無嘢教佢，只係教佢轉鼓棍。」

Ken

Ken

Nate

Nate

琴鍵手漁佬大讚小小琴鍵手多才多藝，精通彈琴、小提琴和作曲，而且拍攝時跟key彈。被在旁Nate戲謔：「點解你平時無跟key彈？」全場爆笑。漁佬解釋：「我係一個意外！」Bass手Hansun與小小Base手同樣是超級I人，齊齊露出尷尬而不失禮貌的表情，非常有趣。至於主音Van超滿意小小主音，他說：「真係不得了，最緊要佢好靚仔！其實佢係阿Ken嘅姪仔，佢係我哋五年前《Superpowers》 MV演出，依家十一歲，仔大十八變！而且好有『傳承』嘅感覺。」

漁佬、Hansun

Nowhere Boys與Super Nowhere Kids

隨著十周年音樂企劃的壓軸作品面世，Nowhere Boys推出全新專輯《Letters of Nowhere》。Van透靈碟內有驚喜，說：「今次包裝設計好特別，整到一封信咁樣。收錄咗十幾首作品和postcards，有啲隱藏嘢要自己發掘。」Ken補充：「仲有我哋五個親筆寫嘅信，之前嚟過Nowhere Boys Post Office嘅popup store可能抽到其中一封，買專輯就有齊五封信啦！」

大合照