十優港姐陀B獲老公盛勁為體貼照顧 麥明詩已向朱千雪取經預告12月旅行渡假

榮升媽媽的麥明詩大談陀B感受！

「十優港姐」麥明詩（Louisa）於懷孕後首度出席公開活動，榮升媽媽的她接受傳媒訪問，分享不少感受。

本網記者攝

本網記者攝

本網記者攝

本網記者攝

本網記者攝

本網記者攝

本網記者攝

本網記者攝

本網記者攝

本網記者攝

本網記者攝

本網記者攝

本網記者攝

麥明詩宣布懷孕喜訊，「其實都好幾個月啦，一直同老公嘅共識都係順其自然。我?家都係日常返工，今日亦好開心可以出席活動，提早少少賺奶粉錢。」其身體曾出現不適，「都一段時間喇，同埋之前自己都唔係好舒服，身體一直都適應緊，想心理、身體各方面都適應好啲先面對其他嘢。家庭都非常支持，老公、爸媽、老爺、奶奶即刻非常關注我嘅健康，令我有少少呷醋，因為佢係關注BB多過關注我。都有啲孕吐，發覺頭嗰3個月好攰，自己亦有工作。原來其實一個準媽媽要兼顧工作、身體、心理上，即係Physical方面都會有幾大嘅挑戰，所以好多香港嘅媽媽都好厲害。身體上最大嘅轉變就係好攰，體能都會下降，經歷咗大慨兩、三個月嘅孕吐，進食、運動各方面都有影響，步入咗另一個階段，身體適應咗，同埋都做返運動會游水、做Gym，變咗?家係開心。」

本網記者攝

對於上圍升Cup，她表示：「有好多變化，當然有好嘅地方，有令我擔憂嘅地方，好嘅地方係原來都可以靚嘅，好似今日出席活動咁，有好多人幫我Keep住靚啦，都開心。有時其實見到自己個肚愈嚟愈凸出嚟，有啲擔憂咁樣，之後會唔會回復到呢？呢啲都係諗得太多，盡量做多啲運動，保持一個開心嘅心境。老公都幾好，好似我今朝做緊孕婦操，有啲運動同拉筋，佢會一齊陪我做。」談到老公的服務，「佢會好關心我嘅飲食，Make Sure我飲得夠水、湯水、進補藥材，氹我食嘢，之前可能冇咩胃口。佢會幫我搽去妊娠紋嘅產品，提升我嘅心理健康。佢會特登帶我出去食，可能好食啲我胃口會好啲。?家可能變咗少食多餐，有機會係我老公嘅體型比較大，我懷疑令我個胃相對......個胎較大，每次食少少。佢好好嘅，例如食完晚餐七、八點，夜晚約十點佢會問我係咪差唔多肚餓，可能炒隻蛋畀我，或者整啲乳酪，Make Sure我唔好有飢餓嘅感覺。佢（老公）都好健康，比較Organic，所以佢都會自己整，唔想我食太多出面可能唔太健康嘅食物。」

本網記者攝

穿上四吋高踭鞋現身的麥明詩獲老公力撐，「佢知（四吋高踭鞋）嘅，係佢車我過嚟，佢不嬲都好信任我，信任我嘅選擇同判斷，我都揀咗啲粗踭同穩陣嘅高踭鞋，佢都支持我。」二人暫時未有公布BB的性別，「我哋暫時想Keep一個Surprise，可能遲啲有機會再做Gender Review。BB應該係蛇B，之前都嚮往同老公一齊組織一個家庭，都知道唔係話想計劃到就計劃到，我覺得我哋都係好有祝福，好感恩。過去嗰9個月都互相監察對方嘅健康，叫對方唔好飲酒，大家會食Supplements，提早由結婚之後開始食，但做好準備之餘都要放鬆心情，平常心，心態先係最緊要。會覺得好Lucky，呢半年暫時都好順利，當然仲有幾個月，再努力，同埋希望一切都順利。」被問到之後會否再生B，她回應：「目標嚟講，當然我嘅願望係自己嘅小朋友第時有個伴，但我覺得?家就言之過早，每一個媽媽嘅經歷都唔一樣，都有佢辛苦嘅地方，都要睇自己嘅彩數，如果一切比較順利嘅當然就會比突順利啲，如果冇咁順利就到時再決定。冇話好大嘅Plan，可能每個階段每人嘅反應都唔一樣，到時睇自己嘅狀態，我都已經卜定咗12月去旅行，會同埋爸媽、老公，因為我都想一家人享受埋寧靜嘅時光。我哋應該都會去啲渡假嘅地方，都唔係話適合太走動，都好想趁最後機會有多啲時間相處，都相信有咗之後，即係下年可能就翻天覆地。老爺、奶奶已經有3個孫，唔係話好緊張，都係好事，變咗都教到我哋點樣放鬆心情，我媽媽?家就超級開心，佢超鍾意小朋友，會有好多準備同計劃，例如請工人姐姐。」

本網記者攝

談到BB的名字，她笑言：「我哋有傾嘅，但我哋暫時傾嘅都係搞笑，唔出得街，你哋諗吓啦，佢姓盛㗎。我好簡單咋，驗孕後就話畀佢（老公）聽，我冇搞驚喜。我哋都係好實際嘅人，唔想自己提早開心，提醒自己都係平常心，一直保持健康，好快就同埋爸媽講。佢（老公）知道後處之泰然，因為我哋都係Plan咗，就冇太驚訝，佢都開心自己係得嘅。時間上，佢覺得下年呢個時間請到假，成件事就配合得幾好。因為工作性質方面，佢請假都要提早啲請，有啲季節係比較難請，如聖誕節。預產期係3、4個月，佢都知道我心靈比較脆弱，所以都申請飛多啲唔係留喺外地咁多日子嘅Trip，都關顧我感受。佢飛咗去外地之後就唔出去玩咁多，佢話佢想善用時間溫習佢工作上嘅嘢，佢份工係需要持續進修、溫故知新，佢希望?家有時間，工作上準備得好啲，BB出世後就可以Focus喺BB嘅成長上。唔好做啲幫唔到手嘅嘢，多啲氹下我開心，畀我多啲精神上嘅支持。」順產還是開刀？她認為：「冇需要太早諗，自己或BB嘅身體已經幫你決定咗。想順其自然，即係醫生到時覺得需要咩就咩，費事太多計劃，唔想當趕唔上計劃時，自己會不知所措或失望。」她向好友朱千雪取經：「早幾日啱啱同咗Tracy（朱千雪），我都跟佢學咗好多嘢，佢分享咗好多，成個過程，佢啱啱行咗成個過程，仲係記憶猶新，畀咗我好多貼士，小朋友嘅物資點樣安排，點樣應付四大長老嘅關係，同埋自己嘅心理健康，我都好開心佢早我一段時間，幫到我好多。」

關注一下過去24小時娛圈事Top 5熱話。

朱千雪報喜宣布懷第二胎 2歲囝囝將升呢做哥哥

37歲的前港姐季軍朱千雪（Tracy）於2019年與同年同月同日生的青梅竹馬醫生男友吳昆倫（Justin）結婚，前年元旦宣布懷孕，並於同年5月16日迎來囝囝，昨日（5月17日）她在社交平台報喜，宣布懷第二胎，即將榮升幸福的四口之家！

▼詳情點擊圖片查看或按連結

洪卓立控訴媽媽換眼角膜手術「愈做愈差」 醫生竟叫佢去告醫院？

洪卓立（Ken）日前在母親節發文透露媽媽健康亮紅燈，做了兩次換眼角膜手術後情況愈來愈差，有一隻眼睛只剩6%視力。他更爆出手術由副院長操刀，但對方解釋不到要做兩次手術的原因，更直接叫媽媽「去告佢」。雖然獲院長口頭承諾免費處理，但現時又將責任推給另一名醫生。洪卓立坦言父親心臟亦出現問題，自己亦患腦癇症須長期服藥，心力交瘁。他呼籲大家多關心父母。經歷過爆肺停工、體重暴增至200磅的他，如今再面對家人健康問題，令粉絲非常擔心。他寄語「別忘記抽空停下來，回頭看看那愛你如初的父母」。

▼詳情點擊圖片查看或按連結

葉蒨文羅馬露台晒公主造型 網民激讚靚到發光

葉蒨文（Sophie）近日與黃庭鋒遠赴意大利羅馬為大型活動擔任司儀，兩人默契十足，成功帶動氣氛。Sophie在社交平台分享短片，換上華麗盛裝配閃鑽頭飾，於酒店露台欣賞煙花，狀態弗爆，猶如童話公主，獲網民大讚「靚到發光」。

▼詳情點擊圖片查看或按連結

「國民奶奶」金英玉痛失摯愛 播音員丈夫金英吉病逝享壽89歲

韓國資深演員「國民奶奶」金英玉的丈夫、前 KBS 播音員金英吉，在與病魔長期抗爭後，於5月17日不幸離世，享壽 89 歲。故人金英吉的靈堂目前已設於首爾聖母醫院殯儀館，結縭數十載的妻子金英玉列為主喪家屬，在靈堂守候。故人的出殯儀式預計將於 5月19 日韓國時間上午舉行，隨後將安葬於京畿道坡州市的東華景慕公園。

▼詳情點擊圖片查看或按連結

李蘊晒溫馨合照為大女慶祝10歲生日 強調「母愛無可替代」疑反擊前夫

34歲的前少女組合Cream成員李蘊（Renee）於2015年與金融才俊羅章冠結婚後移居廣州生活，二人育有一對子女，但去年李蘊突然已離婚兩年，並避談離婚原因與及子女撫養權一事，而前夫羅章冠就曾聲稱自己「被欺騙、被背叛、被傷害」，令李蘊被質疑，早前母親節更突然自封「半個母親」，疑暗寸前妻只顧玩樂，不理仔女，而李蘊昨日（5月16日）就在社交平台分享為大女慶祝10歲生日的影片，並強調「母愛無可替代」，疑似反擊前夫！

▼詳情點擊圖片查看或按連結