孖馮允謙大唱英文歌 Van@NWB回想十年前夾band初心感觸落淚

寰亞樂隊Nowhere Boys（NWB）成軍十周年，於尖沙咀The ONE L606店舖開設「給十周年的概念店」，周二（8月12日）邀請馮允謙（Jay）舉行以英文歌做主題的「Music Night With Jay x Nowhere Boys」，除了各自選唱自己的英文歌作品，作為Coldplay粉絲，他們還合作演唱偶像的《Fix You》。期間Nowhere Boys主音Van分享十年前創作《Back in Time》時，回想夾band的初心，一度感觸哽咽落淚。

Nowhere Boys邀請馮允謙舉行以英文歌做主題的「Music Night With Jay x Nowhere Boys」。

Nowhere Boys與Jay合作演唱，以Nowhere Boys的英文歌《The Boy Who Wouldn’t Grow Up》打頭陣，之後NWB一口氣表演《4,3,2.5》和《Castle in the Sky》。而Jay結他自彈自唱《She Don't Love Me Anymore》、Rock版《Close to the Edge》，還有在疫情被困期間創作，節奏輕快歌詞有趣的《Freakin’ Nightmare》英文Demo版，加上Nowhere Boys注入新元素的live版，令人耳目一新。

Nowhere Boys與Jay以Nowhere Boys的英文歌打頭陣。

Jay說：「好開心Nowhere Boys加強咗Bossa Nova（融合巴西森巴舞曲和美國酷派爵士樂的音樂風格）元素，令原有嘅味道再重啲，呢個版本好特別。」Van說：「因為場地所限，我哋冇program，亦冇好重型嘅音響，只有比較輕巧嘅setup，所以要諗咗呢個方式演繹首歌，帶出新鮮感。」

馮允謙Jay

最令Jay驚喜是其新歌《Close to the Edge》被NWB改編成Rock版，Van笑說：「Jay指示好清晰，佢話要有Coldplay感覺，OK，一講就明！」他們都是Coldplay歌迷，早前更同場追星睇演唱會，雖然相隔幾行座位，但當台上唱《Fix You》時，他們興奮得隔空Hi Five又大合唱，所以今次選唱這歌作為音樂會壓軸表演。

合作演唱偶像Coldplay的《Fix You》。

Van唱出十年前他作曲填詞的英文歌《Back in Time》後，述說當年受到電影《THE BUTTERFLY EFFECT》（連鎖蝶變）啟發，而組成以Cinematic Rock（電影式搖滾）樂隊的Nowhere Boys，感觸哽咽。之後Van說：「點解我咁感觸？因為今晚玩嘅歌令我諗返起最初夾band時所追求嗰種聲音，同埋當年各種畫面，遺忘咗一段時間。剛才喺冇program ，純粹用手上嘅樂器表演，加上現場氣氛，令我好感動。」Jay問幾耐冇彈這歌？Van表示有五年以上。鼓手Nate說：「諗返我哋第一次上台表演，喺AIA嘉年華，有個大舞台，設備和音響都好勁，踩個bass drum好響。我第一次經歷就係彈呢幾首歌，所以今日再彈，好開心！」

Van唱出十年前他作曲填詞的英文歌《Back in Time》。

回想夾band的初心，Van一度感觸哽咽落淚。

台上Jay一時興奮，爆料下場一Nowhere Boys音樂會嘉賓是陳健安，全場爆笑。問到如果Nowhere Boys與Jay聯手創作一首英文歌會是甚麼風格？Jay說：「我有幻想過，你哋啲歌好多風格都好正，有Folk（民謠）、Country（鄉村）、Blues（藍調），我曾經好想做呢啲歌。（Van：你想做牛仔？）唔一定，但香港真係好少呢種風格。」Van表示較接近前輩區端強的曲風。Jay又即席試哼Nowhere Boys粵曲風格前奏的《天外飛仙》，被讚有潛質加入成為樂隊第六人。

馮允謙Jay

Jay意外爆料下場一Nowhere Boys音樂會嘉賓是陳健安。

全場大合照

寰亞音樂五人樂隊Nowhere Boys出道十周年，首次跳出band房，日前在旺角舉行「MOKO x NOWHERE BOYS《Letters of Nowhere》簽唱會」，逾百歌迷捧場，大排長龍。五子表示好夢幻，沒想過Band仔在商場辦簽唱會，他們逐一與歌迷握手和在專輯上親筆簽名，並由主音Van的太太、西洋書法家Wendy題字寫上款，讓專輯更具紀念價值。

Nowhere Boys日前在旺角舉行「MOKO x NOWHERE BOYS《Letters of Nowhere》簽唱會」。

台上主持人問Nowhere Boys去年難忘事，結他手Ken說：「最難忘新專輯內好多歌都喺『二樓後座』錄音。」Van解說這是香港殿堂級樂隊Beyond以前的band房，如今已變成錄音室，是一個充滿傳奇和搖滾的地方，希望在市區重建，清拆前爭取機會在「二樓後座」錄歌。琴鍵手漁佬台上爆料，本月30日Nowhere Boys在中環舉行音樂會，將配合專輯四首以信件為題的作品，分為四個章節演出，立即被Van制止繼續劇透。

Nowhere Boys

Nowhere Boys

除了簽和唱，Nowhere Boys更與歌迷玩了兩個遊戲。為配合新專輯以信件做主題，第一個遊戲由歌迷寫信反鼓勵Nowhere Boys，有文字有圖畫，令他們好感動。第二個遊戲由Nowhere Boys做動作讓歌迷估歌名，場面非常搞笑。

與歌迷玩了兩個遊戲

與歌迷玩了兩個遊戲

Nowhere Boys更打破簽唱會慣例，臨時加入encore環節。Ken笑說：「Band騷梗係有encore！」原定演唱《給失敗者的一封信》及《給勝利者的一封信》兩首歌，他們笑言與觀眾都很任性，成功爭取即興多演唱《給夢想家的一封信》。台上Van說：「呢首歌啟發自歌迷，其實追星係雙向嘅感動。我哋由細到大聽好多唔同嘅音樂，我哋嘅Rock Hero俾咗好多能量我哋，因為佢哋實現咗佢哋嘅夢想，成為咗我哋嘅夢想家，我哋都希望Nowhere Boys將搖滾嘅精神傳承落去。」

Nowhere Boys

Nowhere Boys

簽唱會結束後，Van興奮地說：「真係估都估唔到，我哋會喺商場搞簽名會，仲簽咗兩個鐘！」結他手Ken表示踏入MOKO新世紀廣場回憶湧現，他說：「好多回憶，以前呢度有一間結他舖，我成日去㗎！」鼓手Nate說：「我成日嚟行街食嘢，因為我係鄰居（街坊），好開心今日代表太子嘅居民嚟表演，平時我踢拖嚟，今日著到好整齊。」

為歌迷簽名、合照。

為歌迷簽名、合照。

為歌迷簽名、合照。

為歌迷簽名、合照。

Van說：「平時完騷留低同歌迷影相傾偈都係一班人，今日有機會同佢哋逐個相處，例如有歌迷同我講《地球候機室》會喺咩時候幫咗佢。而最開心係聽到佢哋話買咗飛睇我哋30號喺中環嘅音樂會。」他又讚太太勞苦功高，即場為每張專輯寫上款，要請她食大餐慰勞。他說：「如果由我哋寫，只有我哋睇得明，為咗尊重歌迷，一家要寫得好好睇睇。」在太太面前摸了很多女歌迷的手，Van立即解釋：「我都摸咗好多男歌迷嘅手，我哋好想緊握每位歌迷嘅手，多謝佢哋俾咗好多能量我哋。」

主音Van的太太、西洋書法家Wendy為歌迷題字寫上款。

主音Van的太太、西洋書法家Wendy為歌迷題字寫上款。

大合照