近日有網民發現屯門友愛邨有架奧迪（Audi）疑違泊。因疑日日都阻礙街坊出入，結果車頭被人貼了粗口告示，更被嘲「冇錢就唔好學人揸車」。
奧迪。官網截圖
溫馨提示「給友愛邨班自私L」
該名網民在Facebook群組「真.屯門友」發帖表示「溫馨提示：給友愛邨班自私L」，指最近在屯門友愛邨成日有架紅色奧迪私家車疑似違泊路邊，因而被街坊在車頭貼了粗口告示。
FB圖片
水潑夾粗口告示
從照片可見，該奧迪的車頭水潑位置夾了張A4紙尺寸的粗口告示，訴說着對車主近日的不滿，「冇錢就唔好學人揸車，停車場就喺隔籬，日日泊喺度阻X住條街。」
網民大讚「先禮後兵」
帖文引起網民熱議，並大有網民大讚街坊做法，「好多人都係又要揸，又要慳停車場錢」、「最憎呢啲人」、「做法正確」，「有人提都幾好，起碼講咗先」、「先禮後兵」、「咪算好囉，畀我就即刻報警罰佢$320」。
友愛邨示意圖。資料圖片
網民建議絕招懲戒
有人提就未必會改，有網民指如果車主屢勸不改，應馬上嚴懲，「搵人鎖佢碌」、「仲要搵警察送『牛肉乾』畀佢，鎖車費加牛肉乾，仲貴過每個月停車場費用」。
示意圖。資料圖片
日本是香港人旅遊熱點之一，當地有不少人氣食肆都需要預早預約。有港人日前因預約福岡縣燒肉店「薬院焼肉NIKUICHI」不遂，於是碰下運氣Ｗalk in，豈料要等3小時，而當時亦有來自香港的一家四口，媽媽以英語詢問店員指一家人來自遠方，可否安排他們入場。港人聽到後感到匪夷所思，指不應情緒勒索店員，直指對方「少少失禮咁囉。」
港人聽到後感到匪夷所思，指不應情緒勒索店員，直指對方「少少失禮咁囉。」網上圖片
港媽以英語稱「由遠方來」求入座
有港人日前在社交平台發文，指早前想預約日本福岡縣的人氣燒肉店「薬院焼肉NIKUICHI」，但不成功，其後到了當地路經該店，於是詢問店員如沒預約要等候多久，豈料要3小時之久。而當時有一家四口站在她的旁邊，其中媽媽得知要等3 小時後，即指他們一家人來自很遠的地方，可否安排他們進內 (but we come from far away, can you help me go inside?)。
日本福岡縣的人氣燒肉店「薬院焼肉NIKUICHI」。網上圖片
樓主：冇book位乖乖排隊唔好咩？
港人聽到後，覺得對方有點離譜，就算自己從多遠的地方來到日本，也不應該成為想早點入座的原因。其後她聽到一家人用廣東話交談，才得得對方也是香港人。「下一句廣東話就出現了，原來係香港人。」她表示雖然店家都有預留名額予沒有訂位的客人，但不明白為何一家人覺得自稱來自遠方就可以早點安排入座，並坦言「想食但冇book(預訂)位嘅話乖乖排隊唔好咩。」
「薬院焼肉NIKUICHI」是當地人氣高企的燒肉店，晚市時段經常爆滿。網上圖片
店方會視乎情況安排即場輪候名額
根據網上資料「薬院焼肉NIKUICHI」是當地人氣高企的燒肉店，晚市時段經常爆滿，如果是旅客就建議須提早預約，雖然店方會視乎情況安排即場輪候名額。
網上圖片
網批：用呢個藉口更加係顯得無知
不少網友都認同樓主的觀點，指「明明可以book既(嘅)餐廳又唔book定，知自己遠道以(而)黎(嚟)唔做好準備先？」、「我屋企人就係呢啲人……佢哋覺得都無問一句，唔得咪唔得，但如果得就當賺咗」、「情緒勒索已經係錯，用呢個藉口更加係顯得自己無知。」
網上圖片
網撐：萬一R到有食唔洗全家等3個鐘
不過就有人留言認為「萬一R到有食喎，唔洗全家等3個鐘，唔得最多都係樣衰咁比樓主串下」，另有網友分享指曾向店家表示自己是旅客，而翌日就要離開，而店家最終都酌情允許排隊「我哋就話係旅客，聽日就走可唔可以俾我哋照食？於是佢比埋我哋排……都係問一句，又唔係話冇得食就發脾氣所以OK啦。」
