毛舜筠公布好消息 細女區亦山成物理治療師

毛姐家有喜事！

影后毛舜筠（毛姐）與導演區丁平結婚30載，育有兩位千金區令山（Jannie）同區亦山（Jill），繼今年8月大女令山結婚後，細女亦山亦有好消息。毛姐日前（10月5日）在IG公布好消息，指細女在正日生日當日，收到正式成為一位物理治療師的通知書。

今年8月，毛舜筠（毛姐）見證大女區令山（Jannie）出嫁。

她在帖文中寫道：「今日收到學校寄來的生日驚喜 - Certificate of Master of Science for Physiotherapy with distinction!家中多了一位物理治療師，真是如獲至寶！Congratulations Jill ?? We are so proud of you ??????Happy Birthday sweetie??」

毛姐在IG上載與細女合照，慶祝亦山24歲生日之餘，更公布好消息！

亦山以優異成績畢業，正式成為物理治療師。

毛姐還上載了了兩張相，一張是她與其細女在餐廳慶祝生日的照片，而另一張就是她同老公，在家中與亦山食蛋糕的相，不少網民留言大讚亦山靚女外，還說毛姐養育了一個出色的囡囡。

好叻女！

林日曦早前推出《林日曦2026乜都唔知優先訂飛》，反應熱烈，吸引大批癲喪劇迷盲撐搶飛！林日曦終於正式揭曉，今年年度癲喪舞台劇為《大死撐日》，並宣布邀得毛舜筠領銜主演，聯同白只、楊偉倫及胡麗英合力演出，一連37場，將於8月28日起假香港演藝學院歌劇院隆重上演。門票將於5月28日（星期四）上午10時起於 Cityline 公開發售，各位癲喪劇迷記得把握最後搶飛機會，萬勿錯過！

毛舜筠

楊偉倫

林日曦

林日曦、毛舜筠、楊偉倫

是次宣傳海報亦相當吸睛，一眾演員以粵劇花旦及小生造型驚喜亮相，令人眼前一亮。林日曦透露，今次作品將融入粵曲元素，但並非傳統大戲，更笑言屆時可能會「跳唱粵曲一兩隻」，請觀眾拭目以待。他表示：「一直想寫一齣喜劇，去重新宣揚一下呢個香港重要嘅文化。於是五年前去搵我哋嘅粵劇及粵曲顧問江駿傑先生，向佢學習當中嘅歷史、文化，為寫劇本做準備。當中經歷疫情，所以呢個project推遲到五年後嘅今日先發生。」

談到今次邀請毛舜筠參演，林日曦直言對方是自己心目中的唯一人選：「五年後當我攞返呢個劇本出嚟嘅時候，第一個諗起嘅就係毛姐。我好鍾意毛姐獨特嘅喜劇節奏，佢做喜劇，就好似經典嘅《家有囍事》，唔係首先引你笑，而係全心投入去角色嗰度，完全相信個角色，自然散發嗰種喜感出嚟。一路都想搵佢合作，所以好耐之前已經鋪排定，不斷邀請佢哋睇我嘅舞台劇，慢慢搵機會。」

首次參演林日曦作品的毛舜筠（毛姐）坦言，私底下其實並不認識對方，但早已是其忠實粉絲：「我係佢Fans嚟，我成日睇佢啲舞台劇㗎！佢嗰種舞台劇嘅演繹方法成日都令到我大笑，有時仲會無端端笑到好大聲，睇完演出又想搵佢影相！」

談到今次破天荒接演舞台劇，她坦言感覺非常奇妙：「其實以前有兩次演舞台劇嘅機會，但最後都因為一啲事取消咗，明明連約都簽埋……」她表示，當時曾以為自己與舞台劇無緣，直到收到林日曦的劇本後，卻有一種命中注定的感覺：「我直情覺得點解好似為我而寫咁，莫非佢好了解我？」不過林日曦原來是在完全不知道毛姐背景的情況下創作角色，令毛姐更相信這次合作是一種緣份：「所以今次一定要搏一搏！」

她亦透露，被劇本中的喜劇元素深深吸引，幾乎是一看完便決定接演：「我一直都好想做一個舞台喜劇，而家個氣氛好多嘢都令人笑唔出。如果可以透過一個戲令大家開心大笑，而個演出又畀到驚喜大家，我覺得作為演員已經好滿足。」

除了喜劇元素外，林日曦亦透露：「雖然呢齣係一齣喜劇，但真係會有幾首短嘅粵曲，全部原創，由我創作曲詞。」他苦笑指：「記得毛姐聽完後，佢一邊話好好，一邊問我係咪用AI。非常hurt。我同佢澄清，喺我最迷惘唔知點寫嘅時候，真係有試過去學人搵嗰啲AI試吓，點知原來嗰啲AI根本就冇粵曲呢個選項，完全幫唔到手。最後我係靠不斷重複聽一啲經典嘅粵曲，再向我哋嘅粵曲顧問問咗好多好多好多好多問題，了解咗粵曲嘅一啲規範同埋特性，終於勉強寫咗出嚟。」

林日曦年度癲喪舞台劇 ——《大死撐日》將於今年8月28日起，一連37場假香港演藝學院歌劇院盛大公演，門票將於5月28日（星期四）上午10 時起於 Cityline 公開發售！癲喪劇迷敬請準時搶飛，齊齊見證一班人查篤撐！