NWB《給勝利者的一封信》「童裝」MV壓軸面世 壽星主音Van收小孩樂隊信感動眼濕濕

寰亞樂隊Nowhere Boys（NWB）今年出道十周年，以信件為音樂企劃主題，今年第四首作品《給勝利者的一封信》MV壓軸面世，由五個小朋友組成樂隊「Super Nowhere Kids」擔任MV主角，現場布置成兒童版Nowhere Post Office，並穿上之前他們在之前的MV同款制服，玩樂器夾band有板有眼。而最尾一幕，主音Van接到小朋友的親筆信時，突然感動落淚。

Nowhere Boys今年第四首作品《給勝利者的一封信》MV由五個小朋友組成樂隊「Super Nowhere Kids」擔任MV主角。

Super Nowhere Kids

觀看相關影片按連結：https://youtu.be/tjfBtzGizJA

Van說：「我真係唔知道有收信一幕，因為之前幾個MV都係由我哋派信出去，今日竟然收信，仲要係小朋友嘅字跡。感覺好似係我哋做咗咁多嘢出去，終於有回報，嗰一剎那真係好感動！」拍攝MV前夕適逢Van生日，台前幕後唱生日歌為他慶祝，他捧蛋糕與隊友和小朋友一齊許願。他說：「剛才share咗願望畀大家，希望大家把握願望，諗清楚自己想做乜，盡力去實踐。而我每年願望都係為隊Band，今年同樣希望有好成績！」

Van

Van收到小朋友的信。

感動到眼濕濕。

小朋友更為Van送上生日蛋糕。

Van捧蛋糕與隊友和小朋友一齊許願。

Van透露原本歌名太文青，他說：「新歌有英文名先，叫《Dear Youth》，即係給年輕人、青春，如果中文名叫『致青春的一封信』，會同首歌嘅編曲唔夾，太文青。多謝填詞人兼MV導演Oscar幫我哋諗，第一封信『給失敗者』，不如呢封信『給勝利者』，比喻一班人出去闖蕩，凱旋歸來嘅感覺。」Van讚MV布景設計心思細密，說：「今日個布景似曾相識，就係我哋Nowhere Boys Post Office嘅小朋友版，美術組同事好勁，細個一定成日貼堂，加上小朋友喺地下畫咗好多圖畫，好有feel。佢哋仲有個好勁嘅名『Super Nowhere Kids』，一聽就知係勁，公司快啲簽啦！」

Nowhere Boys與Super Nowhere Kids

Nowhere Boys與Super Nowhere Kids

Nowhere Boys與Super Nowhere Kids

結他達人Ken親自傳授小朋友反手彈結他招牌動作，他說：「好開心，小小結他手真係好勁，最鍾意佢彈結他嘅時候表情同我十分相似，好肉緊。」鼓手Nate讚小小鼓手青出於藍，說：「佢只得九歲，我九歲嘅時候都未開始打鼓，佢已經好勁，我無嘢教佢，只係教佢轉鼓棍。」

Ken

Ken

Nate

Nate

琴鍵手漁佬大讚小小琴鍵手多才多藝，精通彈琴、小提琴和作曲，而且拍攝時跟key彈。被在旁Nate戲謔：「點解你平時無跟key彈？」全場爆笑。漁佬解釋：「我係一個意外！」Bass手Hansun與小小Base手同樣是超級I人，齊齊露出尷尬而不失禮貌的表情，非常有趣。至於主音Van超滿意小小主音，他說：「真係不得了，最緊要佢好靚仔！其實佢係阿Ken嘅姪仔，佢係我哋五年前《Superpowers》 MV演出，依家十一歲，仔大十八變！而且好有『傳承』嘅感覺。」

漁佬、Hansun

Nowhere Boys與Super Nowhere Kids

隨著十周年音樂企劃的壓軸作品面世，Nowhere Boys推出全新專輯《Letters of Nowhere》。Van透靈碟內有驚喜，說：「今次包裝設計好特別，整到一封信咁樣。收錄咗十幾首作品和postcards，有啲隱藏嘢要自己發掘。」Ken補充：「仲有我哋五個親筆寫嘅信，之前嚟過Nowhere Boys Post Office嘅popup store可能抽到其中一封，買專輯就有齊五封信啦！」

大合照

寰亞樂隊Nowhere Boys（NWB）成員來自不同成長背景，但他們同樣深受香港Band壇傳奇Beyond的影響。Beyond專屬錄音室，位於旺角花墟的「二樓後座」，因市區重建歲月無聲地面臨清拆，緣份讓Nowhere Boys 一次偶然，用已故Beyond靈魂人物黃家駒最愛的木結他「小妖」創作了一首歌，在錄音室停止運作前順利完成錄音。《二樓後續》MV紀錄了「二樓後座」每個曾經有著Beyond與Nowhere Boys不同時空交錯的逝去日子，同時延續Beyond的光輝歲月！

Nowhere Boys新歌《二樓後續》MV紀錄了「二樓後座」每個曾經有著Beyond與Nowhere Boys不同時空交錯的逝去日子。

黃家駒最愛的木結他「小妖」。

Nowhere Boys作為Beyond的忠粉，身處偶像專屬錄音室「二樓後座」，創作新歌《二樓後續》及錄音，心情如赤血熱血般興奮與期待。結他手Ken說：「呢度係『二樓後座』，呢支木結他叫『小妖』，係黃家駒生前用嘅結他，我無親眼見但睇相見過佢玩，佢話『得閒就彈，唔得閒都會彈』。」結他藏於「二樓後座」，可以讓音樂人使用。Ken說：「有一次我好得閒，所以就攞嚟彈，之後Van話啲Rhythm可以用到，不如我哋試吓用。」

結他手Ken

拍攝花絮

Van憶述：「聽到Ken彈我已經諗到啲旋律，所以即刻用電話錄低咗用呢支結他彈嘅嘢。呢首歌《二樓後續》絕對唔係因為呢度冇啦而去做啲話題，只係純粹因為Nowhere Boys對呢個地方有感情，好想喺佢完結之前，用我哋嘅音樂紀錄呢個地方。」Ken強調：「用我哋嘅方法紀錄呢個地方嘅聲音、呢支結他嘅聲音，我唔知道下次係幾時可以再錄到佢（小妖），但好肯定，下次就算我再彈到呢支結他，亦唔會喺呢個地方。」

主音Van

親手寫上每段得失樂與悲與夢兒，Van認為這是上天賜予的命運派對，於是堅持信念不再猶豫，懶理現時市場主流旋律，衝開一切以充滿90年代Indie Rock風格創作《二樓後續》，以紀念Nowhere Boys在「二樓後座」用「小妖」最後一次在錄音室的灰色軌跡。

拍攝花絮

Ken更點名要由鍾說（鍾雪瑩筆名）填詞，他說：「睇佢做戲，啲內心戲好強，年紀輕輕但對世事有好深感受、好細膩。」他更寫了千字文，向鍾說細緻描述「小妖」的故事、「二樓後座」的燈光、器材等，希望她能為這首歌譜上Nowhere Boys與「二樓後座」這次無聲的告別，他說：「最重要係呢度嘅『精神』，就算呢度要拆，Beyond嘅精神永永遠遠都喺度，透過歌詞傳達呢個訊息。好難相信，原來我細細個聽Beyond、去學結他、組band、喺度錄音，感覺好似無幾耐之前發生，原來已經30年，好amazing！每次嚟呢度錄嘢都有好強嘅感覺，可能acoustic好好，每次都可以好集中精神，好易諗到，好快作出決定。」

拍攝花絮

拍攝花絮

鼓手Nate非常認同，「我哋嚟到呢度好易『撻著』，呢度嘅engineer輝哥（鄧衍輝）好犀利，佢好集中用耳仔聽住我哋做咩，好順利錄到好好嘅作品。」低音結他手Hansun笑說：「喺度錄音，肯定好過喺我哋Band房！我好鍾意呢度個鼓聲，配合埋Nate，啲聲夠punch，錄音好有feel！」

鼓手Nate

Nate說：「任何藝術都一樣，一定要學習之前嘅嘢，先至知道依家要做啲咩，熟悉Beyond好重要，喺香港彈音樂走唔甩，好多機會去彈Beyond嘅作品，我每次睇到香港市民嘅反應，就知道呢啲音樂對呢班人有幾重要。」他表示有一次戶外表演，因同場另一隊band缺了鼓手，他被臨時拉夫上場，而當晚這場俾面派對，表演全是Beyond 的歌，圍觀者由零到爆棚，全賴高溫製造氣氛，即使已上年紀的觀眾亦變得活躍起來，他說：「可想而知Beyond做咗啲好重要嘅音樂，留低咗好嘅影響畀其他人，Beyond嘅影響係無限大，可能香港彈結他嘅人有一半因為佢哋，我覺得Beyond喺本地嘅影響力相等於Beatles，一樣係最高嘅Level！」

拍攝花絮

Nowhere Boys

雖然「二座後座」已成為舊日的足跡，但Beyond的打不死音樂精神就像東方寶藏，過去與今天，抗戰二十年、四十年，依然活在Nowhere Boys和廣大樂迷的心內。

「二座後座」

「二座後座」

「二座後座」

「二座後座」

「二座後座」

「二座後座」

「二座後座」

「二座後座」

「二座後座」

「二座後座」

「二座後座」

「二座後座」