Daze in White：「證明我哋對音樂嘅認識係非常純潔。」
澳門獨立樂隊Daze in White主音Felix、結他和琴鍵手Eugene、鼓手Dash、Bass手Dennis及結他手Michael，日前接受黎莉主持的《勁爆樂勢力》訪問，剛於年初簽了新公司的Daze in White，透露樂隊名稱代表純潔，「白色係一個好純潔嘅顏色，證明我哋對音樂嘅認識係非常純潔，我哋就係好簡單嘅熱愛音樂。」
點擊看圖輯
澳門獨立樂隊Daze in White接受黎莉《勁爆樂勢力》訪問。
(左)鼓手Dash Lei、(右)結他手Michael
(左)結他手Michael、(右)主唱及結他手Felix Cheang Szeto
(左)低音結他手Dennis Wan、(右)結他手及鍵琴手Eugene Lei
澳門獨立樂隊Daze in White接受黎莉《勁爆樂勢力》訪問。
解釋樂隊名代表白色純潔！
Daze in White表示樂隊成立之初，並沒有想過可以來港發展，Dash表示：「我哋組班底嘅時候，完全冇諗過可以走到咁遠，我覺得好神奇，我哋5個人可以出到碟之餘，仲透過比賽認識到依家嘅公司，再同我哋簽合約。」而他們也樂於衝出澳門，讓更多人認識他們的音樂，「當時有前輩同我哋講，『去啦，唔使再諗，你哋一定要試吓出去，留喺澳門可能仲係喺同一個場演出』。」
(左)鼓手Dash Lei、(右)結他手Michael
5位成員於簽約前特別舉行會議，Felix當時更語重心長告誡各成員，「我哋要簽約喇，大家唔好搞出人命，專心事業。」Daze in White的夢想是希望用最簡單的音樂去感染別人，而世界巡迴演唱亦是他們的目標，充滿鬥志。
(左)結他手Michael、(右)主唱及結他手Felix Cheang Szeto
(左)低音結他手Dennis Wan、(右)結他手及鍵琴手Eugene Lei
即將於2026年1月舉行的「JamNgok 2026〈Live at The Big Top〉」，將破天荒進駐「The Big Top @ AIA Carnival友邦嘉年華」的大帳幕舞台，為樂迷帶來一連三場別開生面的現場演出。活動邀得人氣組合艾粒（ILUB）、唱作歌手周吉佩（吉吉）及樂隊Nowhere Boys輪番上陣，於1月24、29及30日，在充滿嘉年華氛圍的帳幕下，與樂迷近距離接觸，締造獨一無二的音樂派對，旨在以充滿力量的演出為大家新一年「叉滿電」。
艾粒
周吉佩
Nowhere Boys
是次演出形式新穎，三個演出單位均表示非常期待。周吉佩形容感覺「好特別」，並預告將以派對感十足的編曲和舞台服裝，營造馬戲團般的玩樂氣氛，與歌迷一同狂歡。他期望演出能為2026年開個好頭，並透露正努力製作更多好歌，爭取在樂壇頒獎禮上取得成績，同時亦希望將音樂帶到澳門、馬來西亞、廣州等地，舉辦巡迴演唱會。
周吉佩
周吉佩
剛完成十周年企劃《Letters of Nowhere》的Nowhere Boys，將1月30日的演出視為一個珍貴的機會與禮物，為他們的十周年紀念畫上一個難忘的句號，並為心血之作《NWB Post Office》帶來現場的完滿演繹。他們表示，透過這個企劃學會了不計較結果，明白事情發展未必總與預期成正比，即使被突發事件打斷亦無需介懷，並盼望未來能有更多機會與樂迷見面。他們興奮表示「期待咗試馬戲班帳幕呢個場好耐，咁近距離，我哋一向鐘意走入觀眾核心，大家都知，所以歌迷準備啦下，一齊唱，一齊叫，一齊癲，熱定身，食定喉糖，飲多啲水！」
Nowhere Boys
Nowhere Boys
向來鬼馬多計的艾粒（Donald & 占)則是首次在嘉年華內開騷。他們直言「嘉年華就玩咗好多年，但開show就第一次」，相信能與現場追求開心的觀眾產生雙倍快樂的化學作用。兩人預告已準備了特別環節與粉絲互動，包括「抽啤牌送一蚊」以及即場幫觀眾求婚，更笑言是「單身人士的福音」。談及新一年展望，他們希望「繼續好奇、繼續八卦、繼續發掘多啲新鮮事、搵多啲嘢玩」，相信無論在任何過程中經歷的開心，都能直接感染身邊每一個人。
艾粒
回顧2025年，艾粒各有深刻體會，阿奴分享：「今年領養咗隻狗仔，原本想領養唐狗BB，但緣份到了領養咗一隻老狗。不過都冇所謂，因為無論做嘢幾攰，只要返到屋企見到佢等你返嚟我就好開心。」占則表示：「自己隊樂隊YEAHS出咗一張大碟，喺香港同加拿大做咗幾場專場，亦創立咗自己嘅咖啡品牌，從對咖啡一竅不通，到學多咗好多咖啡知識，覺得自己品味upgraded。」他們衷心希望是次演出能像一個溫暖的「擁抱」，帶給每位觀眾力量，「無論係我哋揀嘅歌，準備好講笑嘅稿，都希望你能夠得到平安喜樂嘅心去渡過2026年。」
「JamNgok 2026〈Live at The Big Top〉」詳情：
主辦單位：木火娛樂
演出日期：2026年1月24日（艾粒）、1月29日（周吉佩）、1月30日（Nowhere Boys）
地點：The Big Top @ AIA Carnival 友邦嘉年華大帳幕
票價：HK$798 / HK$698（全場坐位。每張門票均包括當天進入友邦嘉年華的權限）
售票平台：KKTIX
JamNgok 2026〈Live at The Big Top〉
